IND vs ENG: અરે બાપરે ! રોહિત શર્માએ ફટકારેલી સિક્સર માસૂમ બાળકીના માથામાં વાગ્યો, ડોક્ટરોની ટીમ દોડતી પહોંચી-Video

ઓવલમાં રમાયેલી પ્રથમ વન ડેમાં ડેવિડ વિલીની ઓવરના ત્રીજા બોલ પર રોહિત શર્મા (Rohit Sharma) એ જબરદસ્ત સિક્સર ફટકારી હતી, પરંતુ તેના શોટથી નાની બાળકીને પીડા થઈ હતી.

IND vs ENG: અરે બાપરે ! રોહિત શર્માએ ફટકારેલી સિક્સર માસૂમ બાળકીના માથામાં વાગ્યો, ડોક્ટરોની ટીમ દોડતી પહોંચી-Video
India vs england 1st odi rohit sharma six hits a little girl in oval watch video how england medical team help
Image Credit source: TV9 Gujarati
TV9 GUJARATI

| Edited By: Avnish Goswami

Jul 13, 2022 | 7:31 PM

ભારતે (Indian Cricket Team) ઈંગ્લેન્ડ સામેની વન ડે શ્રેણી ની પ્રથમ મેચ 10 વિકેટે જીતી હતી. આ મેચમાં રોહિત શર્મા (Rohit Sharma) અને શિખર ધવને શાનદાર ભાગીદારી રમત નોંધાવી હતી. રોહિત શર્મા શરૂઆતથી જ આક્રમક રમતો દેખાતો હતો. ભારતીય કેપ્ટન રોહિત શર્માએ 58 બોલમાં અણનમ 76 રનની ઇનિંગ રમી હતી. આ દરમિયાન તેણે 6 ફોર અને 5 સિક્સર ફટકારી હતી. રોહિતનો એક છગ્ગો નાના ચાહકો માટે આફત બની ગયો. 5મી ઓવરમાં રોહિતે ડેવિડ વિલીના ત્રીજા બોલ પર જોરદાર શોટ ફટકાર્યો હતો. બોલ સીધો દર્શકોની વચ્ચેના સ્ટેન્ડમાં પડ્યો હતો. બોલ નાનકડી છોકરીને જઈને વાગ્યો હતો. બોલ વાગતાની સાથે જ બાળકી જોર જોરથી રડવા લાગી હતી.

ઈંગ્લેન્ડની ક્રિકેટની તબીબ ટીમે દરકાર લીધી

આ ઘટનાનો વીડિયો સોશિયલ મીડિયા પર ખૂબ વાયરલ થઈ રહ્યો છે. આ વિડીયોમાં એક વ્યક્તિ એક નાનકડા ફેનને ખોળામાં લઈને ચૂપ કરતો જોવા મળે છે. આ ઘટનાને કારણે થોડો સમય મેચ રોકી દેવામાં આવી હતી. રોહિત સહિત મેદાન પર હાજર તમામ ખેલાડીઓનું ધ્યાન પણ બાળકી તરફ હતું. સ્ટેડિયમમાં હાજર દરેક વ્યક્તિ બાળકીને લઈને ચિંતિત હતા. ઉતાવળમાં ઇંગ્લિશ ટીમના ફિઝિયો અને ડોકટરો પણ યુવતીની તપાસ કરવા દોડી ગયા હતા.

રોહિત અને ધવન વચ્ચે અતૂટ ભાગીદારી

આ ઘટના પછી થોડીવાર પછી મેચ ફરી શરૂ થઈ અને રોહિતે પોતાની શાનદાર ઇનિંગ્સ ચાલુ રાખી. રોહિતે ઇંગ્લિશ બોલરોને જોરદાર રીતે ફટકાર્યા હતા. બીજા છેડે શિખર ધવને પણ તેને સારો સાથ આપ્યો હતો. બંને વચ્ચે 114 રનની અતૂટ ભાગીદારી થઈ હતી. રોહિતે 49 બોલમાં પોતાની ફિફ્ટી પૂરી કરી હતી. રોહિત અને ધવન વચ્ચે 18મી સદીની ભાગીદારી. આ પહેલા ભારતીય ફાસ્ટ બોલર જસપ્રીત બુમરાહે કમાલ કર્યો હતો.

બુમરાહ અને શમીની શાનદાર બોલિંગ

બુમરાહે 19 રનમાં 6 વિકેટ લઈને ઈંગ્લેન્ડના દાવને 110 રનમાં સમેટી દીધો હતો અને ત્યારબાદ ભારતે 19 ઓવરમાં ટાર્ગેટ હાંસલ કરી લીધો હતો. બુમરાહે જેસન રોય, જો રૂટ, લિયામ લિવિંગસ્ટન, જોની બેયરિસ્ટો, બ્રાયડન કાર્સ અને ડેવિડ વિલીને પોતાનો શિકાર બનાવ્યો હતો. બુમરાહ સિવાય મોહમ્મદ શમીએ 31 રનમાં 3 વિકેટ લીધી હતી. બંનેએ પોતાની બોલીંગ વડે કેહર વર્તાવીને રેકોર્ડ પણ પોતાના નામે નોંધાવ્યા હતા.

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati