IPL 2021 ની 45 મી મેચમાં કોલકાતા નાઈટ રાઈડર્સ અને પંજાબ કિંગ્સ (KKR vs PBKS) સામસામે છે. બંને ટીમો આ મેચ જીતીને પ્લેઓફ માટે પોતાનો દાવો મજબૂત કરવાનો પ્રયાસ કરશે. ટિમ સીફર્ટે (Tim Seifert) કોલકાતા નાઈટ રાઈડર્સ (Kolkata Knight Riders) તરફથી આઈપીએલમાં ડેબ્યૂ કર્યુ છે. ટિમ સીફર્ટ કોરોના સામે જીતીને પરત ફર્યો છે. સિફર્ટે કેરેબિયન પ્રીમિયર લીગમાં પોતાની ક્ષમતા બતાવી છે. હવે કોલકાતા હવે તેને IPL માં સ્પ્લેશ બનાવવા માટે લાવ્યું છે. સિફર્ટ લોકી ફર્ગ્યુસનની જગ્યા મેળવી છે.
આઇપીએલ 2020 દરમિયાન ઇજાગ્રસ્ત યુએસએના ઝડપી બોલર અલી ખાનની જગ્યાએ કોલકાતા નાઇટ રાઇડર્સ દ્વારા, ન્યૂઝીલેન્ડના વિકેટકીપર બેટ્સમેન ટિમ સેફર્ટને સામેલ કરવામાં આવ્યો છે. ક્રિકેટને કારકિર્દી તરીકે પસંદ કરતા પહેલા, સિફર્ટ એક પ્રોફેશનલ હોકી ખેલાડી હતો અને અંડર-18 વર્ગમાં ન્યુઝીલેન્ડનું પ્રતિનિધિત્વ પણ કર્યું હતું. CPL માં, સિફર્ટે અત્યાર સુધીમાં 23 મેચ રમી છે અને 111.51 ની સ્ટ્રાઇક રેટથી 310 રન બનાવ્યા છે.
ટિમ સિફર્ટ 2014 ICC અંડર -19 ક્રિકેટ વર્લ્ડ કપ (World Cup) માટે ન્યૂઝીલેન્ડની ટીમનો ભાગ હતો અને ફેબ્રુઆરી 2018 માં ન્યૂઝીલેન્ડ ક્રિકેટ ટીમ માટે આંતરરાષ્ટ્રીય ક્રિકેટમાં પ્રવેશ કર્યો હતો. ડિસેમ્બર 2017 માં, સિફર્ટે ન્યૂઝીલેન્ડમાં ઘરેલુ T20 મેચમાં સૌથી ઝડપી સદી ફટકારી હતી. ઓકલેન્ડ સામે નોર્થન ડિસ્ટ્રીક્ટ માટે બેટિંગ કરતા તેણે 40 બોલમાં 100 રન બનાવ્યા હતા.
જુલાઈ 2020 માં, તેને કેરેબિયન પ્રીમિયર લીગ માટે ટ્રિનબાગો નાઈટ રાઈડર્સ ટીમમાં સામેલ કરવામાં આવ્યો હતો. એ જ વર્ષે, તેને ઘાયલ અલી ખાનની જગ્યાએ આઈપીએલમાં કોલકાતા નાઈટ રાઈડર્સ ટીમમાં સ્થાન મળ્યું, પરંતુ આ સીઝન દરમિયાન તેને એક પણ મેચ રમવાની તક મળી નહીં. સિફર્ટે કિવી ટીમ માટે 35 મેચ રમી છે, જેમાં 133 ના સ્ટ્રાઇક રેટથી 695 રન બનાવ્યા છે. જેમાં તેના ખાતામાં 5 અડધી સદીઓ આવી છે. બીજી બાજુ, જો આપણે એકંદર T20 રેકોર્ડ પર નજર કરીએ તો તેણે 127 મેચમાં 2460 રન બનાવ્યા છે, જેમાં 1 સદી અને 12 અડધી સદીનો સમાવેશ થાય છે અને તેનો સ્ટ્રાઇક રેટ 129 છે.
કોલકાતા અત્યારે 11 માંથી પાંચ મેચ જીતીને 10 પોઇન્ટ સાથે પોઈન્ટ ટેબલમાં ચોથા નંબરે છે. કેએલ રાહુલની પંજાબ ટીમ પ્લેઓફની રેસમાં રહેવા માટે શુક્રવારે રમાઇ રહેલી મેચ ‘કરો અથવા મરો’ મેચ છે. કોલકાતાના બોલરોએ દિલ્હી કેપિટલ્સની મજબૂત બેટિંગ લાઇન-અપ સામે શાનદાર બોલિંગ કરી હતી. તેમને 127 રન સુધી રોકવામાં સફળ રહ્યા હતા.
Published On - 8:27 pm, Fri, 1 October 21