2000 કે 3000 રન બનાવીશ! IPL 2026 પહેલા માત્ર 35 બોલમાં સદી ફટકારનાર બેટ્સમેને આપ્યું ‘મોટું નિવેદન’, જાડેજા પણ તેની વાત સાંભળી ચોંકી ગયો

ઇન્ડિયન પ્રીમિયર લીગની 19મી સીઝનમાં કેટલાક એવા યુવા ભારતીય ખેલાડીઓ છે કે, જેમના પ્રદર્શન પર સૌની નજર રહેવાની છે. આમાં એક નામ 14 વર્ષના ડાબોડી ઓપનિંગ બેટ્સમેનનું પણ છે, જેણે ગત આઈપીએલ સીઝનમાં ડેબ્યૂ કરીને પોતાની પ્રતિભાથી સૌને હેરાન કરી દીધા હતા.

આ સીઝનમાં વૈભવની અસલી પરીક્ષા થવાની છે, કારણ કે તમામ ટીમો તેની સામે વધુ સારી તૈયારી સાથે મેદાનમાં ઉતરવાની છે. આ દરમિયાન આઈપીએલ 2026 સીઝન શરૂ થાય તે પહેલા વૈભવ સૂર્યવંશીનું પણ મોટું નિવેદન સામે આવ્યું છે કે, જેમાં તેણે પોતાના ઇરાદા સ્પષ્ટ કરી દીધા છે.

2000 થી 3000 રન વાત કેમ કરી?

આઈપીએલ 2026ની સીઝનમાં ઓરેન્જ કેપ જીતવાના દાવેદારોમાં એક નામ વૈભવ સૂર્યવંશીનું પણ છે. સીઝન શરૂ થાય તે પહેલા એક ઇવેન્ટમાં વૈભવ સૂર્યવંશીને પૂછવામાં આવ્યું કે, તે કેટલા રન બનાવવાનો ટાર્ગેટ રાખી રહ્યા છે? હવે આના જવાબમાં વૈભવે રમૂજી અંદાજમાં કહ્યું કે, જો તમે આવો સવાલ પૂછશો તો હું કહીશ કે, 2000 થી 3000 રન બનાવવાની કોશિશ કરીશ.

વૈભવ સૂર્યવંશીનો આ જવાબ સાંભળીને તેની બાજુમાં બેઠેલ રવીન્દ્ર જાડેજા પણ હસવા લાગ્યો હતો, કારણ કે એક સીઝનમાં કોઈપણ બેટ્સમેન માટે આટલા રન બનાવવા લગભગ અશક્ય કામ છે. વૈભવ સૂર્યવંશીએ પોતાના રમૂજી જવાબ બાદ આગળ કહ્યું કે, આગામી સીઝન માટે મારો એવો કોઈ ટાર્ગેટ નથી. હું બસ પ્રોસેસ ફોલો કરવાની કોશિશ કરું છું અને પ્રયત્ન માત્ર પોતાના પ્રદર્શનના દમ પર ટીમને જીત અપાવવાનો હોય છે. હું મારા માટે કોઈપણ પ્રકારના પર્સનલ માઈલસ્ટોન માટે મેદાનમાં રમવા નથી ઉતરતો.

અગાઉ 35 બોલમાં સદી ફટકારી ચૂક્યો છે

જણાવી દઈએ કે, ગત સીઝનમાં જ્યારે વૈભવે ડેબ્યૂ કર્યું હતું, ત્યારે તેણે ગુજરાત ટાઇટન્સ સામેના મુકાબલામાં માત્ર 35 બોલમાં સદી ફટકારી દીધી હતી. અત્યાર સુધી આઈપીએલમાં વૈભવે 7 મેચ રમી છે અને તેમાં 36ની એવરેજથી 252 રન બનાવ્યા છે.

Breaking News : હાર્દિક પંડ્યાએ શર્ટલેસ થઈ કાર ચલાવી, ગર્લફ્રેન્ડને ગળે લગાવી ડાન્સ કર્યો, જુઓ વીડિયો