IPL 2022, MI vs DC : દિલ્હી કેપિટલ્સે 7 વિકેટ ગુમાવીને મુંબઈ ઈન્ડિયન્સ સામે 160 રનનુ લક્ષ્ય રાખ્યુ, બુમરાહની 3 વિકેટ
MI vs DC : દિલ્હી કેપિટલ્સ માટે આજે કરો યા મરો સમાન મેચ છે. આવી સ્થિતીમાં જ તેના બેટ્સમેનોએ રમત કંગાળ દર્શાવી હતી પરીણામે મોટો સ્કોર ખડકવાની આશા સફળ રહી નહોતી.
IPL 2022 ની 69મી મેચ મુંબઈના વાનખેડે સ્ટેડિયમમાં મુંબઈ ઈન્ડિયન્સ અને દિલ્હી કેપિટલ્સ (Mumbai Indians vs Delhi Capitals) વચ્ચે રમાઈ રહી છે. રોહિત શર્મા (Rohit Sharma) એ ટોસ જીતીને પ્રથમ બોલીંગ કરવાનુ પસંદ કર્યુ હતુ. આમ દિલ્હીની ટીમ ટોસ હારીને બેટીંગ કરવા માટે મેદાને આવ્યુ હતુ. દિલ્હીની શરુઆત ખૂબ જ ખરાબ રહી હતી અને પરીણામે મોટો સ્કોર કરીને તેને બચાવવાની દિલ્હીની યોજના મનની મનમાં જ રહી ગઈ હતી. આમ હવે દિલ્હીએ આ સ્કોર પર સિમીત રહેવુ પડ્યુ હતુ. કેપ્ટન ઋષભ પંત (Rishabh Pant) રોવમેન પોવેલે સ્કોર બોર્ડને આટલે સુધી પહોંચાડવામાં સફળ રહ્યા હતા. 20 ઓવરમાં 7 વિકેટ ગુમાવીને દિલ્હીએ 159 રનનો સ્કોર કર્યો હતો.
પૃથ્વી શો અને ડેવિડ વોર્નરે દિલ્હી માટેની ઓપનીંગ જોડીના રુપમાં શરુઆત કરી હતી. પરંતુ. દિલ્હીએ ઝડપથી જ પોતાની ઓપનીંગ જોડીને તૂટતી જોવી પડી હતી. વોર્નર માત્ર 5 રન નોંધાવીને જ પરત ફર્યો હતો. ત્યાર બાદ મિશેલ માર્શ પણ ઝડપથી આઉટ થયો હતો. તે શૂન્ય રનમાંજ પરત ફર્યો હતો. ત્યાર બાદ પૃથ્વી શો પણ આઉટ થઈ જતા 31 રનના સ્કોર પર જ છઠ્ઠી ઓવરમાં 3 વિકેટ દિલ્હીએ ગુમાવી દીધી હતી.
પૃથ્વી શોએ 24 રન 23 બોલમાં નોંધાવ્યા હતા અને તેણે આક્રમકતા અપનાવી એ સમયે જ તે જસપ્રીત બુમરાહનો શિકાર થઈ ગયો હતો. ત્યાર બાજ સરફરાઝ ખાન પણ 10 રન જોડીને આઉટ થયો હતો અને આમ 50ના સ્કોર પર ચોથી વિકેટ ગુમાવતા જ દિલ્હીની સ્થિતી મુશ્કેલ થઈ ગઈ હતી.ય જોકે કેપ્ટન ઋષભ પંત અને રોવમેન પોવેલની રમતે ટીમને બચાવ કરી શકાય એવા સ્કોર તરફ આગળ વધાર્યુ હતુ.
પંત-રોવમેને કમાન સંભાળી
પંતે 33 બોલનો સામનો કરીને 39 રન નોંધાવ્યા હતા. તે એક છગ્ગો અને 4 ચોગ્ગા ફટકાર્યા હતા. તેની સાથે રોવમેન પોવેલે પણ સારી રમત દર્શાવી હતી. તેણે 34 બોલમાં 43 રન નોંધાવ્યા હતા. તેણે 4 છગ્ગા જમાવ્યા હતા અને 1 ચોગ્ગો ફટકાર્યો હતો. તેની રમતે મુંબઈને એક સમયે ચિંતામાં લાવી દીધુ હતુ. પરંતુ પોવેલને જસપ્રીત બુમરાહે ક્લિન બોલ્ડ કરી દીધો હતો. અણનમ રહેલા અક્ષર પટેલે અંતમાં 2 છગ્ગા વડે 19 રનનુ યોગદાન 10 બોલનો સામનો કરીને આપ્યુ હતુ. શાર્દુલ ઠાકુર 4 રનમાં આઉટ થયો હતો. કુલદીપ યાદવ 1 રન સાથે અણનમ રહ્યો હતો.
બુમરાહની 3 વિકેટ
જસપ્રીત બુમરાહે દિલ્હીને શરુઆતમાં જ પરેશાન કરી દીધુ હતુ. તેણે જ મુંબઈને શરુઆતથી રાહત આપી દીધી હતી. પૃથ્વી શો અને મિશેલ માર્શને શરુઆતમાં આઉટ કર્યા બાદ પોવેલની આક્રમક ઈનીંગને પણ તેણે બોલ્ડ કરીને સમાપ્ત કરી હતી. 4 ઓવમાં 25 રન આપીને 3 વિકેટ ઝડપી હતી. રમનદીપ સિંહે 2 ઓવરમાં 29 રન આપીને 2 વિકેટ ઝડપી હતી. માર્કંડે અને ડેનિયલ સેમ્સે 1-1 વિકેટ ઝડપી હતી
