રાજશેખર રેડ્ડી ACA-VDCA ક્રિકેટ સ્ટેડિયમમાં રવિવારે રમાયેલી રોમાંચક મેચમાં દિલ્હી કેપિટલ્સે ચેન્નાઈ સુપર કિંગ્સને 20 રને હરાવ્યું હતું. આ સાથે દિલ્હી કેપિટલ્સે સતત બે હાર બાદ જીતનું ખાતું ખોલ્યું છે. IPL 2024ની 13મી મેચમાં, દિલ્હી કેપિટલ્સે પ્રથમ બેટિંગ કરતા ડેવિડ વોર્નર અને રિષભ પંતની અડધી સદીના સહારે 20 ઓવરમાં 5 વિકેટ ગુમાવીને 191 રન બનાવ્યા હતા. 192 રનના લક્ષ્યાંક સાથે મેદાનમાં ઉતરેલી ચેન્નાઈ સુપર કિંગ્સે 20 ઓવરમાં 6 વિકેટ ગુમાવીને 171 રન બનાવ્યા હતા. એમએસ ધોનીએ 16 બોલમાં અણનમ 37 રનની વિસ્ફોટક ઇનિંગ રમી હતી.
ચેન્નાઈ સામેની આજની મેચમાં દિલ્હીનો 20 રને વિજય થયો હતો. દિલ્હીએ પહેલા બેટિંગ કરતા ચેન્નાઈને 192 રનનો લક્ષ્યાંક આપ્યો હતો. જેની સામે મહેન્દ્રસિંહ ધોનની ચેન્નાઈની ટિમે 20 ઓવરમાં છ વિકેટના ભોગે 171 રન જ કરી શકી હતી.
દિલ્લી સામેની રોમાંચક મેચમાં ત્ર વિકેટ પડી ગયા બાદ મેદાનમાં આવેલ મહેન્દ્રસિંહ ધોનીએ પહેલા જ બોલે ફોર મારીને પ્રેક્ષકોને આનંદમાં લાવી દીધા હતા. જો કે, મેચની 19મી મુકેશકુમારે નાખેલી ઓવરમાં મહેન્દ્રસિંહ ધોનીની ગણતરી ખોટી ઠરી હોય તેમ થયું. 19મી ઓવરનો પહેલો બોલ મુકેશ કુમારે વાઈડ નાખ્યો હતો. ત્યાર બાદના બોલે એક રન લીધો હતો. પરંતુ પછીના ત્રણ બોલે એક પણ રન લીધો નહોતો. ઓવરના પાંચમાં બોલે મહેન્દ્રસિંંહ ધોનીએ એક રન લીધો હતો. જ્યારે ઓવરના છઠ્ઠા બોલે રવિન્દ્ર જાડેજાએ બે રન લીધા હતા. આમ 19મી નિર્ણાયક ઓવરમાં મુકેશ કુમારે માત્ર પાંચ જ રન આપ્યા હતા.
ચેન્નાઈ સુપર કિંગ્સે હવે જીતવા માટે 18 બોલમાં 58 રન બનાવવા પડશે. 17 ઓવર પછી ટીમનો સ્કોર 6 વિકેટે 134 રન છે. રવિન્દ્ર જાડેજા 12 બોલમાં 16 રન અને એમએસ ધોની ત્રણ બોલમાં 9 રન બનાવીને ક્રિઝ પર છે.
શિવમ દુબે 17 બોલમાં 18 રન બનાવીને પેવેલિયન પરત ફર્યા છે. મુકેશ કુમારને મેચમાં ત્રીજી સફળતા મળી હતી.
મુકેશ કુમારે બે બોલમાં સતત બે વિકેટ લીધી છે. મુકેશે પહેલા રહાણેને આઉટ કર્યો અને પછી સમીર રિઝવીને પણ આઉટ કર્યો. 14મી ઓવરમાં માત્ર બે રન જ બન્યા હતા. હવે ચેન્નાઈને 36 બોલમાં 89 રન બનાવવાના છે.
