Breaking News : હૈદરાબાદની સતત પાંચમી જીત સાથે લગાવી લાંબી છલાંગ, મુંબઈની થઈ ખરાબ હાલત
સનરાઇઝર્સ હૈદરાબાદે મુંબઈ ઇન્ડિયન્સને છ વિકેટથી હરાવ્યું. ટોસ જીતીને પ્રથમ બેટિંગ કરનાર મુંબઈએ બુધવારે 20 ઓવરમાં પાંચ વિકેટે 243 રન બનાવ્યા. જવાબમાં હૈદરાબાદે 18.4 ઓવરમાં ચાર વિકેટે 249 રન બનાવીને મેચ જીતી લીધી.
આઈપીએલ 2026માં પંજાબ કિંગ્સ અને રોયલ ચેલેન્જર્સ બેંગ્લોરની વિસ્ફોટક પ્રદર્શન બાદ સનરાઈઝર્સ હૈદરાબાદે પણ શાનદાર પ્રદર્શન ચાલું રાખ્યું છે. ટોપ-5ની રેસમાં યથાવત છે. સીઝનની શરુઆત હારથી કરનારી સનરાઈઝર્સ હૈદરાબાદ હવે ફોર્મમાં આવી ગઈ છે. ટીમ પોઈન્ટ ટેબલમાં ટોપ 5માં છે. સતત પાંચમી જીતની સાથે હૈદરાબાદે મુંબઈ ઈન્ડિયન્સે ખરાબ રીતે હરાવ્યું છે.
ટીમ ટોપ-4માં ક્વોલિફાય કરશે
2024ની રનરઅપ સનરાઈઝર્સ હૈદરાબાદ ગત સીઝન સારી રહી ન હતી. ટીમ ટોપ-4માં ક્વોલિફાય કરી શકી ન હતી. આ સીઝનની શરુઆત સારી ન હતી પરંતુ ત્યારબાદ ઈશાન કિશન અને કમિન્સની કેપ્ટનશીપમાં આ ટીમે જીતની સફર શરુ કરી છે. વાનખેડે સ્ટેડિયમમાં રમાયેલી મુંબઈ ઈન્ડિયન્સ વિરુદ્ધ તેનું શાનદાર પ્રદર્શન જોવા મળ્યું હતુ. જ્યાં મુંબઈના 244ના ટાર્ગેટને હૈદરાબાદે 8 બોલ પહેલા પૂર્ણ કર્યો હતો.
આઈપીએલ 2026ના પોઈન્ટ ટેબલ
જો આપણે આઈપીએલ 2026ના પોઈન્ટ ટેબલની વાત કરીએ તો.પંજાબ કિંગ્સ પહેલા સ્થાને 13 પોઈન્ટ સાથે, બીજા સ્થાને આરસીબી,ત્રીજા સ્થાને સનરાઈઝર્સ હૈદરાબાદ ,ચોથા સ્થાને રાજસ્થાન રોયલ્સ અને પાંચમાં સ્થાને ગુજરાત ટાઈટન્સની ટીમ છે. છઠ્ઠા સ્થાને ચેન્નાઈ સુપર કિંગ્સ, સાતમાં સ્થાને દિલ્હી કેપિટલ્સ તો આઠમાં સ્થાને કોલકાતા નાઈટ રાઈડર્સ 5 પોઈન્ટ સાથે 9માં સ્થાને મુંબઈ ઈન્ડિયન્સ અને છેલ્લે 10માં સ્થાને 4 પોઈન્ટ સાથે લખનૌ સુપર જાયન્ટસની ટીમ છે.
આઈપીએલ 2026માં સદી
આ જીત સાથે, હૈદરાબાદ આ સિઝનમાં નવમાંથી છ મેચ જીતી ચૂક્યું છે, જ્યારે ત્રણમાં હારનો સામનો કરી ચૂક્યું છે. હૈદરાબાદના હવે નવ મેચમાં કુલ 12 પોઈન્ટ છે, જે રોયલ ચેલેન્જર્સ બેંગ્લોર અને રાજસ્થાન રોયલ્સની બરાબરી કરે છે. ફરક ફક્ત નેટ રન રેટનો છે, જેના કારણે તેઓ રાજસ્થાનથી આગળ નીકળી ગયા છે પરંતુ બેંગ્લોરથી નીચે છે.આઈપીએલમાં સૌથી વધુ રન બનાવવાની રેસમાં અભિષેક શર્મા પહેલા સ્થાને, બીજા સ્થાને ક્લાસેન, ત્રીજા સ્થાને વૈભવ સૂર્યવંશી, ચોથા સ્થાને કે.એલ રાહુલ અને પાંચમાં સ્થાને વિરાટ કોહલી છે.આઈપીએલમાં અત્યારસુધી સંજુ સેમસન, અભિષેક શર્મા, કે.એલ રાહુલ, ડીકોક, રિયાન રિક્લ્ટન, સાંઈ સુદર્શન ,તિલક વર્મા અને વૈભવ સૂર્યવંશીએ અત્યારસુધી સદી ફટકારી છે.
