IPL 2022 Most fours in history: શિખર ધવન છે બાઉન્ડરી ફટકારવાનો માસ્ટર, તેનો વિક્રમ નજીકના ભવિષ્યમાં કોઇ નહી તોડી શકશે નહી
IPL માં જ્યાં દરેકનું ધ્યાન તેના પર રહે છે કે કોણ સૌથી વધુ અને સૌથી લાંબી સિક્સર ફટકારે છે, ત્યાં કેટલાક બેટ્સમેન એવા પણ છે, જે દરેકના ધ્યાનથી અલગ-અલગ ચોગ્ગામાં રન બનાવતા રહે છે.
ઈન્ડિયન પ્રીમિયર લીગ 2022 સીઝન (IPL 2022) શરૂ થવામાં હવે ખાસ સમય બાકી રહ્યો નથી. 26 માર્ચથી ફરી એક વખત વિશ્વના શ્રેષ્ઠ ક્રિકેટરોનો મેળાવડો જોવા મળશે અને આગામી બે મહિના સુધી ક્રિકેટ ચાહકો T20 ના ઉત્સાહની લહેરમાં ડૂબેલા રહેશે. આ દરમિયાન ઘણા નવા રેકોર્ડ બનશે. ઘણા જૂના તૂટી જશે. ડઝનબંધ વિકેટો પડશે. સેંકડો છગ્ગા અને ચોગ્ગા મારશે. એકવાર ટૂર્નામેન્ટ શરૂ થશે, દરેકને ખબર પડશે કે સિક્સ, ફોર, રન કે વિકેટની રેસમાં કોણ આગળ છે. પરંતુ જો ટૂર્નામેન્ટના ઈતિહાસની વાત કરીએ તો નવી સિઝનની શરૂઆત પહેલા રેકોર્ડ જાણવામાં કોઈ નુકસાન ન હોવું જોઈએ. હાલમાં આઈપીએલના ઈતિહાસમાં સૌથી વધુ ચોગ્ગા ફટકારવા (Most Fours in IPL History) ને લઇ ચર્ચા કરી રહ્યા છીએ. IPL ની 14 સિઝનના ઈતિહાસમાં અનુભવી ભારતીય ઓપનર શિખર ધવન (Shikhar Dhawan) સૌથી વધુ ચોગ્ગા ફટકારવામાં માસ્ટરી હાંસલ કરી છે.
IPL દરમિયાન, સામાન્ય રીતે દરેકનું ધ્યાન કોણ સિક્સર મારી રહ્યું છે અથવા કોણ સૌથી વધુ અને સૌથી લાંબી સિક્સર મારે છે તેના પર રહે છે. ઘણીવાર, તે ખેલાડીઓની ચર્ચા તેમની વચ્ચે રહી જાય છે, જેઓ સરળતાથી બોલને ફિલ્ડરો વચ્ચેના ગેપમાંથી બોલને ફટકારીને ચોગ્ગા મેળવવાનુ કામ કરે છે. અને આ અન્ડરરેટેડ આર્ટનો દિગ્ગજ શિખર ધવન છે. દિલ્હી કેપિટલ્સ અને સનરાઈઝર્સ હૈદરાબાદ જેવી ટીમો સાથે ચોગ્ગા ફટકાર્યા પછી, ડાબા હાથનો સ્ટાર ભારતીય ઓપનર હવે નવી સિઝનમાં પંજાબ કિંગ્સ સાથે છે અને ત્યાં પણ હવે તેનો રેકોર્ડ મજબૂત કરશે.
શિખર ધવન સામે બધું જ નિષ્ફળ જાય છે
હવે સીધા આંકડાઓ પર આવીએ. ધવન 2008માં શરૂ થયેલી IPL ની પ્રથમ સિઝનથી સતત રમી રહ્યો છે અને તેણે અત્યાર સુધીમાં 192 મેચ રમી છે. આ 192 મેચોની 191 ઇનિંગ્સમાં ધવનને બેટિંગ કરવાની તક મળી અને ભારતીય દિગ્ગજ ખેલાડીએ છેલ્લી 14 સિઝનમાં રેકોર્ડ 654 ચોગ્ગા ફટકાર્યા છે. ધવનનો આ રેકોર્ડ અત્યારે તૂટે તેવું લાગતું નથી, કારણ કે તેણે બીજા નંબરના બેટ્સમેન કરતાં વધુ 100 ચોગ્ગા ફટકાર્યા છે. એટલે કે વધુ એક સિઝન અને રેકોર્ડ ધવન પાસે જ રહ્યો. આ ચોગ્ગા ઉપરાંત ધવને 124 છગ્ગા પણ ફટકાર્યા છે અને લીગમાં 5784 રન બનાવ્યા છે.
ટોપ-5માં આ ખેલાડીઓ સામેલ છે
હવે વાત કરીએ આ યાદીના બાકીના ખેલાડીઓની. જો ટોપ 5ની વાત કરીએ તો ધવન પછી બીજા નંબર પર રોયલ ચેલેન્જર્સ બેંગ્લોરના દિગ્ગજ વિરાટ કોહલી છે, જેણે 199 ઇનિંગ્સમાં 546 ચોગ્ગા ફટકાર્યા છે. ત્રીજા નંબરે સનરાઇઝર્સ હૈદરાબાદના ભૂતપૂર્વ કેપ્ટન અને દિલ્હી કેપિટલ્સના નવા ઓપનર ડેવિડ વોર્નર છે, જેમણે 150 ઇનિંગ્સમાં 525 ચોગ્ગા ફટકાર્યા છે. ચોથા નંબર પર ‘મિસ્ટર આઈપીએલ’ એટલે કે સુરેશ રૈના છે, જેણે 506 ચોગ્ગા ફટકાર્યા છે, જ્યારે 491 ચોગ્ગા સાથે પાંચમા નંબરે મુંબઈ ઈન્ડિયન્સના સુપરસ્ટાર કેપ્ટન રોહિત શર્મા અને કોલકાતા નાઈટ રાઈડર્સના ભૂતપૂર્વ કેપ્ટન ગૌતમ ગંભીર સંયુક્ત રીતે આ સ્થાન પર છે.
આ પણ વાંચોઃ IPL 2022: ‘બેબી ડિવિલિયર્સ’ થી લઇને વિશ્વ ચેમ્પિયન કેપ્ટન સહિતના ચહેરા પ્રથમ વાર ટૂર્નામેન્ટમાં ધમાલ મચાવતા નજર આવશે
આ પણ વાંચોઃ IPL 2022: સૌથી વધુ રન કરનાર બેટ્સમેનને મળે છે ઓરેન્જ કેપ, જાણો અત્યાર સુધી કોના કોના નામે રહી છે
Latest News Updates
