IND vs AFG: ભારત અને અફઘાનિસ્તાન વચ્ચેની મેચ પહેલા સ્ટેડિયમ પાસે આગની ઘટના-Video

ભારત અને અફઘાનિસ્તાન (India vs Afghanistan) વચ્ચે એશિયા કપ 2022 (Asia Cup 2022) ની મેચ ટૂંક સમયમાં શરૂ થવા જઈ રહી છે, પરંતુ તે પહેલા દુબઈથી એક મોટા સમાચાર આવી રહ્યા છે. મળતી માહિતી મુજબ દુબઈ ઈન્ટરનેશનલ સ્ટેડિયમ (Dubai International Stadium) ની બહાર આગ લાગી છે. જણાવવામાં આવી રહ્યું છે કે આ આગ સ્ટેડિયમની નજીક એક બિલ્ડિંગમાં લાગી છે, જેના કારણે ચારેબાજુ માત્ર ધુમાડો જ છે. આ સ્ટેડિયમમાં ભારત અને અફઘાનિસ્તાન વચ્ચે સુપર-ફોરની મેચ રમાવાની છે.

દુબઈમાં હાજર પત્રકારો અને અન્ય સોશિયલ મીડિયા યુઝર્સે મેચ પહેલા ટ્વિટર દ્વારા સ્ટેડિયમની બહાર લાગેલી આગની માહિતી શેર કરી હતી. જોકે શરૂઆતમાં એવા અહેવાલો આવ્યા હતા કે આગ સ્ટેડિયમની અંદર અથવા સ્ટેડિયમના પ્રવેશદ્વાર પર શરૂ થઈ હતી, પરંતુ ટૂંક સમયમાં જ પુષ્ટિ થઈ ગઈ કે આ ઘટના સ્ટેડિયમથી થોડે દૂર એક બિલ્ડિંગમાં બની હતી. જો કે, આગ ભીષણ લાગે છે, જેના કારણે સ્ટેડિયમમાં કાળા ધુમાડા છવાઈ ગયા હતા.

Major #fire outside #Dubai stadium right now pic.twitter.com/ilv1mRB3Xz

— Chaudhary Parvez (@ChaudharyParvez) September 8, 2022

જોકે, રાહતની વાત એ છે કે આ અકસ્માતની ભારત-અફઘાનિસ્તાન મેચ પર કોઈ અસર નહીં થાય. આ મેચ તેના નિર્ધારિત સમય પર શરૂ થશે. બંને ટીમો માટે ટૂર્નામેન્ટના પરિણામ પ્રમાણે આ મેચ મહત્વની નથી, પરંતુ બંને સતત બે મેચ હારી છે અને ટૂર્નામેન્ટમાંથી બહાર થઈ ગઈ છે. આવી સ્થિતિમાં, બંને માટે જીતના માર્ગ પર પાછા ફરવું જરૂરી બનશે અને તેથી આ મેચનું પોતાનું મહત્વ છે.