Breaking News: સચિન તેંડુલકરનો બાળપણનો મિત્ર વિનોદ કાંબલી MI vs SRH મેચ જોવા વાનખેડે પહોંચ્યો, Viral video

IPL 2026 ની 41મી મેચ મુંબઈ ઈન્ડિયન્સ અને સનરાઈઝર્સ હૈદરાબાદ વચ્ચે રમાઈ હતી. આ મેચમાં જોરદાર રનનો વરસાદ થયો, બંને ટીમોએ 200 થી વધુનો આંકડો પાર કર્યો. અંતે ટક્કરના મુકાબલામાં સનરાઈઝર્સ હૈદરાબાદ વિજયી બન્યું. ભૂતપૂર્વ ભારતીય ક્રિકેટર વિનોદ કાંબલી પણ આ મેચ જોવા સ્ટેડિયમમાં હાજર રહ્યો હતો.

MI vs SRH મેચ જોવા કાંબલી સ્ટેડિયમ પહોંચ્યો

વિનોદ કાંબલી સ્ટેડિયમમાં પહોંચ્યાનો એક વીડિયો સોશિયલ મીડિયા પર વાયરલ થઈ રહ્યો છે. વીડિયોમાં વિનોદ કાંબલી બે લોકોની મદદથી સ્ટેડિયમ તરફ જતો જોવા મળે છે. આ દરમિયાન ફેન્સ તેના સ્વાસ્થ્ય વિશે પૂછપરછ કરતા અને તેમની સાથે સેલ્ફી લેવાની વિનંતી કરતા જોવા મળે છે. ચાહકોએ વિનોદ કાંબલીને ઝડપથી સ્વસ્થ થાય તેવી શુભેચ્છાઓ પણ પાઠવી હતી.

Vinod Kambli came to Wankhede Stadium today to watch the Mumbai Indians match. There was a time when he was considered an even better batsman than Sachin Tendulkar, but some bad habits ruined his career. Seeing him like this today doesn’t feel good, but it was nice to see that he… pic.twitter.com/AJOMh1FTX3

— ⁴⁵ (@rushiii_12) April 29, 2026

છેલ્લા બે વર્ષમાં કાંબલીની તબિયત બગડી

તાજેતરમાં જ સમાચાર આવ્યા હતા કે વિનોદ કાંબલીને બ્રેઈન સ્ટ્રોકનો ખતરો છે. કાંબલીની તબિયત બે વર્ષથી વધુ સમયથી બગડી રહી છે. સચિન તેંડુલકરના બાળપણના મિત્ર વિનોદ કાંબલીને ડિસેમ્બર 2024માં પેશાબના ચેપને કારણે હોસ્પિટલમાં દાખલ કરવામાં આવ્યો હતો. સ્વાસ્થ્ય સમસ્યાઓ ઉપરાંત વિનોદ કાંબલી આર્થિક મુશ્કેલીઓનો પણ સામનો કરી રહ્યો છે.

પહેલીવાર સ્ટેડિયમમાં IPL 2026ની મેચ જોઈ

વિનોદ કાંબલીએ પહેલીવાર સ્ટેડિયમમાં IPL 2026ની મેચ જોઈ હતી. તેણે જે મેચ જોઈ હતી તેમાં સનરાઈઝર્સ હૈદરાબાદે મુંબઈ ઈન્ડિયન્સને 6 વિકેટે હરાવ્યું હતું. પહેલા બેટિંગ કરતા મુંબઈ ઈન્ડિયન્સે રાયન રિકલ્ટનની સદીની મદદથી 20 ઓવરમાં 5 વિકેટે 243 રન બનાવ્યા હતા. જવાબમાં સનરાઈઝર્સ હૈદરાબાદે એક ઓવર બાકી રહેતા 244 રનનો લક્ષ્યાંક હાંસલ કર્યો હતો.

Breaking News: રાજસ્થાન રોયલ્સ કેપ્ટનને BCCI એ ફટકાર્યો દંડ, ચાલુ મેચમાં ઈ-સિગારેટ પીવાની મળી મોટી સજા