IND vs PAK T20 WC Live Score : ભારતે પાકિસ્તાનને કચડી નાખ્યું, 61 રનથી હરાવી સુપર 8 માં કર્યું ક્વોલિફાય

આ મેચ બંને ટીમો માટે મહત્વપૂર્ણ હતી. બંને ટીમો પોતાની પાછલી મેચ 2-2 થી જીત્યા બાદ આ મેચમાં ઉતર્યા હતા. તેથી, એક ટીમ આજે તેની પહેલી હારનો સામનો કરશે જ્યારે વિજેતા ટીમ સુપર 8 માં સ્થાન મેળવશે તે નક્કી હતું, અને આ મેચમાં ભારતે પાકિસ્તાનને કારમી હાર આપી સુપર-8 ની ટિકિટ ક્ન્ફ્મ કરી હતી.

પાકિસ્તાન 114 રનમાં ઓલઆઉટ થઈ ગયું. આ સાથે ભારતે 61 રનથી મેચ જીતી લીધી. આ ભારતનો પાકિસ્તાન પર આઠમો T20 વર્લ્ડ કપ વિજય છે. ભારત તરફથી હાર્દિક પંડ્યા, અક્ષર પટેલ, વરુણ ચક્રવર્તી અને જસપ્રીત બુમરાહએ બે-બે વિકેટ લીધી. કુલદીપ યાદવ અને તિલક વર્માએ એક-એક વિકેટ લીધી.

ડિફેન્ડિંગ ચેમ્પિયન ટીમ ઈન્ડિયાએ T20 વર્લ્ડ કપ 2026 ના સુપર 8 રાઉન્ડમાં સ્થાન મેળવ્યું છે. ટુર્નામેન્ટના પોતાના ત્રીજા મુકાબલામાં ટીમ ઈન્ડિયાએ કોલંબોમાં પાકિસ્તાનને 61 રનથી હરાવ્યું. થોડા દિવસો પહેલા જ મેચનો બહિષ્કાર કરવાની જાહેરાત કરીને વિવાદ ઉભો કરનાર પાકિસ્તાની ટીમે મેદાન પર ખૂબ જ ખરાબ પ્રદર્શન કર્યું અને તેમની શરમજનક હાર થઈ. આ સાથે, ટીમ ઈન્ડિયાએ T20 વર્લ્ડ કપમાં પાકિસ્તાન સામેનો પોતાની જીતનો રેકોર્ડ 8-1 થી કરી દીધો છે.

ભારતે પાકિસ્તાનને 61 રનથી હરાવ્યું, સુપર 8 માં ટીમ ઈન્ડિયા ક્વોલિફાય

પાકિસ્તાનને નવમો ઝટકો, ભારત જીતથી માત્ર એક વિકેટ દૂર, વરુણ ચક્રવર્તીએ લીધી બે બોલમાં બે વિકેટ

પાકિસ્તાનને આઠમો ઝટકો, ભારત જીતથી માત્ર બે વિકેટ દૂર, T20 વર્લ્ડ નંબર 1 બોલર વરુણ ચક્રવર્તીએ લીધી વિકેટ

તિલક વર્માએ પહેલા જ બોલ પર લીધી વિકેટ, પાકિસ્તાને ગુમાવી સાતમી વિકેટ, ભારતને જીત માટે હવે માત્ર ત્રણ વિકેટ ની જરૂર

કુલદીપની કમાલ બોલિંગ, કુલદીપ યાદવે પાકિસ્તાનને આપ્યો છઠ્ઠો ઝટકો, મોહમ્મદ નવાઝ ફક્ત 4 રન બનાવી આઉટ

પાકિસ્તાનની અડધી ટીમ પોવેલિયન ભેગી, બાપુએ અપાવી પાંચમી સફળતા, બાપુએ મેચમાં બીજી વિકેટ લીધી હતી. ઉસ્માન ખાન 44 રન બનાવી થયો આઉટ

પાકિસ્તાનનો સ્કોર પચાસને પાર, પહેલા ચાર બેટસમેન સસ્તામાં થયા આઉટ, બુમરાહ-હાર્દિક-અક્ષરે લીધી વિકેટ, બાબર પણ સુપર ફ્લોપ

