IND vs WI: ડ્વેન બ્રાવોનો બેસ્ટ ફ્રેન્ડ ભારતમાં થયો ગુમ, ઇન્સ્ટાગ્રામ પર વિગતો શેર કરી કહ્યુ મળે તો વેસ્ટ ઈન્ડિઝને જણાવો!

ડ્વેન બ્રાવો (Dwayne Bravo) નો બેસ્ટ ફ્રેન્ડ ગુમ છે, જેના કારણે તે ખૂબ જ દુખી છે. જેથી તેના મિત્રને શોધી શકાય, એ માટે તેણે તેના મિત્રની તમામ માહિતી ઈન્સ્ટાગ્રામ પર શેર કરી છે. આ સાથે એવું પણ લખવામાં આવ્યું છે કે તેને ઇનબોક્સ કરો, અથવા પોલીસને જાણ કરો અથવા વેસ્ટ ઈન્ડિઝને જણાવો. આ વાત સાંભળીને ઝટકો જરુર લાગ્યો હશે અને તમે વિચારમાં પણ જરુર પડ્યા હશો. કારણ કે, ચેમ્પિયન બ્રાવોએ અહીં જે બેસ્ટ ફ્રેન્ડના ગુમ થવાની વાત કરી છે, તે ખોવાયો છે, પરંતુ તેના ફોર્મથી. તેની રમતમાં જે સ્વરૂપ દેખાય છે, તે હાલમાં જોવા મળી રહ્યુ નથી. અને, આ જ કારણ છે કે વેસ્ટ ઈન્ડિઝની ટીમ (West Indies Cricket Team) પ્રથમ વખત ભારત (Team India) સામેની ODI સિરીઝમાં ક્લીન સ્વીપને આરે ઉભી છે.

ભારત સામેની વનડે સીરીઝની પ્રથમ બે મેચમાં કિરોન પોલાર્ડ માત્ર પ્રથમ વનડે રમ્યો હતો, જેમાં તે ખાતું પણ ખોલી શક્યો ન હતો. તે જ સમયે, અન્ય એકમાં ઈજાને કારણે રમ્યો ન હતો. ભારત સામેની શ્રેણીમાં કિરોન પોલાર્ડની ભૂમિકા મહત્વની માનવામાં આવી રહી હતી. કારણ કે, કેરેબિયન કેમ્પમાં તે ભારતની પીચ અને વાતાવરણથી સારી રીતે પરિચિત હતો.

બ્રાવો ગુમ થયેલ પોલાર્ડને શોધી રહ્યો છે

હવે જ્યારે પોલાર્ડ આનો ફાયદો ઉઠાવતો નથી, ત્યારે ડ્વેન બ્રાવોએ સોશિયલ મીડિયા પર તેના શ્રેષ્ઠ મિત્રની મજાક ઉડાવી છે. પોલાર્ડ પ્રથમ વનડેમાં ચહલ દ્વારા ક્લીન બોલ્ડ થયો હતો. આના આધારે ડ્વેન બ્રાવોએ સોશિયલ મીડિયા પર તેની વિગતો શેર કરી અને એ પણ લખ્યું કે છેલ્લી વખત તે ચહલના પોકેટમાં જોવા મળ્યો હતો એટલે કે તેનો શિકાર બન્યો હતો.

બ્રાવોએ આ ફની પોસ્ટ દ્વારા પોલાર્ડના ફોર્મને જે રીતે ટોણો માર્યો છે તેની અન્ય ક્રિકેટરોએ પણ પ્રશંસા કરી છે. ભારતના ઝડપી બોલર ધવલ કુલકર્ણીએ લખ્યું- સારું. તો IPL 2022ની હરાજીમાં 9 વર્ષ પછી ઉતરેલા ફિડેલ એડવર્ડ્સે પણ હસવાનુ ઇમોજી મુક્યુ છે.

અન્ય ક્રિકેટરોએ પણ કમેન્ટકરી મજા લીધી

પોલાર્ડને તેનું ફોર્મ મેળવવાની જરુર

પોલાર્ડના ફોર્મ ગુમાવવાને કારણે વેસ્ટ ઈન્ડિઝે વનડે શ્રેણી ગુમાવી છે. અને, હવે ક્લીન સ્વિપના આરે પણ છે. આવી સ્થિતિમાં, તે ખૂબ જ મહત્વપૂર્ણ છે કે જ્યારે પોલાર્ડ ઈજામાંથી મુક્ત થઈને ત્રીજી વનડેમાં વાપસી કરશે, ત્યારે તે સંપૂર્ણ ફોર્મમાં હોવો જોઈએ. તો જ વેસ્ટ ઈન્ડિઝ મેચ જીતીને પોતાની આબરુ બચાવી શકશે.

આ પણ વાંચોઃ IPL 2022: રોહિત શર્માની આઇપીએ સેલરીમાં બંપર જમ્પ, જાણો પ્રથમ સેલરી કેટલા રુપિયા મેળવતો હતો

આ પણ વાંચોઃ Sabarkantha: જિલ્લામાં મનરેગા યોજના હેઠળના શ્રમિકોની રોજગારીના પૈસા નહી ચુકવતા ધારાસભ્યે ધરણાં યોજતા અટકાયત