13 ઓવર પછી ચેન્નાઈ સુપર કિંગ્સનો સ્કોર ત્રણ વિકેટે 101 રન છે. અજિંક્ય રહાણે 28 બોલમાં 45 રન અને શિવમ દુબે 10 બોલમાં 12 રન બનાવીને રમી રહ્યો છે. બંને વચ્ચે 16 બોલમાં 26 રનની ભાગીદારી છે.
12 ઓવર પછી ચેન્નાઈ સુપર કિંગ્સનો સ્કોર ત્રણ વિકેટે 92 રન છે. આ ઓવરમાં મિચેલ માર્શે 14 રન બનાવ્યા હતા. રહાણેએ આ ઓવરમાં બે ચોગ્ગા ફટકાર્યા હતા. રહાણે હવે 27 બોલમાં 45 રન સુધી પહોંચી ગયો છે. અત્યાર સુધીમાં તેણે 5 ફોર અને 2 સિક્સર ફટકારી છે. તેની સાથે શિવમ દુબે ચાર રન પર છે.
8 ઓવર પછી ચેન્નાઈનો સ્કોર બે વિકેટે 47 રન છે. રહાણે 19 બોલમાં 25 રન અને મિશેલ 15 બોલમાં 14 રન બનાવીને રમતમાં છે. બંને વચ્ચે 30 બોલમાં 39 રનની ભાગીદારી છે. ચેન્નાઈને હવે 72 બોલમાં જીતવા માટે 145 રન બનાવવાના છે. રહાણેએ ત્રણ ફોર અને એક સિક્સ ફટકારી છે.
પાવરપ્લે દિલ્હી કેપિટલ્સના નામે રહ્યો. 6 ઓવર પછી ચેન્નાઈ સુપર કિંગ્સનો સ્કોર બે વિકેટે 32 રન રહ્યો. રહાણે 14 બોલમાં 18 રન બનાવીને રમતમાં છે. તેણે 2 ચોગ્ગા અને એક છગ્ગા ફટકાર્યા છે. તેની સાથે ડેરીલ મિશેલ આઠ બોલમાં સાત રન પર છે.
ચોથી ઓવરમાં અજિંક્ય રહાણેએ બે ચોગ્ગા ફટકાર્યા હતા. 4 ઓવર પછી ચેન્નાઈનો સ્કોર બે વિકેટે 17 રન છે. અજિંક્ય રહાણે આઠ બોલમાં 10 રન બનાવીને રમતમાં છે. ડેરીલ મિશેલ તેની સાથે એક રન પર છે.
ચેન્નાઈ સુપર કિંગ્સે ત્રીજી ઓવરમાં માત્ર સાત રનમાં બીજી વિકેટ ગુમાવી દીધી હતી. રચિન રવિન્દ્ર 12 બોલમાં માત્ર બે રન બનાવીને આઉટ થયો હતો. ચેન્નાઈ સામે 192 રનનો પડકાર છે.
દિલ્હી સામે 192 રનના લક્ષ્યાંક સાથે મેદાનમાં ઉતરેલ ચેન્નાઈ સુપર કિંગ્સે, 3 ઓવરના અંતે 2 વિકેટના ભોગે 7 રન બનાવ્યા છે. ત્રીજી ઓવરમાં ચેન્નાઈએ રચિન રવિન્દ્રની વિકેટ ગુમાવી છે. ખલિલે આ ત્રીજી ઓવર નાખી હતી જે મેઈડન રહેવાની સાથે એક વિકેટ મેળવી હતી.
પ્રથમ બેટિંગ કરતા દિલ્હી કેપિટલ્સે 20 ઓવરમાં 5 વિકેટ ગુમાવીને 191 રન બનાવ્યા હતા. દિલ્હી તરફથી ડેવિડ વોર્નરે સૌથી વધુ 52 રન બનાવ્યા હતા. કેપ્ટન ઋષભ પંત 51 રન બનાવીને આઉટ થયો હતો.
ઋષભ પંતએ ફટકારી IPL 2024 ની પ્રથમ અડધી સદી, 31 બોલમાં પોતાની ફિફ્ટી પૂરી કરી અને પછીના એક બોલમાં આઉટ થઈ ગયો.