અક્ષર પટેલે બાબર આઝમને કર્યો ક્લીન બોલ્ડ, પાકિસ્તાને ગુમાવી ચોથી વિકેટ, પાકિસ્તાન હાર તરફ અગ્રેસર, તમામ મુખ્ય બેટ્સમેન પોવીલિયન ભેગા

બે ઓવરમાં પાકિસ્તાનને ત્રણ ઝટકા, બુમરાહ-હાર્દિક સામે ટોપ ઓર્ડર ફ્લોપ

પાકિસ્તાનને બીજી જ ઓવરમાં બીજો ઝટકો, બુમરાહે અયુબને કર્યો આઉટ

પાકિસ્તાનને પહેલી જ ઓવરમાં મોટો ઝટકો, હાર્દિક પંડ્યાએ સાહિબજાદા ફરહાનને 0 પર કર્યો આઉટ

ટીમ ઇન્ડિયાએ ટીમ ઇન્ડિયાએ પાકિસ્તાનને 176 રનનો આપ્યો ટાર્ગેટ, ઇશાન કિશનની ફિફ્ટી, સુર્યાના 32 રન, શિવમ દુબેએ 27 રન બનાવ્યા. ભારતે અંતિમ બે બોલમાં બે વિકેટ ગુમાવી, શિવમ દુબે થયો રનઆઉટ, અક્ષર પટેલ થયો કેચ આઉટ

ટીમ ઇન્ડિયાને પાંચમો ઝટકો, કેપ્ટન સૂર્યકુમાર યાદવ 32 રન બનાવી આઉટ

ટીમ ઇન્ડિયાનો સ્કોર 150 ને પાર, શિવમ દુબે-સૂર્યાની મજબુત બેટિંગ, શિવમ દુબેએ અબરારની બોલિંગમાં ફટકારી જોરદાર સિક્સર

ટીમ ઇન્ડિયાને બે બોલમાં બે ઝટકા, તિલક બાદ હાર્દિક પંડ્યા 0 પર થયો આઉટ

ટીમ ઇન્ડિયાને ત્રીજો ઝટકો, તિલક વર્મા 25 રન બનાવી આઉટ

ટીમ ઇન્ડિયાનો સ્કોર 100 ને પાર, તિલક-સૂર્યાની મજબૂત બેટિંગ, તિલક વર્માએ શાનદાર સિક્સર ફટકારી હતી.

ટીમ ઇન્ડિયાને મોટો ઝટકો, ઇશાન કિશનની 70 રન બનાવી આઉટ, માત્ર 40 બોલમાં 70 રન બનાવ્યા,

ઇશાન કિશનની આક્રમક બેટિંગ, માત્ર 27 બોલમાં ફટકારી ફિફ્ટી, કિશને ચોગ્ગા-છગ્ગાનો વરસાદ કર્યો

પાવરપ્લેમાં ભારતનો સ્કોર 50 ને પાર, ઇશાન કિશનની આક્રમક બેટિંગ, ઇશાન ફિફ્ટીની નજીક પહોંચ્યો, તિલક વર્માની મક્કમ બેટિંગ, અભિષેકની વિકેટ બાદ ભારતની મજબૂત બેટિંગ.

ઇશાન કિશનની આક્રમક બેટિંગ, ચોગ્ગા-છગ્ગાનો વરસાદ શરુ કર્યો, આફ્રીદી બાદ અબરારનું સ્વાગત સિક્સર સાથે કર્યું

શાહીન આફ્રીદીની ધુલાઈ, ઇશાન કિશન અને તિલક વર્માએ ફટકારી બાઉન્ડ્રી

ઇશાન કિશને શાહીન શાહ આફ્રીદીને પહેલી જ બોલ પર ફટકારી જોરદાર સિક્સર

પહેલી જ ઓવરમાં ભારતને મોટો ઝટકો, અભિષેક શર્મા 0 પર આઉટ

પાકિસ્તાને સ્પિન સાથે કરી શરૂઆત, કેપ્ટન સલામન પહેલીવાર ટુર્નામેન્ટમાં બોલિંગ કરવા આવ્યો

પાકિસ્તાને ટોસ જીત્યો, ભારત પહેલા કરશે બેટિંગ

પાકિસ્તાને ટોસ જીતી લીધો છે અને કેપ્ટન સલમાન આગાએ પહેલા બોલિંગ કરવાનો નિર્ણય લીધો છે. આનો અર્થ એ થયો કે ભારતીય ટીમ પહેલા બેટિંગ કરશે.

