IND vs AUS : ઓસ્ટ્રેલિયાને હરાવી ભારત ચેમ્પિયન્સ ટ્રોફીની ફાઈનલમાં, 2023 ODI વર્લ્ડ કપની ફાઈનલની હારનો લીધો બદલો

વિરાટ કોહલી મેચનો શ્રેષ્ઠ ખેલાડી બન્યો, પ્લેયર ઓફ ધ મેચ એવોર્ડ જીત્યો. સૌથી વધુ 84 રન બનાવ્યા. વિરાટે કહ્યું કે એક સમયે એક કે બે રન લેવાથી તેનો આત્મવિશ્વાસ ઘણો વધી ગયો હતો.

ભારત ચેમ્પિયન્સ ટ્રોફીની ફાઈનલમાં પહોંચ્યું, ઓસ્ટ્રેલિયાથી લીધો બદલો, સેમી ફાઈનલમાં 4 વિકેટથી હરાવ્યું, કેએલ રાહુલ સિક્સર ફટકારી જીત અપાવી

વિરાટ કોહલી 84 રન બનાવી થયો આઉટ, 6 રન માટે સદી ચૂકી ગયો

ટીમ ઈન્ડિયા હવે જીત તરફ આગળ વધી રહી છે. 60 બોલમાં 65 રનની જરૂર છે. વિરાટ કોહલી સદી તરફ આગળ વધી રહ્યો છે અને કેએલ રાહુલ તેને સારો સાથ આપી રહ્યો છે.

વિરાટ કોહલી ICC નોકઆઉટ મેચોમાં 1000 રન બનાવનાર પ્રથમ ખેલાડી બન્યો

ભારતને ચોથો ઝટકો, અક્ષર પટેલ 27 રન બનાવી આઉટ, નાથન એલિસે કર્યો ક્લીન બોલ્ડ

39 વખત – વિરાટ કોહલી (86 ઈનિંગ્સ)

30 વખત – રોહિત શર્મા (86 ઈનિંગ્સ)

23 વખત – સચિન તેંડુલકર (58 ઈનિંગ્સ)

21 વખત – ક્રિસ ગેલ (82 ઈનિંગ્સ)

21 વખત – મહેલા જયવર્ધને (86 ઈનિંગ્સ)

21 વખત – કુમાર સંગાકારા (86 ઈનિંગ્સ)

ભારતને ત્રીજો ઝટકો, શ્રેયસ અય્યર 45 રન બનાવી થયો આઉટ, ઝમ્પાએ કર્યો ક્લીન બોલ્ડ, શ્રેયસ અય્યર 5 રન માટે ફિફ્ટી ચૂકી ગયો

વિરાટ કોહલીની ફિફ્ટી, શ્રેયસ અય્યર 50 રનની નજીક, વિરાટ કોહલીએ દમદાર બાઉન્ડ્રી ફટકારી 50 રન પૂરા કર્યા, શ્રેયસ અય્યર 50 રનની નજીક

વિરાટ કોહલી-શ્રેયસ અય્યરની 50 રનની પાર્ટનરશિપ, ભારતનો સ્કોર 100 રનને પાર, કોહલીએ ફટકારી જોરદાર બાઉન્ડ્રી

ભારતીય ટીમે પહેલા પાવરપ્લેમાં 55 રન બનાવ્યા. કોનેલીની ઓવરમાં અય્યરે બે ચોગ્ગા ફટકાર્યા. વિરાટ અને અય્યરની જોડી જ ટીમ ઈન્ડિયાને સરળતાથી જીત અપાવી શકે છે અને ઓસ્ટ્રેલિયન ટીમ પણ આ વાત જાણે છે.

