IND W vs SA W : અનુષ્કા શર્માએ તમ ઈન્ડિયા માટે કર્યું ડેબ્યૂ, સાઉથ આફ્રિકા સામે મળ્યો મોકો
ભારતીય મહિલા ટીમ દક્ષિણ આફ્રિકા સામેની 2જી T20Iમાં શ્રેણી બચાવવા મેદાને ઉતરી છે. આ મેચમાં યુવા બેટિંગ ઓલરાઉન્ડર અનુષ્કા શર્માને ડેબ્યૂ કરવાની તક મળી છે.
IND W vs SA W 2nd T20I: ભારતીય મહિલા ક્રિકેટ ટીમ હાલમાં દક્ષિણ આફ્રિકાના પ્રવાસ પર પાંચ મેચોની T20 શ્રેણી રમી રહી છે. આ શ્રેણીની બીજી મેચ ડરબનના કિંગ્સમીડ સ્ટેડિયમ ખાતે રમાઈ રહી છે, જ્યાં ટીમ ઈન્ડિયાએ એક મહત્વપૂર્ણ બદલાવ સાથે યુવા ખેલાડીને ડેબ્યૂ કરવાની તક આપી છે.
Anushka Sharma ને આંતરરાષ્ટ્રીય ક્રિકેટમાં પ્રથમવાર રમવાની તક
આ મેચમાં ભારત તરફથી 23 વર્ષની યુવા બેટિંગ ઓલરાઉન્ડર Anushka Sharma ને આંતરરાષ્ટ્રીય ક્રિકેટમાં પ્રથમવાર રમવાની તક મળી છે. તાજેતરના સમયગાળા દરમિયાન તેણીએ ઘરેલુ ક્રિકેટમાં નોંધપાત્ર પ્રદર્શન કર્યું હોવાથી પસંદગીકારોએ તેના પર વિશ્વાસ વ્યક્ત કર્યો છે. પ્રથમ મેચમાં દક્ષિણ આફ્રિકાએ ભારતને છ વિકેટથી હરાવીને શ્રેણીમાં 1-0ની લીડ મેળવી હતી, તેથી આ મુકાબલો ભારત માટે મહત્વનો બની રહ્યો છે.
મધ્યપ્રદેશની રહેવાસી અનુષ્કા શર્મા બેટિંગ ઓલરાઉન્ડર તરીકે જાણીતી છે. તેણીએ અંડર-19 સ્તરથી જ પોતાની પ્રતિભા સાબિત કરી છે અને સિનિયર સ્તરે પણ સતત સારા પ્રદર્શન સાથે ચર્ચામાં રહી છે. તાજેતરમાં યોજાયેલી સિનિયર મહિલા T20 ટ્રોફીમાં તેણીએ મધ્યપ્રદેશ માટે 207 રન બનાવ્યા હતા. ત્યારબાદ ઇન્ટર-ઝોનલ ટ્રોફીમાં સેન્ટ્રલ ઝોન માટે રમતી વખતે તેણીએ 125ના સ્ટ્રાઈક રેટથી 155 રન કર્યા અને સાથે 7 વિકેટ પણ ઝડપી હતી.
બેંગકોકમાં મહિલા એશિયા કપ રાઇઝિંગ સ્ટાર્સ ટુર્નામેન્ટ
આ પ્રભાવશાળી ફોર્મને કારણે તેણીને વિમેન્સ પ્રીમિયર લીગમાં Gujarat Giants ટીમમાં સ્થાન મળ્યું હતું. ત્યાં પણ તેણીએ 7 મેચોમાં 177 રન બનાવી પોતાની ક્ષમતા સાબિત કરી હતી. આ ઉપરાંત, બેંગકોકમાં યોજાયેલા મહિલા એશિયા કપ રાઇઝિંગ સ્ટાર્સ ટુર્નામેન્ટમાં ભારત A ટીમ સાથે રમતી વખતે તેણીએ 5 ઇનિંગ્સમાં 116 રન બનાવ્યા હતા, જે ટીમના ટાઇટલ જીતવામાં મહત્વપૂર્ણ રહ્યા હતા.
બીજી T20 મેચ માટે ભારતીય ટીમે કેટલાક ફેરફારો પણ કર્યા છે. અનુષ્કા શર્મા સાથે ક્રાંતિ ગૌરને પણ પ્લેઇંગ ઇલેવનમાં સ્થાન આપવામાં આવ્યું છે, જ્યારે રેણુકા સિંહ ઠાકુર અને કાશ્વી ગૌતમને આરામ આપવામાં આવ્યો છે. બાકીની ટીમમાં મોટા ભાગે કોઈ ફેરફાર કરવામાં આવ્યો નથી.
ભારતની પ્લેઇંગ ઇલેવનમાં શેફાલી વર્મા, સ્મૃતિ મંધાના, જેમિમાહ રોડ્રિગ્સ, હરમનપ્રીત કૌર (કેપ્ટન), રિચા ઘોષ (વિકેટકીપર), અરુંધતી રેડ્ડી, અનુષ્કા શર્મા, શ્રેયંકા પાટિલ, દીપ્તિ શર્મા, શ્રી ચરાણી અને ક્રાંતિ ગૌડનો સમાવેશ થાય છે.
દક્ષિણ આફ્રિકાની ટીમમાં લૌરા વોલ્વાર્ડ (કેપ્ટન), સુને લુસ, તાજમીન બ્રિટ્સ, એન્નેરી ડેર્કસેન, એન્નેકે બોશ, ક્લો ટ્રાયોન, નાદીન ડી ક્લાર્ક, સિનાલો જાફતા (વિકેટકીપર), અયાબોંગા ખાકા, તુમી સેખુખુને અને નોનકુલુલેકો મ્લાબાનો સમાવેશ થાય છે.
IPL 2026માં 14 વર્ષના ક્રિકેટર વૈભવ સૂર્યવંશી પર કોણે લગાવી બ્રેક? રાજસ્થાન 155 રનમાં ઢેર..