ભારતીય ટીમ કોલંબોના આર. પ્રેમદાસા સ્ટેડિયમમાં આ મોટી મેચ માટે પહોંચી ગઈ છે, જે સાંજે 7 વાગ્યે શરૂ થશે.

કોલંબોના ક્રિકેટ ચાહકો માટે સારા સમાચાર છે. કોલંબોમાં સૂર્ય ચમક્યો છે. સવારથી જ વાદળછાયું વાતાવરણ હતું, પરંતુ હવે હવામાન સ્વચ્છ થતું દેખાય છે. 

જૂનાગઢ : મુખ્યમંંત્રી ભૂપેન્દ્ર પટેલ પણ મહાશિવરાત્રી નિમીત્તે ભવનાથ પહોંચ્યા છે. ભવનાથ મહાદેવની મુખ્યમંત્રીએ પૂજા અર્ચના કરી. સાધુ સાથેની બેઠકમાં મુખ્યમંત્રી ઉપસ્થિત રહ્યા. આ બેઠકમાં ધાર્મિક અને સામાજિક મુદ્દે ચર્ચા થઈ. બેઠક પૂર્ણ થતા મુખ્યમંત્રી સોમનાથ જવા રવાના થયા

કોલંબોમાં હવામાન બદલાઈ રહ્યું છે. વરસાદની આગાહીમાં ફેરફાર થઈ રહ્યા છે. BBC વેધર મુજબ, કોલંબોમાં સાંજે 6:30 વાગ્યે વરસાદની શક્યતા 40 ટકા છે. સાંજે 7:30 વાગ્યે, આ શક્યતા 32 ટકા છે. રાત્રે 8:30 વાગ્યે, આ શક્યતા ઘટીને 20 ટકા થઈ ગઈ છે.

અભિષેક શર્મા, ઈશાન કિશન, તિલક વર્મા, સૂર્યકુમાર યાદવ, હાર્દિક પંડ્યા, અક્ષર પટેલ, શિવમ દુબે, કુલદીપ યાદવ, જસપ્રીત બુમરાહ અને વરુણ ચક્રવર્તી.

ફાસ્ટ બોલર અર્શદીપ સિંહને તક મળે તેવી શક્યતા ઓછી છે. કોલંબોની સ્પિન-ફ્રેન્ડલી પરિસ્થિતિઓને જોતાં, કુલદીપ યાદવ પ્લેઇંગ ઇલેવનનો ભાગ બની શકે છે.

મીડિયા રિપોર્ટ્સ અનુસાર, ભારતીય કેપ્ટન સૂર્યકુમાર યાદવ ફરી એકવાર ટોસ દરમિયાન પાકિસ્તાની કેપ્ટન સલમાન આગા સાથે હાથ મિલાવવાનું ટાળશે. ગયા વર્ષે એશિયા કપ દરમિયાન પણ આવી જ ઘટના બની હતી. 

કોલંબોમાં હવામાન બદલાઈ રહ્યું છે. વરસાદની આગાહીમાં ફેરફાર થઈ રહ્યા છે. બીબીસી વેધર મુજબ, કોલંબોમાં સાંજે 6:30 વાગ્યે વરસાદની શક્યતા 40 ટકા છે. સાંજે 7:30 વાગ્યે, આ શક્યતા 32 ટકા છે. રાત્રે 8:30 વાગ્યે, આ શક્યતા ઘટીને 20 ટકા થઈ ગઈ છે.

T20 વર્લ્ડ કપમાં ભારત અને પાકિસ્તાન વચ્ચે આ નવમો મુકાબલો હશે. અગાઉની આઠ મેચમાંથી ભારતે સાત જીતી હતી, જ્યારે પાકિસ્તાને એક જીતી હતી. આનો અર્થ એ થયો કે ભારતનો પાકિસ્તાન પર 7-1થી જીતનો રેકોર્ડ છે.