RR vs RCB, IPL 2021 : ભરત અને મેક્સવેલની રમતે બેંગ્લોરને 7 વિકેટે અપાવી જીત, મેક્સવેલની ધમાકેદાર ફીફટી
વિરાટ કોહલી (Virat Kohli) ની ટોસ જીતીને રાજસ્થાનની ટીમને પહેલા બેટીંગ માટે મેદાને ઉતારવાનો દાવ ખેલ્યો હતો. જેમાં તે ખરુ ઉતર્યુ હતુ. મેક્સવેલના અર્ધશતક સાથે જીત મેળવી હતી.
IPL 2021 ની 43 મી મેચ દુબઇ ના આંતરરાષ્ટ્રીય સ્ટેડિયમ પર રમાઇ હતી. રાજસ્થાન રોયલ્સ (Rajasthan Royals) અને રોયલ ચેલેન્જર્સ બેંગ્લોર (Royal Challengers Bangalore) વચ્ચે આ મેચ બેંગ્લોરે જીતી લીધી છે. બેંગ્લોરના કેપ્ટન વિરાટ કોહલી (Virat Kohli) એ ટોસ જીતીને પ્રથમ બોલીંગ પસંદ કરી હતી. આમ રાજસ્થાન રોયલ્સ બેટીંગ કરવા માટે મેદાને ઉતરતા જ આક્રમક રમત અપનાવી હતી. 20 ઓવરના અંતે 9 વિકેટ ગુમાવીને 149 રન કર્યા હતા. જવાબમાં બેંગ્લોરે 18 મી ઓવરમાં જીત મેળવી લીધી હતી.
રોયલ ચેલેન્જર્સ બેંગ્લોર બેટીંગ
વિરાટ કોહલીને દેવદત્ત પડિક્કલે રાજસ્થાનના પડકારને પહોંચી વળવા માટે તોફાની શરુઆત કરવાનો પ્રયાસ કર્યો હતો. બંનેએ સારી શરુઆત અપાવી હતી. જોકે તે બંને ઓપનીંગ જોડી પેવેલિયન પરત ફરતા થોડોક સમય સ્કોર બોર્ડ ધીમુ પડ્યુ હતુ. 48 રનના આરસીબીના સ્કોર પર પડિક્કલના રુપમાં પ્રથમ વિકેટ ગુમાવી હતી. તેણે 17 બોલમાં 22 રન કર્યા હતા. આ દરમ્યાન તેણે 4 ચોગ્ગા ફટકાર્યા હતા. વિરાટ કોહલી ત્યાર બાદ 52 રનના ટીમ સ્કોર પર આઉટ થયો હતો.
કોહલીએ 20 બોલમાં 25 રન કરીને રન આઉટ થતા વિકેટ ગુમાવી હતી. કોહલીએ ઇનીંગમાં 4 ચોગ્ગા લગાવ્યા હતા. જેમાંથી 3 ચોગ્ગા પ્રથમ ઓવરમાં જ ફટકાર્યા હતા. ત્યાર બાદ ટીમને શિખર ભરત અને ગ્લેન મેક્સવેલે સંભાળી હતી. ભરતે 35 બોલમાં 44 રન કર્યા હતા. આ દરમ્યાન 1 છગ્ગો અને 3 ચોગ્ગા લગાવ્યા હતા. મેક્સવેલે 30 બોલમાં અર્ધશતક લગાવ્યુ હતુ.