ભારતને બીજો ઝટકો, કેપ્ટન રોહિત શર્મા 28 રન બનાવી થયો આઉટ, કૂપર કોનોલીએ રોહિત શર્માને LBW આઉટ કર્યો, રોહિતે અમ્પાયરના નિર્ણય પર રિવ્યુ લીધો અને થર્ડ અમ્પાયરે પણ આઉટ જાહેર કરતા ભારતે એક રિવ્યુ ગુમાવ્યો

ભારતને પહેલો ઝટકો, શુભમન ગિલ 8 રન બનાવી થયો આઉટ, બેન દ્વારશુઈસે શુભમનને કર્યો ક્લીન બોલ્ડ, પાંચ ઓવર બાદ ભારતનો સ્કોર 30/1, વિરાટ કોહલી અને રોહિત શર્મા ક્રિઝ પર હાજર

ત્રીજી ઓવરના અંતિમ બોલ પર લાબુશેને રોહિત શર્માનો કેચ છોડ્યો, રોહિતને બીજું જીવનદાન

રોહિત શર્માએ બીજા બોલ પર જ ચોગ્ગો ફટકાર્યો. બેન દ્વાર્શિયસે બોલને યોર્કર ફેંક્યો અને ભારતીય કેપ્ટને ફ્લિક શોટ રમ્યો અને ચોગ્ગો ફટકાર્યો. પછી વધુ 3 રન બનાવ્યા. પહેલી ઓવરમાં ભારતનો સ્કોર 7 રન છે.

ઓસ્ટ્રેલિયા 264 રનમાં ઓલઆઉટ, ભારતને જીતવા 265 રનનો ટાર્ગેટ, હાર્દિક પંડયાએ ઝમ્પાને ક્લીન બોલ્ડ કરી ઓસ્ટ્રેલિયાની ઈનિંગ સંપત કરી, શમીએ સૌથી વધુ ત્રણ વિકેટ લીધી, ચક્રવર્તી-જાડેજાએ બે-બે અને હાર્દિક-અક્ષરે એક-એક વિકેટ લીધી, સ્મિથે સૌથી વધુ 73 અને કેરીએ 61 રન બનાવ્યા.

ઓસ્ટ્રેલિયાને આઠમો ઝટકો, એલેક્સ કેરી 61 રન બનાવી થયો આઉટ, શ્રેયસ અય્યરે દમદાર ફિલ્ડિંગનું પ્રદર્શન કરતા જોરદાર થ્રો કરી સેટ બેટ્સમેન એલેક્સ કેરીને રનઆઉટ કર્યો અને ઓસ્ટ્રેલિયાની અંતિમ ઓવરમાં મોટો સ્કોર સુધી પહોંચવાની આશા પર પાણી ફેરવ્યું.

એલેક્સ કેરીએ 48 બોલમાં અડધી સદી ફટકારી. ઓસ્ટ્રેલિયન વિકેટકીપર દ્વારા અદ્ભુત બેટિંગ. દુબઈની પીચ પર 100થી વધુના સ્ટ્રાઈક રેટથી અડધી સદી ફટકારવી એ મોટી વાત છે.

વરુણ ચક્રવર્તીએ ભારતને સાતમી સફળતા અપાવી, બેન દ્વારશુઈસ 19 રન બનાવી થયો આઉટ, શ્રેયસ અય્યરે કર્યો કેચ, કેરી હજી ક્રિઝ પર હાજર

40 ઓવર બાદ ઓસ્ટ્રેલિયાનો સ્કોર 213/6

39મી ઓવર બાદ ઓસ્ટ્રેલિયાનો સ્કોર 207/6

ઓસ્ટ્રેલિયાને છઠ્ઠો ઝટકો, ગ્લેન મેક્સવેલ 7 રન બનાવીને આઉટ થયો

મોહમ્મદ શમીએ સ્ટીવ સ્મિથને 73 રન પર આઉટ કર્યો

30 ઓવર પછી ઓસ્ટ્રેલિયાનો સ્કોર 158 રન છે. એલેક્સ કેરી આવતાની સાથે જ બે ચોગ્ગા ફટકાર્યા છે. સ્ટીવ સ્મિથે અડધી સદી ફટકારી છે અને હજુ પણ ક્રીઝ પર છે.  ઓસ્ટ્રેલિયાની સ્થિતિ મજબૂત છે.

ઓસ્ટ્રેલિયાને ચોથો ઝટકો લાગ્યો છે, જોશ ઈંગ્લીસ 11 રન બનાવીને પેવેલિયન પરત ફર્યો

સ્ટીવ સ્મિથે અડધી સદી ફટકારી છે. તે 68 બોલમાં પચાસ રન બનાવવામાં સફળ રહ્યો.