મથિશા પથિરાનાએ 17મી ઓવર ફેંકી. આ ઓવરમાં માત્ર પાંચ રન આવ્યા હતા. 17 ઓવર પછી દિલ્હીનો સ્કોર 4 વિકેટે 148 રન હતા. ઋષભ પંત 23 બોલમાં 23 રન બનાવીને રમતમાં છે. જ્યારે અક્ષર પટેલ ચાર રન પર છે.
16 ઓવર પછી દિલ્હી કેપિટલ્સનો સ્કોર છ વિકેટે 146 રન છે. ઋષભ પંત વીસ બોલમાં 1 ચોગ્ગા અને 1 છગ્ગા સાથે 20 રન પર છે. જ્યારે અક્ષર પટેલ એક બોલમાં એક રન બનાવીને રમી રહ્યો છે.
15મી ઓવરમાં મથિશા પથિરાનાએ દિલ્હી કેપિટલ્સને બે મોટા ઝટકા આપ્યા. પથિરાનાએ પહેલા મિચેલ માર્શને બોલ્ડ કર્યો અને પછી ટ્રુસ્ટન સ્ટબ્સને પણ બોલ્ડ કર્યો. 15 ઓવર પછી દિલ્હીનો સ્કોર 4 વિકેટે 134 રન છે. માર્શ 18 રને અને સ્ટબ્સ શૂન્ય રને આઉટ થયો.
દિલ્હી કેપિટલ્સને ત્રીજો ઝટકો લાગ્યો છે. મિચેલ માર્શ 18 રન બનાવીને આઉટ થયો છે. પથિરાનાએ મિચેલ માર્શને ક્લીન બોલિંગ કરીને દિલ્હીને ત્રીજો ઝટકો આપ્યો.
13 ઓવર પછી દિલ્હી કેપિટલ્સનો સ્કોર બે વિકેટે 121 રન છે. ઋષભ પંતે 13મી ઓવરમાં શાનદાર સિક્સ ફટકારી હતી. તે હવે 11 બોલમાં 12 રન પર છે. તેની સાથે મિચેલ માર્શ છ બોલમાં સાત રન પર છે.
12 ઓવર પછી દિલ્હી કેપિટલ્સનો સ્કોર બે વિકેટે 111 રન છે. મિચેલ માર્શ પાંચ બોલમાં એક ચોગ્ગા સાથે 6 રન પર છે. જ્યારે ઋષભ પંત સાત બોલમાં પાંચ રન બનાવીને રમી રહ્યો છે.
દિલ્હીએ 11મી ઓવરમાં 103 રનમાં બીજી વિકેટ ગુમાવી દીધી છે. રવિન્દ્ર જાડેજાએ પૃથ્વી શોને પેવેલિયન મોકલ્યો હતો. તેને 27 બોલમાં 43 રન બનાવ્યા હતા. ઋષભ પંત અને મિચેલ માર્શ ક્રિઝ પર છે. 11 ઓવર પછી દિલ્હીનો સ્કોર 2 વિકેટે 104 રન છે. બંને સેટ બેટ્સમેન એક બાદ એક આઉટ થવાથી દિલ્હી માટે 200 સુધી પહોંચવું મુશ્કેલ બની શકે છે.
દિલ્હી કેપિટલ્સને મોટો ઝટકો લાગ્યો છે. ડેવિડ વોર્નર અડધી સદી ફટકાર્યા બાદ આઉટ થયો છે. દિલ્હી કેપિટલ્સની પહેલી વિકેટ 10મી ઓવરમાં 93 રનના સ્કોર પર પડી હતી. મુસ્તફિઝુર રહેમાનના બોલ પર પથિરાનાએ વોર્નરનો અદભૂત કેચ લીધો. હવે ઋષભ પંત ત્રીજા નંબર પર બેટિંગ કરી રહ્યો છે.
