SA vs ENG: અંપાયર પોતાની મસ્તીમાં! LIVE મેચમાં ધ્યાન ભટક્યુ, જુઓ VIDEO

ઈંગ્લેન્ડ ક્રિકેટ ટીમ હાલમાં દક્ષિણ આફ્રિકાના પ્રવાસે છે. જ્યાં બંને વચ્ચે 3 મેચની વનડે સિરીઝની શરુઆત થઈ છે. બંને વચ્ચે શુક્રવારે સિરીઝની પ્રથમ વનડે મેચ રમાઈ હતી. યજમાન દક્ષિણ આફ્રિકન ટીમના સુકાની ટેમ્બા બાવુમાએ ટોસ જીતીને પ્રથમ બેટિંગ પસંદ કરી હતી. દક્ષિણ આફ્રિકાના એનરિક નોરખિયા અને સિસાંદાની બોલિંગ સામે ઈંગ્લીશ ટીમ સમેટાઈ ગઈ હતી. ઈંગ્લેન્ડ સામે યજમાન ટીમે 21 રનથી જીત મેળવી હતી. જોકે આ મેચ દમરિયાન એક એવુ દૃશ્ય જોવા મળ્યુ કે, જે જોઈને ક્રિકેટ ચાહકોએ અંપાયર મરાઈસ ઇરાસ્મસને ટ્રોલ કરી દીધા.

વાત જાણે કે એમ હતી કે અંપાયર સાહેબનુ ધ્યાન મેચને બદલે ક્યાંક બીજે જ ભટકાઈ ગયુ હતુ. હવે તેઓ મેચના લગતા કોઈ બીજા કામમાં વ્યસ્ત બની ગયા હતા કે, પછી પોતાની અલગ જ મસ્તીમાં ખોવાઈ ગયા હતા એ તો ઈરાસ્મસ સાહેબને જ ખ્યાલ. પરંતુ હાલ તો તેમનો લાઈવ મેચ દરમિયાનનો વિડીયો સોશિયલ મીડિયા પર ખૂબ વાયરલ થવા લાગ્યો છે.

Live મેચમાં ધ્યાન ભટક્યુ

રમત શરુ થઈ ગઈ હતી અને બોલરે બોલ ડિલિવર કરી દીધો હતો, જેની પર બેટરે શોટ પણ લગાવી દીધો. આ બધી જ પ્રક્રિયા પૂર્ણ થઈ ગઈ પરંતુ ફિલ્ડ પરના અંપાયરનુ ધ્યાન જ ક્યાંક બીજે મંડરાયેલુ હતુ. આ અંપાયર આઈસીસી અને ક્રિકેટ જગતના જાણિતા મરાઈસ ઈરાસ્મસ છે.

આ આખીય ઘટના ઈંગ્લેન્ડ જ્યારે ટાર્ગેટને પિછો કરી રહ્યુ હતુ એ દરમિયાનની ઈનીંગમાં બની હતી. 25મી ઓવરના પ્રથમ બોલ પર જ અંપાયર ઈરાસ્મસ બેધ્યાન જોવા મળ્યા હતા. તેમને જોઈને સૌ કોઈ આશ્ચર્ય અનુભવી રહ્યુ હતુ. બેટ્સમેને શોટ રમી લીધો ત્યા સુધીઓ તેઓની નજર બોલ પર કે ક્રિઝ પર એક્શન મૂવમેન્ટ પર રહી નહોતી. જ્યારે તેઓને ખ્યાલ આવ્યો ત્યાં સુધીમાં મેચનો આ એક બોલ વિતી ચુક્યો હતો.

ફેન્સે ટ્રોલ કરી દીધા

આ વિડીયો હવે સોશિયલ મીડિયા પર ખૂબ વાયરલ થવા લાગ્યો છે અને લોકોએ પણ ખૂબ મજા લઈ લીધી છે. કોઈએ વિરાટ કોહલીને મેસેજ મોકલવામાં વ્યસ્ત હોવાનુ લખ્યુ તો કોઈએ તમાકુ મસળતા હોવાનુ લખી દીધુ.

ઈંગ્લેન્ડ સામે દક્ષિણ આફ્રિકાની જીત

નિર્ધારીત 50 ઓવરમાં પ્રથમ બેટિંગ કરતા 298 રન 7 વિકેટના નુક્શાન પર દક્ષિણ આફ્રિકાએ નોંધાવ્યા હતા. રાસી વૈન ડર ડસૈને સદી નોંધાવતા 111 રન બનાવ્યા હતા. જ્યારે પિછો કરતા ઈંગ્લેન્ડ ના જેસન રોયે 113 રન નોંધાવ્યા હતા. જોકે તેની સદી એળે ગઈ હતી અને ઈગ્લેન્ડ ટીમ 271 રન પર સમેટાઈ ગઈ હતી. નોરખિયાએ 4 વિકેટ ઝડપી હતી.