Breaking News: ભારત-પાકિસ્તાન મેચમાં ‘નો હેન્ડશેક’નો સિલસિલો યથાવત, હરમનપ્રીતે પાકિસ્તાનની કેપ્ટન સાથે હાથ ના મિલાવ્યો

IND W vs PAK W, ICC Womens T20 World Cup 2026: ભારતીય મહિલા ક્રિકેટ ટીમે ICC મહિલા T20 વર્લ્ડ કપ 2026 માં પોતાનો પહેલો મુકાબલો કટ્ટર હરીફ પાકિસ્તાન સામે રમ્યો. બર્મિંગહામના ઐતિહાસિક એજબેસ્ટન ક્રિકેટ ગ્રાઉન્ડ ખાતે મેચની શરૂઆતમાં ફરી એકવાર હાથ ન મિલાવવાનો વિવાદ જોવા મળ્યો. ભારતીય મહિલા ટીમે પાકિસ્તાન સામે હાથ ન મિલાવવાની નીતિ જાળવી રાખી. ટોસ દરમિયાન, ભારતીય કેપ્ટન હરમનપ્રીત કૌરે પાકિસ્તાની કેપ્ટન સાથે હાથ મિલાવવાનો ઈનકાર કર્યો, જેનાથી સ્પષ્ટ થયું કે બંને ટીમો વચ્ચેનો આ તણાવ મેચ પછી પણ ચાલુ રહેશે.

ભારત-પાકિસ્તાન મેચમાં હાથ ન મિલાવવાનો વિવાદ

આ હાઈ-વોલ્ટેજ મેચમાં, ભારતીય કેપ્ટન હરમનપ્રીત કૌરે ટોસ જીતીને પહેલા બેટિંગ કરવાનો નિર્ણય લીધો. ટોસ સમયે હરમનપ્રીત કૌરે કહ્યું કે પિચ બેટિંગ માટે ખૂબ જ અનુકૂળ હતી. કૌરે એમ પણ કહ્યું કે આખી ટીમ આ મેચ માટે ઉત્સાહિત છે અને ગયા વર્લ્ડ કપમાં તેમના મજબૂત પ્રદર્શનથી મળેલા આત્મવિશ્વાસને વધુ મજબૂત બનાવવા માંગે છે. ત્યારબાદ તે પાકિસ્તાની કેપ્ટન ફાતિમા સના સાથે હાથ મિલાવ્યા વિના જતી રહી. સામાન્ય રીતે, ટોસ પછી બંને કેપ્ટન હાથ મિલાવતા હોય છે.

નો હેન્ડશેકનો ટ્રેન્ડ ચાલુ રહ્યો

જોકે, ભારત-પાકિસ્તાન ક્રિકેટ મેચ દરમિયાન હાથ ન મિલાવવાની આ પ્રથા નવી નથી. ગયા વર્ષે મેન્સ એશિયા કપ દરમિયાન તેની શરૂઆત થઈ હતી, જ્યારે સૂર્યકુમાર યાદવની કેપ્ટનશીપ હેઠળની ભારતીય ટીમે પાકિસ્તાની ખેલાડીઓ સાથે હાથ મિલાવવાનો ઈનકાર કર્યો હતો. ત્યારથી, ભારતીય પુરુષ અને મહિલા બંને ક્રિકેટ ટીમો આ નીતિનું કડક પાલન કરે છે. મહિલા વર્લ્ડ કપ પહેલા ભારતીય ખેલાડીઓએ અંડર-19 વર્લ્ડ કપ, રાઈઝિંગ સ્ટાર્સ એશિયા કપ અને મેન્સ T20 વર્લ્ડ કપમાં પાકિસ્તાન સામે આ જ નીતિ અપનાવી હતી, અને હવે તે મહિલા વર્લ્ડ કપમાં પણ ચાલુ રાખવામાં આવી છે.

બંને ટીમોની પ્લેઈંગ ઈલેવન

ભારત

સ્મૃતિ મંધાના, શેફાલી વર્મા, જેમિમાહ રોડ્રિગ્સ, હરમનપ્રીત કૌર (કેપ્ટન), ભારતી ફુલમાલી, રિચા ઘોષ (વિકેટકિપર), દીપ્તિ શર્મા, અરુંધતી રેડ્ડી, શ્રેયંકા પાટિલ, શ્રી ચરાણી, ક્રાંતિ ગૌડ.

પાકિસ્તાન

ગુલ ફિરોઝા, મુનીબા અલી (વિકેટકિપર), આયેશા ઝફર, સાયરા જબીન, આલિયા રિયાઝ, નતાલિયા પરવેઝ, ફાતિમા સના (કેપ્ટન), રમીન શમીમ, નશરા સંધુ, તસ્મિયા રૂબાબ, સાદિયા ઈકબાલ.

Breaking News: ભારતે જીત્યો ટોસ, પાકિસ્તાન પહેલા કરશે બોલિંગ, T20 World Cup 2026માં બંને ટીમનો પહેલો મુકાબલો