ભારતને ત્રીજી સફળતા મળી,જાડેજાએ લાબુશેનને 29 રને આઉટ કર્યો.સ્મિથ અને લાબુશેન વચ્ચેની ખતરનાક ભાગીદારી તૂટી ગઈ. ત્રણ વિકેટ પડી ગઈ છે.

15 ઓવર પછી ઓસ્ટ્રેલિયાનો સ્કોર 76/2

9 ઓવર બાદ ઓસ્ટ્રેલિયાનો સ્કોર 58/2 છે.

ટ્રેવિસ હેડ 39 રન બનાવીને આઉટ થયો, વરુણ ચક્રવર્તીએ વિકેટ લીધી

4 ઓવર પછી, ઓસ્ટ્રેલિયન ટીમે એક વિકેટના નુકસાન પર 17 રન બનાવી લીધા છે. ટ્રેવિસ હેડ અને સ્ટીવ સ્મિથ ક્રીઝ પર છે.

ભારતને પહેલી સફળતા મળી, શમીએ કોનોલીને આઉટ કર્યો,કોનોલી પોતાની ખાતું પણ ખોલાવી શક્યો ન હતો

શમી પહેલા જ બોલ પર ટ્રેવિસ હેડનો કેચ ચૂકી ગયો. તેને બોલ પકડવાની તક હતી પણ બોલ તેના હાથમાંથી સરકી ગયો. પહેલી ઓવરમાં ફક્ત બે રન જ બન્યા.

હેડ-કોનોલી ક્રીઝ પર

ઓસ્ટ્રેલિયન ટીમ 6 સ્પિનરો સાથે સેમિફાઇનલ મેચમાં પ્રવેશી છે.

ભારત સતત 14મી વખત ટોસ હાર્યું છે, ઓસ્ટ્રેલિયાએ પહેલા બેટિંગ કરશે

ભારતીય ટીમ સ્ટેડિયમમાં પ્રવેશી ચૂકી છે. વિરાટ, રોહિત સહિત આખી ભારતીય ટીમ ટીમ બસ દ્વારા દુબઈ ઇન્ટરનેશનલ સ્ટેડિયમ પહોંચી ગઈ છે. થોડા સમયમાં ટોસ થશે

ચેમ્પિયન્સ ટ્રોફીની સેમિફાઇનલ પહેલા, બંને ટીમો એટલે કે ભારત અને ઓસ્ટ્રેલિયા સ્ટેડિયમ પહોંચી ગઈ છે.

ભારત અને ઓસ્ટ્રેલિયા ICC નોકઆઉટ મેચોમાં 8 વખત એકબીજા સામે ટકરાયા છે. આ સમયગાળા દરમિયાન, બંને ટીમોએ 4-4 મેચ જીતી છે. પરંતુ છેલ્લા 3 ICC નોકઆઉટમાં, ઓસ્ટ્રેલિયન ટીમ જીતી છે.

જો આપણે ICC ODI ટુર્નામેન્ટના હેડ ટુ હેડ રેકોર્ડની વાત કરીએ તો, બંને ટીમો વચ્ચે 18 મેચ રમાઈ છે. આ સમયગાળા દરમિયાન, ઓસ્ટ્રેલિયાએ 10 મેચ જીતી છે અને ટીમ ઈન્ડિયાએ 7 મેચ જીતી છે. એક મેચ અનિર્ણિત રહી.

ઓસ્ટ્રેલિયાએ દુબઈ ઈન્ટરનેશનલ ક્રિકેટ સ્ટેડિયમમાં અત્યાર સુધીમાં 5 ODI મેચ રમી છે. આ સમયગાળા દરમિયાન, ઓસ્ટ્રેલિયાએ 4 મેચ જીતી છે અને માત્ર 1 મેચમાં હારનો સામનો કરવો પડ્યો છે. જોકે, ઓસ્ટ્રેલિયાએ છેલ્લે 2019માં દુબઈમાં ODI રમી હતી. એટલે કે તે લગભગ 6 વર્ષ પછી અહીં ODI મેચ રમશે.

