પત્નીનું અફેર, હોટલમાં વિદ્યાર્થી સાથે વિતાવી રાત, ભારત પ્રવાસમાં તૂટયા લગ્ન

ક્રિકેટમાં ખેલાડીઓની રમત અને આંકડાઓ જેટલી હેડલાઈન્સ બનાવે છે, તેટલા જ તેમના અંગત જીવનના સમાચાર ચર્ચામાં રહે છે. તેમાં પણ ખાસ કરીને તેમના લગ્ન જીવન, રિલેશનશીપ, પાર્ટનર, અફેર, બ્રેક અપ અને ડિવોર્ડની ચર્ચાઓ સૌથી વધુ હેડલાઈનમાં રહે છે. આવો જ એક કિસ્સો ઈંગ્લેન્ડના ભારત પ્રવાસ સાથે જોડાયેલો છે.

ઈંગ્લેન્ડના ભારત પ્રવાસ દરમિયાન બની હેડલાઈન

ઈંગ્લેન્ડની ટીમ હાલ ભારતના પ્રવાસે છે. બંને ટીમો વચ્ચે 5 ટેસ્ટ મેચોની શ્રેણી રમાઈ રહી છે. પરંતુ, અમે તમને જે સમાચાર જણાવી રહ્યા છીએ તે વર્તમાન પ્રવાસ સાથે સંબંધિત નથી પરંતુ તે પ્રવાસ સાથે સંબંધિત છે જ્યારે ઈંગ્લેન્ડના દિગ્ગજ ક્રિકેટર ગ્રેહામ થોર્પના લગ્ન ભારત સામેની ટેસ્ટ શ્રેણી દરમિયાન તૂટી ગયા હતા.

ગ્રેહામ થોર્પના લગ્ન તૂટી ગયા

ઈંગ્લેન્ડના બેટ્સમેન ગ્રેહામ થોર્પે પોતે જ તેના લગ્ન તૂટવાનો ખુલાસો કર્યો હતો. જોકે, તેણે પોતાના લગ્નને બચાવવા માટે તમામ પ્રયાસ કર્યા હતા. તે પોતાના ભારત પ્રવાસ પરથી પણ પાછો ફર્યો હતો. ટેસ્ટ સિરીઝમાં પણ રમ્યો નહીં. પરંતુ, પછી તે પ્રવાસ પર, કોલકાતામાં ભારત સામેની ODI મેચ પહેલા, તેણે નિવેદન આપ્યું હતું કે તેની પત્ની નિક્કી સાથેના લગ્ન હવે તૂટી ગયા છે.

ગ્રેહામ થોર્પે ક્રિકેટ પર ધ્યાન આપ્યું

જો કે, ગ્રેહામ થોર્પે લગ્ન તૂટવાનો અફસોસ કરવાને બદલે ત્માથી બહાર નિકળવાનો આગ્રહ રાખ્યો હતો. તેમણે કહ્યું કે હવે હું મારા ક્રિકેટ પર ધ્યાન કેન્દ્રિત કરું તો સારું રહેશે, જે મારું કામ છે. હવે જે બન્યું તે ભૂલી જવું વધુ સારું રહેશે. તેમના મતે જીવનમાં આવી મુશ્કેલીઓ આવતી જ રહે છે. આવું દરેક સાથે થાય છે. પરંતુ, તમારે તે બધા પર કાબુ મેળવવો પડશે.

Graham Thorpe

પત્નીનું તેના જ મિત્ર સાથે અફેર

ગ્રેહામ થોર્પની પત્ની નિક્કીનું તેના મિત્ર કિરન વોર્સ્ટર સાથે અફેર હતું. કિરનના તેની પત્ની નિક્કી સાથેના અફેર વિશે જાણ્યા બાદ ગ્રેહામ થોર્પ માનસિક રીતે અસ્વસ્થ બની ગયો હતો. પરંતુ, જ્યારે તેને લાગ્યું કે પરિસ્થિતિ હાથમાંથી નીકળી ગઈ છે, ત્યારે તેણે તેમાંથી બહાર આવવા માટે ક્રિકેટનો સહારો લીધો. તેણે પોતાની રમત પર ધ્યાન આપવાનું શરૂ કર્યું. સદનસીબે તેની ક્રિકેટ કારકિર્દી તેના અંગત જીવનમાં આવેલા ભૂકંપને કારણે બરબાદ થતી બચી ગઈ હતી.

લગ્ન તૂટવાનું સૌથી મોટું કારણ

ગ્રેહામ થોર્પે તેમની પત્ની નિક્કીને પ્રથમ વખત મળ્યા ત્યારે બંને માત્ર 19 વર્ષના હતા. તેઓએ જલ્દી લગ્ન કરી લીધા. બંને વચ્ચેની સ્થિતિ 1997માં બગડવાની શરૂઆત થઈ જ્યારે ન્યુઝીલેન્ડની એક હોટલમાં થોર્પે એક વિદ્યાર્થી સાથે રાત વિતાવી હોવાના સમાચાર અને તસવીરો સામે આવી હતી.

આ પણ વાંચો : 48 ઓવરમાં 24 છગ્ગા, 61 ચોગ્ગા, 529 રન, ભારતીય બેટ્સમેનોનું ધમાકેદાર પ્રદર્શન