VIDEO : નવજોત સિંહ સિદ્ધુએ એમએસ ધોનીને કાચિંડો કહ્યો ? અંબાતી રાયડુ પર કર્યો વળતો પ્રહાર

IPL 2025 દરમિયાન ચાલી રહેલી હિન્દી કોમેન્ટ્રીમાંથી વધુ એક નાટક બહાર આવ્યું છે. પંજાબ કિંગ્સ અને ચેન્નાઈ સુપર કિંગ્સ વચ્ચેની મેચ દરમિયાન નવજોત સિંહ સિદ્ધુએ અંબાતી રાયડુ પર વળતો પ્રહાર કર્યો અને કહ્યું કે જો કાચિંડો કોઈનો દેવતા હોય, તો તે તમે છો. સિદ્ધુએ અંબાતી રાયડુની કોમેન્ટનો જવાબ આપતા આ વાત કહી હતી. વાસ્તવમાં, અગાઉ અંબાતી રાયડુએ સિદ્ધુને કહ્યું હતું કે તે પોતાની મનપસંદ ટીમ બદલી નાખે છે જેમ કાચિંડો પોતાનો રંગ બદલી નાખે છે.

સિદ્ધુએ રાયડુને કહ્યું, ‘તમારો આઈડલ કાચિંડો છે’

પંજાબ કિંગ્સ અને ચેન્નાઈ સુપર કિંગ્સ વચ્ચેની મેચની કોમેન્ટ્રી દરમિયાન અંબાતી રાયડુ સિદ્ધુને ઓન એર કહેતા જોવા મળ્યો હતો કે પાજી, જેમ કાચિંડો રંગ બદલે છે, તેમ તમે ટીમ બદલો છો. રાયડુએ આમ કહ્યું કે તરત જ સિદ્ધુએ જવાબ આપ્યો અને કહ્યું કે જો આ દુનિયામાં કાચિંડા જેવું કોઈ છે, તો તે તમે અને તમારા આદર્શ છો.

શું સિદ્ધુના નિશાના પર છે ધોની?

વીડિયોમાં, નવજોત સિંહ સિદ્ધુએ રાયડુના આઈડલનો ઉલ્લેખ કર્યો છે, જેને તેણે કાચિંડો પણ કહીને સંબોધિત કર્યો હતો. સિદ્ધુએ એ નથી જણાવ્યું કે તેણે કોને કાચિંડો કહ્યો. પ્રશ્ન એ છે કે શું તેણે ધોની વિશે આવું કહ્યું હતું? કારણ કે જ્યારે સિદ્ધુ આ કહી રહ્યો હતો ત્યારે લાઈવ ટેલિકાસ્ટમાં ધોનીના ફૂટેજ બતાવવામાં આવી રહ્યા હતા.

અંબાતી રાયડુ ધોનીની કપ્તાનીમાં રમી ચૂક્યો છે

અંબાતી રાયડુ અગાઉ ધોનીની કેપ્ટનશીપમાં CSK માટે રમી ચૂક્યો છે અને ધોનીને પોતાનો આઈડલ પણ માને છે. IPL 2025 માં, નવજોત સિંહ સિદ્ધુ અને અંબાતી રાયડુ બંને બ્રોડકાસ્ટર ચેનલની હિન્દી કોમેન્ટ્રી પેનલનો ભાગ છે.

આ પણ વાંચો: Virat Kohli Instagram : વિરાટ કોહલીએ ઈન્સ્ટાગ્રામ પરથી કરોડોની કમાણી કરાવતી પોસ્ટ્સ ડિલીટ કરી ?

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો