IPL 2022: મુંબઈ ઈન્ડિયન્સે શેયર કર્યો અર્જુન તેંડુલકરનો ફોટો, લોકોએ પૂછ્યો આ સવાલ

માસ્ટર બ્લાસ્ટર સચિન તેંડુલકર (Sachin Tendulkar)ના પુત્ર અર્જુન તેંડુલકર (Arjun Tendulkar) મુંબઈ ઈન્ડિયન્સ (Mumbai Indians) ટીમનો એક ભાગ છે. ગત સિઝનમાં અર્જુન પણ આ ટીમનો ભાગ હતો. પરંતુ તેને મેચ રમવાની તક મળી ન હતી. મુંબઈ ઈન્ડિયન્સ (MI)ની ટીમે આ સિઝનમાં અત્યાર સુધીમાં 12 મેચ રમી છે. મુંબઈ ઈન્ડિયન્સ (MI)ની છેલ્લી 2 મેચ બાકી છે. વાસ્તવમાં મુંબઈ ઈન્ડિયન્સની ટીમ પહેલા જ પ્લેઓફ રાઉન્ડમાંથી બહાર થઈ ગઈ છે. આવી સ્થિતિમાં ચાહકોને આશા છે કે અર્જુન તેંડુલકરને બાકીની મેચમાં ડેબ્યૂ કરવાની તક ચોક્કસપણે મળશે.

મુંબઈ ઈન્ડિયન્સે અર્જુન તેંડુલકરનો ફોટો શેયર કર્યો છે

આ દરમિયાન મુંબઈ ઈન્ડિયન્સ (MI)એ તેના સત્તાવાર એકાઉન્ટમાંથી માસ્ટર બ્લાસ્ટર સચિન તેંડુલકરના પુત્ર અર્જુન તેંડુલકર (Arjun Tendulkar)નો ફોટો શેયર કર્યો છે. આ ફોટોના કેપ્શનમાં લખવામાં આવ્યું છે કે ‘ધીમો કે ઝડપી યોર્કર, અર્જુન ડબલ દિમાગમાં અટવાયેલો લાગે છે.’ મુંબઈ ઈન્ડિયન્સ (MI)ની આ પોસ્ટ અર્જુન તેંડુલકરની બહેન સારા તેંડુલકરે તેના ઈન્સ્ટાગ્રામ એકાઉન્ટ પર શેયર કરી છે. તમને જણાવી દઈએ કે માસ્ટર બ્લાસ્ટર સચિન તેંડુલકરની દીકરી સારા તેંડુલકર ઈન્સ્ટાગ્રામ પર ઘણી એક્ટિવ રહે છે.

અર્જુન તેંડુલકરને આ સિઝનમાં ડેબ્યૂ કરવાની મળી શકે છે તક!

મુંબઈ ઈન્ડિયન્સ (Mumbai Indians)ના આ ફોટો પર લોકો ઘણી કોમેન્ટ કરી રહ્યા છે. મુંબઈ ઈન્ડિયન્સના અને સચિનના ચાહકો કહી રહ્યા છે કે અર્જુન તેંડુલકર (Arjun Tendulkar)ને આ સિઝનમાં ડેબ્યૂ કરવાની તક ચોક્કસ મળવી જોઈએ. આ પહેલા પણ IPL મેગા ઓક્શન 2022માં મુંબઈ ઈન્ડિયન્સ (MI)એ અર્જુન તેંડુલકરને 30 લાખ રૂપિયામાં પોતાની ટીમમાં ખરીદ્યો હતો. તમને જણાવી દઈએ કે ગયા વર્ષે અર્જુન તેંડુલકર મુંબઈ ટીમ માટે સૈયદ મુશ્તાક અલી ટ્રોફીમાં ડેબ્યૂ કર્યું હતું. અર્જુન તેંડુલકર સૈયદ મુશ્તાક અલી ટ્રોફીમાં 2 મેચમાં 2 વિકેટ લીધી હતી.

મહત્વનું છે કે મુંબઈ ઈન્ડિયન્સની ટીમે અત્યાર સુધી આઈપીએલના કુલ 5 ટાઈટલ જીત્યા છે. જે અત્યાર સુધી સૌથી વધુ ટાઈટલ જીતનારી ટીમ છે. ત્યારબાદ ચેન્નઈ સુપર કિંગ્સ ટીમનું નામ આવે છે. ચેન્નઈ ટીમે અત્યાર સુધી કુલ 4 વખત આઈપીએલના ટાઇટલ જીત્યા છે.