Deepak Chahar Fitness, IPL 2022: રવિન્દ્ર જાડેજાએ દિપક ચાહરનો સાથ મેળવવા જોવી પડશે લાંબી રાહ, આ દિવસે CSK સાથે સામેલ થશે
દીપક ચહર (Deepak Chahar) ને ફેબ્રુઆરીમાં યોજાયેલી મેગા ઓક્શનમાં ચેન્નાઈ સુપર કિંગ્સે (CSK) 14 કરોડ રૂપિયામાં ખરીદ્યો હતો, પરંતુ થોડા દિવસો બાદ તે ઈજાગ્રસ્ત થઈ ગયો હતો અને ત્યારથી તે બહાર છે.
ચેન્નાઈ સુપર કિંગ્સ (Chennai Super Kings) માટે IPL 2022 ની શરૂઆત બિલકુલ સારી રહી નથી. કેપ્ટનશીપમાં ફેરફાર બાદ ટીમ પ્રથમ બંને મેચ હારી ગઈ હતી. કોલકાતા નાઈટ રાઈડર્સ (KKR) સામે ટીમની બેટિંગ કામમાં આવી નહીં, તો લખનૌ સુપર જાયન્ટ્સ સામે બોલિંગે ધોખો આપ્યો છે. ચેન્નાઈની બેટિંગ જો કે ખૂબ મજબૂત છે અને આવનારી મેચોમાં પણ તે જોવા મળશે, પરંતુ ટીમની બોલિંગ ઘણી નબળી દેખાઈ રહી છે અને તેનું મોટું કારણ સ્ટાર ફાસ્ટ બોલર દીપક ચહરની ફિટનેસ (Deepak Chahar Fitness) ની ગેરહાજરી છે. ભારતીય બોલર ઈજાના કારણે ટૂર્નામેન્ટની શરૂઆતની મેચોમાંથી બહાર થઈ ગયો હતો અને નવી માહિતી અનુસાર, CSK ને એપ્રિલમાં પણ ઓછામાં ઓછા 3 અઠવાડિયા સુધી તેના વિના મેદાનમાં ઉતરવું પડશે.
જમણા હાથનો મધ્યમ ઝડપી બોલર દીપક ચહર ફેબ્રુઆરીમાં ભારત-વેસ્ટ ઈન્ડિઝ T20 શ્રેણીની છેલ્લી મેચ દરમિયાન ઈજાગ્રસ્ત થયો હતો. તેના હેમસ્ટ્રિંગમાં તણાવને કારણે તે મેચમાં પણ બોલિંગ કરી શક્યો ન હતો અને ત્યારથી તે નેશનલ ક્રિકેટ એકેડમીમાં તેની ફિટનેસ પર કામ કરી રહ્યો છે. એવી અપેક્ષા રાખવામાં આવી હતી કે ચહર એપ્રિલની શરૂઆતમાં ફિટ થઈ જશે, પરંતુ અત્યારે એવું લાગતું નથી અને CSKને હજુ થોડા દિવસો રાહ જોવી પડશે.
25મી એપ્રિલે પરત આવશે!
એક અંગ્રેજી મીડિયા અહેવાલમાં દાવો કરવામાં આવ્યો છે કે ચહરને ફિટ થવામાં વધુ સમય લાગશે. આ મુજબ ચેન્નાઈના ફાસ્ટ બોલરને આગામી બે સપ્તાહમાં NCAમાંથી રજા આપવામાં આવી શકે છે. જો આમ થશે, તો તે મુંબઈમાં ટીમ સાથે જોડાશે, જ્યાં તે ક્વોરેન્ટાઈનમાંથી પસાર થશે અને પછી જો તે ટીમના ફિટનેસના ધોરણોને પૂર્ણ કરશે તો તે 25 એપ્રિલથી મેદાનમાં ઉતરી શકશે.
વિદેશી બોલરોની ફિટનેસની પણ પરેશાની
ચહરને છેલ્લી સિઝન પછી ચેન્નાઈ સુપર કિંગ્સ દ્વારા રિલીઝ કરવામાં આવ્યો હતો અને પછી ફેબ્રુઆરીમાં યોજાયેલી મોટી હરાજીમાં 14 કરોડ રૂપિયાની મોટી રકમમાં ખરીદ્યો હતો. તે IPLની હરાજીમાં સૌથી વધુ વેચાતો ભારતીય બોલર બન્યો હતો. જોકે, થોડા દિવસો બાદ તે ઘાયલ થયો હતો. ચેન્નાઈની સમસ્યા તેના વર્તમાન વિદેશી બોલરો સાથે પણ છે, કારણ કે ન્યૂઝીલેન્ડનો ઝડપી બોલર એડમ મિલ્ને પ્રથમ મેચ બાદ ઈજાગ્રસ્ત થયો હતો. તે જ સમયે, ક્રિસ જોર્ડન પણ આ સમયે ફિટનેસ માટે સંઘર્ષ કરી રહ્યો છે.
આ પણ વાંચોઃ Sabarkantha: ચિત્ર વિચિત્ર મેળો, નામ પ્રમાણેના મેળામાં રાતભર ખુશીઓ મનાવાય અને સવારે હૈયાફાટ રુદન
આ પણ વાંચોઃ IPL 2022: કેન વિલિયમસનના કેચ આઉટનો વિવાદ વકર્યો, સનરાઈઝર્સ હૈદરાબાદે અધિકારીક રુપે ફરિયાદ નોંધાવી
Published On - 6:20 pm, Sat, 2 April 22