દિલ્હી કેપિટલ્સના ઓપનર ડેવિડ વોર્નરે ચેન્નાઈ સુપર કિંગ્સ સામે અડધી સદી ફટકારી છે. તેને 32 બોલમાં 50 રન પૂરા કર્યા. પૃથ્વી 22 બોલમાં 34 રન બનાવીને રમી રહ્યો છે.
9 ઓવર પછી દિલ્હી કેપિટલ્સનો સ્કોર કોઈ વિકેટ વિના 91 રન છે. ડેવિડ વોર્નર 33 બોલમાં 51 રન બનાવીને રમતમાં છે. અત્યાર સુધીમાં તેને 5 ચોગ્ગા અને 3 છગ્ગા ફટકાર્યા છે. જ્યારે પૃથ્વી શો 22 બોલમાં 34 રન બનાવીને રમી રહ્યો છે.
8 ઓવર પછી દિલ્હી કેપિટલ્સનો સ્કોર કોઈ વિકેટ વિના 80 રન છે. ડેવિડ વોર્નર 5 ચોગ્ગા અને બે છગ્ગાની મદદથી 42 રન અને શો 4 ચોગ્ગા અને એક છગ્ગાની મદદથી 32 રન બનાવીને રમી રહ્યો છે.
રવિન્દ્ર જાડેજાએ સાતમી ઓવર નાખી. આ ઓવરમાં કુલ 13 રન આવ્યા હતા. પૃથ્વી શોએ સિક્સર ફટકારી હતી જ્યારે વોર્નરે ફોર ફટકારી હતી. 7 ઓવર પછી દિલ્હી કેપિટલ્સનો સ્કોર કોઈ વિકેટ વિના 75 રન છે. વોર્નર 5 ચોગ્ગા અને બે છગ્ગાની મદદથી 41 રન અને શો 4 ચોગ્ગા અને એક છગ્ગાની મદદથી 31 રન બનાવીને રમી રહ્યા છે.
મુસ્તાફિઝુર રહેમાને છઠ્ઠી ઓવર નાખી. આ ઓવરમાં કુલ 20 રન આવ્યા હતા. પૃથ્વી શોએ ત્રણ ચોગ્ગા અને ડેવિડ વોર્નરે એક ચોગ્ગો ફટકાર્યો હતો. 6 ઓવર પછી દિલ્હીનો સ્કોર કોઈ વિકેટ વિના 62 રન છે. વોર્નર 22 બોલમાં 35 રન અને પૃથ્વી શો 15 બોલમાં 24 રન બનાવીને રમી રહ્યા છે.
દિલ્હી કેપિટલ્સે 50 રન પૂરા કર્યા છે. ડેવિડ વોર્નર 21 બોલમાં 34 રન અને પૃથ્વી શો 14 બોલમાં 24 રન બનાવીને અણનમ છે. બંને વચ્ચે સારી ભાગીદારી જોવા મળી રહી છે.
દીપક ચહરે પાંચમી ઓવર નાખી. પરંતુ આ ઓવરમાં 18 રન આવ્યા હતા. ડેવિડ વોર્નરે ચહર પર એક સિક્સર અને બે ફોર ફટકારી હતી. 5 ઓવર પછી દિલ્હી કેપિટલ્સનો સ્કોર કોઈ વિકેટ વિના 42 રન છે. વોર્નર 19 બોલમાં 30 રન બનાવીને રમી રહ્યો છે. જ્યારે પૃથ્વી શો 11 બોલમાં 12 રન બનાવીને રમી રહ્યો છે.
તુષાર દેશપાંડેએ ચોથી ઓવર ફેંકી. આ ઓવરમાં માત્ર પાંચ રન આવ્યા હતા. પરંતુ ઓવરના બીજા બોલ પર પૃથ્વી શોએ ઓફ સાઈડ પર શાનદાર ફોર ફટકારી હતી. 4 ઓવર પછી દિલ્હીનો સ્કોર કોઈ વિકેટ વિના 24 રન છે.
