ખેલાડીની કમર પર વાગ્યો બોલ અને શોટ ફટકારનાર બેટ્સમેન આઉટ, જુઓ વીડિયો
ઈંગ્લેન્ડના વોર્મસ્લેમાં રમાયેલી T20 ફાઈનલમાં સમરસેટના બેટ્સમેન નેડ લિયોનાર્ડ સાથે કંઈક એવું થયું જેણે બધાને ચોંકાવી દીધા. નેડ જે રીતે આઉટ થયો તે જોઈને તમામ ચાહકોને તેના માટે દુઃખ થયું હતું.
ક્રિકેટના મેદાન પર અવારનવાર આવી ઘટનાઓ બને છે જેને જોઈને ચાહકો આશ્ચર્યચકિત થઈ જાય છે. આ વખતે ઈંગ્લેન્ડના વોર્મસ્લેમાં સમરસેટના બેટ્સમેન નેડ લિયોનાર્ડ સાથે કંઈક આવું જ થયું છે. આ જમણા હાથનો બેટ્સમેન જે રીતે આઉટ થયો છે તે જોઈને દરેકને આશ્ચર્ય થયું હતું.
બેટ્સમેન જે રીતે આઉટ થયો તે જોઈ બધા ચોંકી ગયા
સમરસેટનો બેટ્સમેન નેડ લિયોનાર્ડ શાનદાર શોટ રમવા છતાં તેના સાથી ખેલાડીના કારણે આઉટ થયો હતો. જો કે ક્રિકેટના મેદાન પર બેટ્સમેન 10 રીતે આઉટ થઈ શકે છે, પરંતુ નેડ લિયોનાર્ડ જે રીતે આઉટ થયો તે જોઈને બધા ચોંકી જશે.
લિયોનાર્ડ કેવી રીતે આઉટ થયો?
T20 ફાઈનલ સમરસેટ અને યોર્કશાયરની સેકન્ડ XI ટીમ વચ્ચે ચાલી રહી હતી. બેન ક્લિફ 19મી ઓવરમાં બોલિંગ કરવા આવ્યો હતો. લિયોનાર્ડે તેના બીજા બોલ પર ઝડપી શોટ રમ્યો હતો. પરંતુ બોલ નોન-સ્ટ્રાઈકર એન્ડ પર ઉભેલા બેટ્સમેનની કમર પર વાગ્યો. હિટ થયા બાદ બોલ બોલરના હાથમાં ગયો અને આ રીતે લિયોનાર્ડ આઉટ થયો.
How about this for a caught and bowled for Ben Cliff #YorkshireFamily pic.twitter.com/Y0aXUQPsoU
— Yorkshire Vikings (@YorkshireCCC) July 16, 2024
વીડિયો સોશિયલ મીડિયા પર વાયરલ થયો
લિયોનાર્ડની વિકેટનો વીડિયો સોશિયલ મીડિયા પર વાયરલ થયો છે. લિયોનાર્ડની વિકેટ જોઈને કોમેન્ટેટર્સ ચોંકી ગયા હતા. જો મેચની વાત કરીએ તો બેન ક્લિફે આ મેચમાં 30 રન આપીને 4 વિકેટ ઝડપી હતી. સમરસેટે આ ટાઈટલ મેચ 66 રને જીતી લીધી હતી.
સાયમન્ડ્સ સાથે પણ આવું જ થયું હતું
ઈન્ટરનેશનલ મેચોમાં આવું જ કંઈક થયું હતું. સ્વર્ગસ્થ ઓસ્ટ્રેલિયન ક્રિકેટર એન્ડ્ર્યુ સાયમન્ડ્સ શ્રીલંકા સામે બેટિંગ કરી રહ્યા હતા. તેણે જહાન મુબારકના બોલ પર શોટ રમ્યો પરંતુ બોલ નોન-સ્ટ્રાઈકરના છેડે ઉભેલા માઈકલ ક્લાર્કના જૂતામાં વાગ્યો અને તિલકરત્ને દિલશાનના હાથમાં ગયો અને આ રીતે સાયમન્ડ્સ કમનસીબે આઉટ થઈ ગયો.
આ પણ વાંચો: ટીમ ઈન્ડિયાના કેપ્ટન તરીકે હાર્દિક પંડ્યા અને સૂર્યકુમાર યાદવનો રેકોર્ડ કેવો છે?
