T20 WC: સેમીફાઈનલમાં ટીમ ઈન્ડિયાની એન્ટ્રી, હવે ઈંગ્લેન્ડ સાથે થશે ટક્કર, રોહિત આર્મી લેશે બદલો

ટીમ ઈન્ડિયાએ T20 વર્લ્ડ કપ 2024ની સેમીફાઈનલમાં જગ્યા બનાવી લીધી છે. સુપર-8ની તેની છેલ્લી મેચમાં ટીમ ઈન્ડિયાએ ઓસ્ટ્રેલિયાને જીતતા અટકાવ્યું અને આ સાથે તેણે સતત બીજા વર્લ્ડ કપમાં સેમીફાઈનલમાં પ્રવેશ કર્યો. ટીમ ઈન્ડિયાએ પોતાના ગ્રુપ-1માં પ્રથમ સ્થાન મેળવીને અંતિમ 4માં જગ્યા બનાવી છે, જ્યાં હવે તેનો મુકાબલો ઈંગ્લેન્ડ સામે થશે. આ સાથે ટીમ ઈન્ડિયા પાસે હવે 2 વર્ષ જૂની હારનો બદલો લેવાની તક પણ હશે.

ભારતે ઓસ્ટ્રેલિયાને 24 રને હરાવ્યું

સુપર-8ની પોતાની પ્રથમ અને બીજી મેચ જીત્યા બાદ ટીમ ઈન્ડિયા સુપર-8માં પહોંચશે તે નિશ્ચિત જણાતું હતું. તેમ છતાં, તેણે તેની છેલ્લી મેચમાં ઓસ્ટ્રેલિયાને હરાવવાની જરૂર હતી. જો તેઓ જીતી ન શક્યા તો પણ ટીમ ઈન્ડિયાએ ઓસ્ટ્રેલિયાને 15.2 ઓવરમાં જ જીતતા અટકાવવી પડી હતી.

ઓસ્ટ્રેલિયાને 15.2 ઓવરમાં જીતતા રોક્યું

ટીમ ઈન્ડિયાએ પ્રથમ બેટિંગ કરતા 205 રન બનાવ્યા હતા અને ઓસ્ટ્રેલિયાને 15.2 ઓવરમાં જ જીતતા રોકી ન હતી, પરંતુ તેને હરાવવામાં પણ સફળ રહી હતી. અને તેને વર્લ્ડ કપમાંથી બહાર ફેંકી દેવાની આરે પણ મૂકી દીધું હતું.

સેમીફાઈનલમાં ઈંગ્લેન્ડ સામે થશે ટક્કર

ટીમ ઈન્ડિયાએ સુપર-8ની પોતાની ત્રણેય મેચ જીતી લીધી અને આ રીતે ગ્રુપમાં પ્રથમ સ્થાન મેળવ્યું. મતલબ કે હવે તેનો મુકાબલો ગ્રુપ-2માં બીજા સ્થાને રહેલી ટીમ સાથે થશે. ગ્રુપ-2માંથી ઈંગ્લેન્ડ પ્રથમ વખત સેમિફાઈનલમાં પ્રવેશ્યું હતું, પરંતુ દક્ષિણ આફ્રિકાએ વેસ્ટ ઈન્ડિઝને હરાવી પ્રથમ સ્થાન મેળવીને સેમિફાઈનલમાં પ્રવેશ કર્યો હતો. આવી સ્થિતિમાં નિયમ મુજબ ટીમ ઈન્ડિયાનો મુકાબલો ઈંગ્લેન્ડ સામે થશે.

આ પણ વાંચો: ઈશાન કિશન-શ્રેયસ અય્યરને માફી ન મળી? ઝિમ્બાબ્વે પ્રવાસ માટેની ભારતીય ટીમમાં ન મળ્યું સ્થાન