ટીમ ઈન્ડિયાએ આ ટુર્નામેન્ટમાં બાંગ્લાદેશ સામે પોતાની પહેલી મેચ જીતી હતી. ભારતે તે મેચ 6 વિકેટથી જીતી હતી. આ પછી, પાકિસ્તાન સામે રમાયેલી મેચમાં, ટીમ ઈન્ડિયાએ 6 વિકેટથી જીત મેળવી અને છેલ્લી ગ્રુપ સ્ટેજ મેચમાં ન્યુઝીલેન્ડને 44 રનથી હરાવ્યું. ગ્રુપ સ્ટેજમાં ભારત એકમાત્ર એવી ટીમ હતી જેણે ત્રણેય મેચ જીતી હતી

ચેમ્પિયન્સ ટ્રોફી 2025ની બીજી સેમીફાઈનલ મેચ દક્ષિણ આફ્રિકા અને ન્યુઝીલેન્ડની ટીમો વચ્ચે રમાશે. આ બંને ટીમો લાહોરના ગદ્દાફી સ્ટેડિયમમાં ટકરાશે. આ મેચ માટે 6 માર્ચનો દિવસ રિઝર્વ ડે તરીકે રાખવામાં આવ્યો છે. જો આ મેચ પણ પરિણામ ન આપે તો દક્ષિણ આફ્રિકાની ટીમ ફાઈનલ માટે ક્વોલિફાય થઈ જશે. કારણ કે દક્ષિણ આફ્રિકા ગ્રુપ B માં ટોચ પર હતું. જ્યારે ન્યુઝીલેન્ડ ગ્રુપ A માં બીજા સ્થાને રહ્યું હતું.

ચેમ્પિયન્સ ટ્રોફી 2025માં વરસાદ અને ઓસ્ટ્રેલિયા વચ્ચે એક અલગ જ સંબંધ રહ્યો છે. છેલ્લી બે આવૃત્તિઓમાં ઓસ્ટ્રેલિયાની 3 મેચ વરસાદમાં ધોવાઈ ગઈ હતી. આ વખતે પણ ઓસ્ટ્રેલિયાની એક મેચ વરસાદને કારણે રમાઈ શકી ન હતી. આવી સ્થિતિમાં, ચાહકોના મનમાં ડર છે કે જો સેમીફાઈનલમાં પણ આવું જ કંઈક થાય છે, તો કઈ ટીમને નુકસાન થશે. તમને જણાવી દઈએ કે, આ વખતે ICC એ બંને સેમીફાઈનલ મેચ માટે રિઝર્વ ડે રાખ્યો છે. પરંતુ રમત નિર્ધારિત તારીખે પૂર્ણ કરવા માટે તમામ પ્રયાસો કરવામાં આવશે. જો આ શક્ય ન હોય, તો રિઝર્વ ડે પર મેચ જ્યાંથી રોકાઈ હતી ત્યાંથી શરૂ થશે.

ભારતીય ટીમે બધી મેચ દુબઈમાં રમી છે. ત્રણેય મેચમાં પિચ ધીમી હતી અને સ્કોર 250 થી વધુ ન થઈ શક્યો.

ટીમ ઈન્ડિયા ચેમ્પિયન્સ ટ્રોફી 2025માં ઓસ્ટ્રેલિયા સામે સેમિફાઇનલ મેચ રમવા જઈ રહી છે. આ મેચ દુબઈ ઇન્ટરનેશનલ ક્રિકેટ સ્ટેડિયમમાં રમાશે. મેચ બપોરે 2:30 વાગ્યે શરૂ થશે અને ટોસ બપોરે 2 વાગ્યે થશે.

ચેમ્પિયન્સ ટ્રોફી 2025ની પહેલી સેમિફાઇનલ ભારત અને ઓસ્ટ્રેલિયા વચ્ચે રમાશે. આ મહત્વપૂર્ણ મેચ દુબઈના દુબઈ ઇન્ટરનેશનલ ક્રિકેટ સ્ટેડિયમમાં રમાશે. ચેમ્પિયન્સ ટ્રોફીના ઇતિહાસમાં આ પહેલી વાર બનશે જ્યારે બંને ટીમો સેમિફાઇનલમાં આમને-સામને હશે.