હાર્દિક પંડ્યા (Hardik Pandya) તેની ફિટનેસ, બોલિંગ અને બેટિંગને કારણે ચર્ચામાં હતો. તેનું પ્રદર્શન સારું નહોતું અને આ કારણે તે ટીકાકારોના નિશાના પર હતો. પરંતુ IPL-2022 માં પંડ્યાએ એ કામ કર્યું, તેણે બધાને ચોંકાવી દીધા. પંડ્યાએ ગુજરાત ટાઇટન્સ (Gujarat Titans) ની કપ્તાની કરી હતી અને તેની પ્રથમ સિઝનમાં ગુજરાતને IPL વિજેતા બનાવ્યું હતું. આઈપીએલ બાદ પંડ્યાની સાઉથ આફ્રિકા સીરીઝ માટે ભારતીય ટીમ (Team India) માં પસંદગી કરવામાં આવી છે. હવે પંડ્યાએ ખુલ્લેઆમ કહ્યું છે કે તેની જૂની સ્ટાઈલ જોવા મળશે. સાઉથ આફ્રિકા સામેની સિરીઝ પહેલા પંડ્યાનો એક વીડિયો સામે આવ્યો છે જેમાં તે કહી રહ્યો છે કે ‘ઓલ્ડ હાર્દિક પાછો ફર્યો છે.
હાર્દિકે IPL-2022માં 15 મેચ રમી અને 487 રન બનાવ્યા. આ દરમિયાન તેની એવરેજ 44.27 છે. આ સિઝનમાં તેના બેટમાંથી આઠ અર્ધશતક આવ્યા હતા. સાથે જ તેની બોલિંગ પર નજર કરવામાં આવે તો તેણે આ સિઝનમાં આઠ વિકેટ પોતાના નામે કરી હતી. રાજસ્થાન રોયલ્સ સામે રમાયેલી ફાઇનલમાં પંડ્યાએ ત્રણ મોટી વિકેટ ઝડપી હતી.
IPL પહેલા કેટલીક શ્રેણીમાં પંડ્યાને ટીમ ઈન્ડિયામાં પસંદ કરવામાં આવ્યો ન હતો. આવી સ્થિતિમાં પંડ્યાને ટીમમાંથી બહાર કરી દેવાયો હોવાની અટકળો ચાલી રહી હતી. હવે પંડ્યાએ આ અંગે પોતાનું મૌન તોડ્યું છે. ગુજરાત ટાઇટન્સે તેમના ટ્વિટર હેન્ડલ પર એક વિડિયો શેર કર્યો જેમાં પંડ્યાએ કહ્યું, “ઘણા લોકોને ખબર નથી કે મેં ટેક ઓફ કર્યું. આ મારો નિર્ણય હતો. ઘણી બધી ગેરસમજણો હતી કે મને બહાર ફેંકી દેવામાં આવ્યો. જ્યારે તમે પસંદગી માટે ઉપલબ્ધ હોવ ત્યારે તમે ટીમથી બહાર જઈ શકો છો. આ માટે બીસીસીઆઈનો આભાર કારણ કે તેઓએ મને આટલો લાંબો વિરામ લેવાની મંજૂરી આપી છે અને મને પરેશાન કર્યો નથી કે મને પાછા આવવા દબાણ કર્યું નથી. તે તેની રીતે અદ્ભુત હતું. જૂનો હાર્દિક પાછો આવ્યો છે.”
“The old Hardik will be back!” 💪
🎥 #PapaPandya will be back in Blue, and we are excited! 🔥 #INDvSA #TeamIndia @hardikpandya7 pic.twitter.com/6KaQBb7860
— Gujarat Titans (@gujarat_titans) June 3, 2022
પંડ્યાએ કહ્યું, “મેં કોઈને કહ્યું, ચાહકો પાછા આવી ગયા છે, મારા માટે પાછા આવવાનો આ સારો સમય છે. હું આ માટે સંપૂર્ણપણે તૈયાર છું. એવી ઘણી મેચો થવાની છે જે હું રમવાનો છું. આઈપીએલમાં આવતા પહેલા મેં જે પણ મહેનત કરી હતી, તે યોગ્ય રીતે કામ કરશે.
Published On - 8:51 pm, Fri, 3 June 22