IND vs ZIM 5th T20 Score : ભારતે ઝિમ્બાબ્વેને 42 રને હરાવ્યું, મુકેશ કુમારે બોલથી તબાહી મચાવી

ભારતે પાંચમી અને અંતિમ T20 મેચમાં ઝિમ્બાબ્વેને 42 રને હરાવ્યું છે. મુકેશ કુમાર આ મેચનો હીરો હતો. તેણે બોલ સાથે તબાહી મચાવી હતી અને 3.3 ઓવરમાં 22 રન આપીને 4 વિકેટ લીધી હતી. તેના સિવાય શિવમ દુબેએ બોલ અને બેટથી મહત્વપૂર્ણ યોગદાન આપ્યું હતું. 2 વિકેટ લેવાની સાથે દુબેએ 12 બોલમાં 26 રન પણ ફટકાર્યા હતા. જ્યારે સંજુ સેમસને 45 બોલમાં 58 રન બનાવીને સારો સ્કોર બનાવવામાં મદદ કરી હતી.

તુષાર દેશપાંડેએ ઝિમ્બાબ્વેને 8મો ઝટકો આપ્યો છે. તેણે બ્રાન્ડોન માવુતાને આઉટ કરી દીધો છે.

168 રનનો પીછો કરવા ઉતરેલી ઝિમ્બાબ્વેની ટીમે 10 ઓવર રમીને 3 વિકેટના નુકસાન પર 69 રન બનાવી લીધા છે. હવે તેણે 60 બોલમાં 99 રન બનાવવાના છે.

ઝિમ્બાબ્વેએ ત્રીજી વિકેટ ગુમાવી છે. ટી મારુમણી 27 રન બનાવીને આઉટ થયો હતો. વોશિંગ્ટન સુંદરે 9મી ઓવરમાં મારુમણિની વિકેટ લીધી હતી.

ઝિમ્બાબ્વે સામેની છેલ્લી મેચમાં મુકેશ કુમાર બોલથી આગ લાગી હતી, પરંતુ 5મી ઓવરમાં તેણે મોટી ભૂલ કરી હતી. તેણે આ ઓવરના ત્રીજા બોલ પર શાનદાર બોલ ફેંક્યો અને ઓપનર ટી મરુમણિને બોલ્ડ કર્યો, પરંતુ તે નો બોલ હતો. આ સાથે તેણે ત્રીજી વિકેટ લેવાની તક ગુમાવી દીધી હતી.

168 રનનો પીછો કરવા ઉતરેલી ઝિમ્બાબ્વેએ ધીમી શરૂઆત કરી હતી. 4 ઓવર બાદ ટીમ 2 વિકેટના નુકસાન પર 20 રન જ બનાવી શકી હતી.

ઝિમ્બાબ્વેની ટીમ 168 રનના લક્ષ્યનો પીછો કરવા ઉતરી છે. મુકેશ કુમારે પહેલી જ ઓવરમાં જ આંચકો આપ્યો છે. વેસ્લી મધવેર ખાતું ખોલાવ્યા વિના જ આઉટ થઈ ગયો છે.

ટીમ ઈન્ડિયાની ઈનિંગ્સનો અંત આવી ગયો છે. પ્રથમ બેટિંગ કરતા ભારતે ઝિમ્બાબ્વેને 168 રનનો ટાર્ગેટ આપ્યો છે. આ દરમિયાન સંજુ સેમસને 45 બોલમાં 58 રન, રિયાન પરાગે 24 બોલમાં 22 રન અને શિવમ દુબેએ 12 બોલમાં 26 રનનું મહત્વનું યોગદાન આપ્યું હતું.

રાજ્યના હવામાન વિશે વાત કરીએ તો, આજે રાજ્યના કેટલાક જિલ્લામાં વરસાદને લઇ ઓરેન્જ એલર્ટ અને કેટલાંક જિલ્લામાં યલો એલર્ટ જાહેર કરાયું. આજે સુરત, નવસારી, વલસાડમાં અતિભારે વરસાદની આગાહી કરાઇ છે. આ તરફ અમદાવાદ, આણંદ, વડોદરા, ભરૂચ અને પંચમહાલમાં યલો એલર્ટ જાહેર કરાયું. સાથે, દાહોદ, છોટાઉદેપુર, નર્મદા અને તાપીમાં પણ યલો એલર્ટ અપાયું. ઉપરાંત, ડાંગ, બોટાદ, ભાવનગર અને અમરેલીમાં પણ યલો એલર્ટ જાહેર કરાયું. આગામી બે દિવસમાં સૌરાષ્ટ્રમાં કોઈ એલર્ટ નથી પરંતુ, પરમ દિવસથી સૌરાષ્ટ્રના કેટલાક જિલ્લા માટે ઓરેન્જ એલર્ટની આગાહી છે. અમદાવાદમાં આજે ગાજવીજ સાથે હળવાથી મધ્યમ વરસાદ થઇ શકે. વેસ્ટર્ન ડિસ્ટર્બન્સ, સાયક્લોનિક સર્ક્યુલેશન અને ઓફશૉર ટ્રફ સક્રિય થતા ભારે વરસાદ થઇ શકે છે. જેેને લઇ આગામી પાંચ દિવસ માછીમારોને દરિયો ન ખેડવા સૂચના અપાઇ છે.