દીપક ચહરે ત્રીજી ઓવર નાખી. આ ઓવરમાં કુલ 9 રન આવ્યા હતા. પરંતુ ઓવરના બીજા બોલ પર વોર્નરે લેગ સાઈડ પર ગગનચુંબી સિક્સર ફટકારી હતી. ત્યારબાદ તેને આગળના બોલ પર શોટ રમીને ડબલ પણ લીધો હતો. 3 ઓવર પછી દિલ્હીનો સ્કોર કોઈ વિકેટ વિના 19 રન છે.
2 ઓવર પછી દિલ્હી કેપિટલ્સનો સ્કોર કોઈ વિકેટ વિના 10 રન છે. તુષારદેશ પાંડેએ બીજી ઓવરમાં માત્ર ત્રણ રન આપ્યા હતા. પૃથ્વી શો છ બોલમાં પાંચ રન અને ડેવિડ વોર્નર પણ છ બોલમાં પાંચ રન પર છે.
ચેન્નાઈ સુપર કિંગ્સ માટે દીપક ચહરે પ્રથમ ઓવર ફેંકી હતી. આ ઓવરમાં સાત રન આવ્યા હતા. ડેવિડ વોર્નરે છેલ્લા બોલ પર શાનદાર ફોર ફટકારી હતી. પૃથ્વી શો ત્રણ રને અને વોર્નર ચાર રને રમી રહ્યો છે.
ચેન્નાઈ સુપર કિંગ્સના ઈમ્પેક્ટ પ્લેયર – શિવમ દુબે, શાર્દુલ ઠાકુર, શેખ રશીદ, મોઈન અલી, મિશેલ સેન્ટનર
દિલ્હી કેપિટલ્સના ઈમ્પેક્ટ પ્લેયર: સુમિત કુમાર, કુમાર કુશાગરા, રસિક દાર સલામ, પ્રવીણ દુબે, જેક ફ્રેઝર-મેકગર્ક
ચેન્નાઈ સુપર કિંગ્સ સામે દિલ્હી કેપિટલ્સે ટોસ જીતીને પ્રથમ બેટિંગ કરવાનો નિર્ણય કર્યો હતો. ઋષભ પંતે કહ્યું કે કુલદીપ યાદવ ઈજાના કારણે આ મેચમાં રમી શકશે નહીં. રિંકી ભુઈને બહાર કરવામાં આવ્યો છે. પૃથ્વી શો અને ઈશાંત શર્માની વાપસી થઈ છે. બીજી તરફ ચેન્નાઈની ટીમમાં કોઈ ફેરફાર કરવામાં આવ્યો નથી.
ચેન્નાઈ સુપર કિંગ્સની પ્લેઈંગ ઈલેવન – ઋતુરાજ ગાયકવાડ (કેપ્ટન), રચિન રવિન્દ્ર, અજિંક્ય રહાણે, ડેરીલ મિશેલ, રવિન્દ્ર જાડેજા, સમીર રિઝવી, એમએસ ધોની (વિકેટકીપર), દીપક ચહર, તુષાર દેશપાંડે, મતિશા પાથિરાના અને મુસ્તફિઝુર રહેમાન.
દિલ્હી કેપિટલ્સની પ્લેઈંગ ઈલેવન – પૃથ્વી શો, ડેવિડ વોર્નર, મિશેલ માર્શ, ઋષભ પંત (વિકેટકીપર/કેપ્ટન), ટ્રિસ્ટન સ્ટબ્સ, અભિષેક પોરેલ, અક્ષર પટેલ, એનરિચ નોર્ટજે, મુકેશ કુમાર, ઈશાંત શર્મા અને ખલીલ અહમદ.
દિલ્હી કેપિટલ્સે ટોસ જીતીને પ્રથમ બેટિંગ કરવાનો નિર્ણય કર્યો. દિલ્હીની ટીમ ત્રણ ફેરફારો સાથે આવી છે. જેમાં કુલદીપ રમી રહ્યો નથી. ચેન્નાઈ સુપર કિંગ્સ સામે દિલ્હી પોતાની જીત હાંસલ કરવા રમશે
Published On - 7:06 pm, Sun, 31 March 24