IPL 2021: MS ધોનીની ટીમનો આ ઈંગ્લીશ ખેલાડી હજુ ટીમ સાથે પહોંચ્યો નહીં, CSKની વધી ચિંતા
ચેન્નાઈ સુપર કિંગ્સની ટીમ ત્રણ વારની ચેમ્પિયન છે. જોકે IPL 2020માં સાતમાં ક્રમે રહી હતી. આ વખતે પ્રથમ તબક્કામાં દમદાર પ્રદર્શન ધોનીની ટીમે કર્યુ છે.
IPL 2021 પહેલા ત્રણ વખત IPL વિજેતા રહી ચૂકેલી ટીમ ચેન્નાઈ સુપર કિંગ્સ (Chennai Super Kings)ના ચાર ખેલાડીઓ ટીમ સાથે જોડાયા છે.
આ ચારેય ઈંગ્લેન્ડથી UAE પહોંચ્યા હતા. આ ખેલાડીઓમાં રવિન્દ્ર જાડેજા, શાર્દુલ ઠાકુર, મોઈન અલી અને ચેતેશ્વર પૂજારાનો સમાવેશ થાય છે. પરંતુ ચેન્નાઈ સુપર કિંગ્સનો ધમાકેદાર ખેલાડી હજુ સુધી ટીમમાં જોડાઈ શક્યો નથી. તેના કારણે મહેન્દ્ર સિંહ ધોની (MS Dhoni)ના નેતૃત્વમાં ટીમના ચાહકોના ધબકારા વધી ગયા છે.
આ ખેલાડી છે સેમ કરન (Sam Curran). આ ઈંગ્લિશ ખેલાડી 12 સપ્ટેમ્બર સુધી ઈંગ્લેન્ડથી યુએઈ પહોંચી શક્યો ન હતો. આ કારણે CSKના ચાહકોને ડર લાગવા લાગ્યો કે જો આ ખેલાડી IPL 2021ના બીજા ભાગમાં બહાર ન રહી જાય. જોકે થોડા દિવસો પહેલા ચેન્નાઈએ કહ્યું હતું કે તેના બંને ઈંગ્લીશ ખેલાડીઓ સેમ કરન અને મોઈન અલી યુએઈમાં રમવા આવશે.
સેમ કરન વિશે એવી માહિતી છે કે તે એક દિવસ મોડો CSK કેમ્પમાં જોડાશે. તેના વિશે કહેવામાં આવ્યું છે કે તે 13 સપ્ટેમ્બર સુધીમાં યુએઈ આવશે. આ પછી તે છ દિવસ માટે ક્વોરન્ટાઈનમાં રહેશે. પરંતુ વિલંબને કારણે મુંબઈ ઈન્ડીયન્સ સામેની પ્રથમ મેચમાં સેમ કરનના રમવાને લઈ શંકાના વાદળો ઘેરાવા લાગ્યા છે. જો તે 13 સપ્ટેમ્બરે આવે છે તો તેનું ક્વોરન્ટાઈન 19 સપ્ટેમ્બરે જ પૂર્ણ થશે. આવી સ્થિતીમાં જે તે દિવસે જ રમાનારી મેચ કેવી રીતે રમશે.
જોકે સેમ ભલે તે એ જ દિવસે રમે બધાની નજર પ્રેક્ટિસ વગર તેના પ્રદર્શન પર રહેશે. IPL 2020થી સેમ કરન ચેન્નાઈ સુપર કિંગ્સ સાથે છે. ત્યારથી તે આ ટીમના મુખ્ય ખેલાડીઓમાંથી એક બની ગયો છે. ધોનીની ટીમ માટે તે બેટિંગની સાથે સાથે બોલિંગમાં પણ મહત્વની ભૂમિકા ધરાવે છે.
En-coming 💛
4 times the joy today at Whistles Kingdom! #WhistlePodu #Yellove 🦁 @imjadeja @russcsk pic.twitter.com/eoAMJdKijj
— Chennai Super Kings – Mask P😷du Whistle P🥳du! (@ChennaiIPL) September 12, 2021
સારા રંગમાં છે ચેન્નાઈના ખેલાડી
CSK માટે સારી વાત એ છે કે તેમના ખેલાડીઓ અત્યાર સુધી સારા ફોર્મમાં રહ્યા છે. પૂજારાએ ઈંગ્લેન્ડ સામેની ટેસ્ટ શ્રેણીમાં 227 રન બનાવ્યા હતા. સૌથી વધુ રન બનાવનારાઓમાં તે ચોથા નંબરે હતો. તે જ સમયે, શાર્દુલ ઠાકુરે બે અડધીસદીની મદદથી 117 રન બનાવ્યા અને જરૂરી વિકેટ પણ લીધી. જાડેજા પણ સારા રંગમાં રહ્યા હતા.
આ દરમ્યાન મોઈન અલી અને સેમ કરન ધ હન્ડ્રેડમાં સારી રમત રમી હતી. આ અર્થમાં CSK ખૂબ મજબૂત છે. કોરોનાને કારણે મે 2021માં IPL 2021 સ્થગીત કરવામાં આવી ત્યાં સુધી ચેન્નાઈની ટીમ પોઈન્ટ ટેબલમાં બીજા નંબરે હતી. તેણે સાતમાંથી પાંચ મેચ જીતી હતી. આ વખતે તે ફરીથી પ્લેઓફમાં જવાની દાવેદાર છે.
આ પણ વાંચોઃ IPL 2021: એક ભારતીય ઓલરાઉન્ડર સહિત આ ખેલાડીઓ ફટકારી ચુક્યા છે, IPL ના ઇતિહાસની સૌથી ઝડપી ટોપ ફાઇવ સદી