અમદાવાદમાં સૌપ્રથમવાર એકસાથે 37 બ્રિજનું સમારકામ કરવામાં આવનાર છે. 1892 થી 2024 સુધીમાં બનાવવામાં આવેલા બ્રિજનું સમારકામ કરાશે. જેમા પૂર્વ વિસ્તારના 37 બ્રિજનું પ્રાથમિક તબ્બકામાં સમારકામ થશે. રેલવે અન્ડરપાસ, રેલવે ઓવરબ્રિજ, માઇનોર બ્રિજ, ફલાયઓવર બ્રિજના સમારકામ થશે. જોઈન્ટ એક્સપાન્શન,પેરાપેટ વોલ, રિટેઇનિંગ વીલ સહિતનું સમારકામ કરવામાં આવશે. ગિરધરનગર, જમાલપુર, સારંગપુર, અસારવા બ્રિજ સહિત બ્રિજોનું સમારકામ થશે. દિવસ દરમિયાન ટ્રાફિકને અસર ન થાય તે માટે રાત્રીના સમયે સમારકામની કામગીરી કરાશે.

અખિલ ભારતીય કોળી સમાજના પ્રદેશ અધ્યક્ષ હીરા સોલંકીએ તેમના સમાજના મુખ્યમંત્રી બનાવવા અંગે આડકતરો ઈશારો કર્યો છે. કોળી સમાજના મુખ્યમંત્રી બનાવવાની ચર્ચા વચ્ચે હીરા સોલંકીએ જણાવ્યુ કે કોળી સમાજના નેતા મુખ્યમંત્રી બમે તો અમને અને સમાજના આનંદ થશે. આવનારા દિવસોમાં કોળી સમાજનું મહાસંમેલન યોજવાની જાહેરાત કરાઈ છે. સંગઠન નવા ક્લેવર અને નવા ચહેરા સાથે આવનારા દિવસોમાં કામ કરશે. ઝોન વાઈઝ હોદ્દેદારોને જવાબદારી સોંપવામાં આવશે. કોળી સમાજના તમામ સંગઠનને સાથે જોડી કામ કરવામાં આવશે.

સંજુ સેમસન અડધી સદી ફટકારીને આઉટ થયો છે. આ સાથે ભારતની પાંચમી વિકેટ પડી છે. સેમસને 45 બોલમાં 58 રન બનાવ્યા હતા. 18 ઓવર પછી ટીમનો સ્કોર 137 રન છે.

ભારતની ચોથી વિકેટ પડી છે. રિયાન પરાગ 15મી ઓવરમાં 22 રન બનાવીને આઉટ થયો હતો. ટીમ ઈન્ડિયાએ 15 ઓવર બાદ 113 રન બનાવી લીધા છે.

ઝિમ્બાબ્વેએ પાવર પ્લેમાં જ ટીમ ઈન્ડિયાની ત્રણ વિકેટ ઝડપી હતી. આ કારણે ભારતીય ટીમ મુશ્કેલીમાં મુકાઈ ગઈ હતી, પરંતુ હવે સંજુ સેમસન અને રેયાન પરાગે ઈનિંગને સંભાળી લીધી છે. ભારત તરફથી સેમસન 21 રન અને પરાગ 17 રન સાથે રમી રહ્યા છે. અને ટીમે 11 ઓવર બાદ 80 રન બનાવી લીધા છે.

નાગરવાએ ભારતને ત્રીજો ઝટકો આપ્યો હતો. તેણે 40 રનના સ્કોર પર કેપ્ટન શુભમન ગિલને આઉટ કર્યો હતો. તે માત્ર 13 રન જ બનાવી શક્યો હતો. રિયાન પરાગ પાંચમા નંબર પર બેટિંગ કરવા આવ્યો છે.

