IPL 2021 Orange Cap: ઓરેન્જ કેપની રેસમાં ગબ્બર ફરી નંબર-1, કેએલ રાહુલ પણ આપી રહ્યો છે ટક્કર

IPL 2021 ના ​​બીજા તબક્કામાં પણ કોરોનાનો કહેર જારી છે. લીગની 33 મી મેચ બુધવારે સનરાઇઝર્સ હૈદરાબાદ (Sunrisers Hyderabad) અને દિલ્હી કેપિટલ્સ (Delhi Capitals) વચ્ચે રમાઇ હતી. મેચ પહેલા સનરાઇઝર્સ ફાસ્ટ બોલર ટી નટરાજન કોરોનાથી સંક્રમિત જોવા મળ્યો હતો. આ મેચ બાદ ઓરેન્જ કેપ (Orange Cap) રેસમાં ફેરફાર જોવા મળવાની સંભાવના હતી. દિલ્હી કેપિટલ્સના ઓપનર શિખર ધવન (Shikhar Dhawan) નું બેટ ફરી એકવાર જોરદાર બોલ્યું. તેણે ફરી એક વખત ઓરેન્જ કેપ પણ કબજે કરી હતી.

આ મેચમાં દિલ્હી કેપિટલ્સની ટીમે સનરાઇઝર્સ હૈદરાબાદને હરાવ્યું હતું. અત્યારે તે પોઈન્ટ ટેબલમાં છેલ્લા ક્રમે છે. દિલ્હી કેપિટલ્સે સનરાઇઝર્સ હૈદરાબાદને 8 વિકેટે હરાવ્યું. દુબઈ ઈન્ટરનેશનલ ક્રિકેટ સ્ટેડિયમમાં પ્રથમ બેટિંગ કરતા હૈદરાબાદે 9 વિકેટે 134 રન બનાવ્યા હતા. જવાબમાં દિલ્હીએ 17.5 ઓવરમાં બે વિકેટે 139 રન બનાવીને મેચ જીતી લીધી હતી. શિખર ધવને 42, શ્રેયસ અય્યરે અણનમ 47 અને કેપ્ટન રિષભ પંતે અણનમ 35 રન બનાવ્યા હતા. પૃથ્વી શો 11 રન બનાવી આઉટ થયો હતો.

સૌથી વધુ રન બનાવનાર બેટ્સમેનને ઓરેન્જ કેપ આપવામાં આવે છે. લીગ દરમિયાન પણ આ કેપના હકદાર બદલાય છે. આ કેપ તે ખેલાડીને આપવામાં આવે છે જે બેટ્સમેનોની યાદીમાં પ્રથમ રહે છે. એટલે કે જેમણે દરેક મેચ બાદ સૌથી વધુ રન બનાવ્યા હોય તે ખેલાડી. આ સિઝનમાં પણ એવું જોવામાં આવ્યું છે કે, લગભગ દરેક મેચ પછી, આ રેસના ટોચના પાંચ દાવેદારોના નામ બદલાતા રહ્યા છે. અંતિમ સીઝનમાં પંજાબ કિંગ્સના કેએલ રાહુલના માથા પર આ ટોપી સજાવવામા આવી હતી. તેણે 14 મેચમાં 670 રન બનાવ્યા હતા.

33 મી મેચ બાદ ઓરેન્જ કેપની આ સ્થિતિ છે

આ વર્ષે પણ પંજાબ કિંગ્સના કેપ્ટન કેએલ રાહુલ રેસમાં છે. તેના સિવાય પંજાબ કિંગ્સના મયંક અગ્રવાલને પણ સતત ટોપ 5 માં સામેલ કરવામાં આવ્યો છે. પ્રથમ તબક્કા બાદ દિલ્હી કેપિટલ્સનો ઓપનર શિખર ધવન આ યાદીમાં ટોચ પર હતો. બીજા તબક્કાની ચાર મેચ બાદ પણ તે ટોચ પર છે. રાહુલે થોડા સમય માટે આ કેપ લીધી હતી. પરંતુ બુધવારે સનરાઇઝર્સ હૈદરાબાદ સામે 42 રનની ઇનિંગ રમ્યા બાદ ધવને ફરીથી આ કેપ મેળવી લીધી હતી. કેએલ રાહુલ ઉપરાંત પંજાબ કિંગ્સના મયંક અગ્રવાલ પણ આ રેસમાં સામેલ છે.

આ ઓરેન્જ કેપ્સની યાદી છે

1) શિખર ધવન (દિલ્હી કેપિટલ્સ) – 8 મેચ, 422 રન
2) કેએલ રાહુલ (પંજાબ કિંગ્સ) – 8 મેચ, 380 રન
3) મયંક અગ્રવાલ (પંજાબ કિંગ્સ) – 8 મેચ, 327 રન
4. ફાફ ડુ પ્લેસિસ (ચેન્નાઈ સુપર કિંગ્સ) – 8 મેચ, 320 રન
5) પૃથ્વી શો (દિલ્હી કેપિટલ્સ) – 9 મેચ, 319 રન

આ પણ વાંચોઃ IPL 2021: ગબ્બરનુ પ્રદર્શન લગાતાર, દરેક સિઝને ખડકી દે છે રનનો અંબાર, સતત પાંચમી વાર આ આંકડાને પાર કર્યો

આ પણ વાંચોઃ  IPL 2021: એનરિક નોર્ત્જેએ એટલી ઝડપે બોલ નાંખ્યા કે SRH ના બેટ્સમેનોને બોલ જોવો મુશ્કેલ બન્યો, સિઝનનો સૌથી ઝડપી બોલ નાંખ્યો