ભારતને બીજો ઝટકો 38 રનના સ્કોર પર લાગ્યો હતો. મુઝરાબાનીએ અભિષેક શર્માને આઉટ કર્યો હતો. તે માત્ર 14 રન બનાવી શક્યો હતો. સંજુ સેમસન ચોથા નંબર પર બેટિંગ કરવા આવ્યો છે. શુભમન ગિલ તેની સાથે ક્રિઝ પર છે.ચાર ઓવર પછી ભારતનો સ્કોર 40 /2 છે.

અભિષેક શર્મા પાંચમી T20 મેચમાં મોટી ઇનિંગ રમી શક્યો નથી. તેણે 11 બોલમાં 14 રન બનાવ્યા હતા. તેની વિકેટ બ્લેસિંગ મુઝરાબાનીએ લીધી હતી.

એક ઓવર પછી ભારતનો સ્કોર 33/1

અભિષેક શર્માએ ત્રીજી ઓવરના પહેલા જ બોલ પર સિક્સ ફટકાર્યા બાદ, ચોથા બાલ પર શુભમન ગિલે ચોગ્ગો ફટકાર્યો

અભિષેક શર્માએ ત્રીજી ઓવરના પહેલા જ બોલ પર સિક્સ ફટકારી છે.

અભિષેક શર્મા ત્રીજા નંબર પર બેટિંગ કરવા આવ્યો છે. શુભમન ગિલ તેની સાથે ક્રિઝ પર છે. એક ઓવર પછી ભારતનો સ્કોર 15/1 છે.

ભારતને પહેલો ફટકો 13 રનના સ્કોર પર લાગ્યો હતો. સિકંદર રઝાએ પ્રથમ ઓવરમાં જ યશસ્વી જયસ્વાલને આઉટ કર્યો હતો. તે બે છગ્ગાની મદદથી 12 રન બનાવવામાં સફળ રહ્યો હતો.

શુભમન ગિલ (કેપ્ટન), યશસ્વી જયસ્વાલ, અભિષેક શર્મા, સંજુ સેમસન (વિકેટકીપર), રિયાન પરાગ, રિંકુ સિંહ, શિવમ દુબે, વોશિંગ્ટન સુંદર, રવિ બિશ્નોઈ, તુષાર દેશપાંડે, મુકેશ કુમાર.

ભારતીય ટીમમાં રીયાન પરાગ અને મુકેશ કુમારને તક મળી છે. જ્યારે ખલીલ અહેમદ અને ઋતુરાજ ગાયકવાડને પ્લેઈંગ ઈલેવનમાંથી બહાર કરવામાં આવ્યા છે.

ઝિમ્બાબ્વે પ્રાવાસ દરમિયાન ટી20 સીરિઝમાં 4 ઓપનર એક સાથે રમી રહ્યા છે. જેમાં ગિલ, યશસ્વી જ્યસ્વાલ, અભિષેક શર્મા અને ઋતુરાજ ગાયકવાડ સામેલ છે. તો શું છેલ્લી ટી20 મેચમાં પણ ઓપનર સાથે રમશે, કે પછી કોઈને આરામ આપવામાં આવશે. આ એક મોટો સવાલ છે.

ઝિમ્બાબ્વેના કેપ્ટને ટોસ જીતીને પ્રથમ બોલિંગ કરવાનો નિર્ણય લીધો છે.

ઝિમ્બાબ્વે પ્રવાસ પૂર્ણ થતા અંદાજે 15 દિવસ બાદ ભારતીય ટીમ શ્રીંલકાનો પ્રવાસ કરશે. ત્યારે કેટલાક યુવા ખેલાડીઓ પાસે પોતાને સાબિત કરવાની તક છે, કારણ કે, શ્રીલંકા પ્રવાસ માટે હજુ સુધી ભારતીય ટીમની જાહેરાત થઈ નથી,

ભારત અને ઝિમ્બાબ્વે વચ્ચે પાંચ મેચની ટી20 સીરિઝની છેલ્લી મેચ થોડી જ વારમાં શરુ થશે. ટોસ થોડી જ વારમાં થશે.

ભારત અને ઝિમ્બાબ્વે વચ્ચે પાંચ મેચની ટી20 સીરિઝની પાંચમી અને છેલ્લી મેચ આજે હરારેમાં રમાશે. ભારતે સીરિઝ પર પહેલાથી જ કબ્જો કરી લીધો છે.