Breaking News: 1 ફોટોના 100 રૂપિયા… વૈભવ સૂર્યવંશીએ ફેન્સને કરી આ માંગ, વીડિયો વાયરલ

રાજસ્થાન રોયલ્સનો યુવા ઓપનિંગ બેટ્સમેન વૈભવ સૂર્યવંશી IPL 2026 માં ખૂબ ચર્ચામાં છે. તે તાજેતરમાં જ એક ધમાકેદાર સદી ફટકારીને હેડલાઈન્સમાં આવ્યો છે. આ દરમિયાન વૈભવ સૂર્યવંશીનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તે બે યુવા ચાહકો પાસે તેની સાથે ફોટો પાડવા માટે વૈભવ ₹100 માંગતો જોવા મળે છે.

વૈભવે એક ફોટોના 100 રૂપિયા માંગ્યા

રાજસ્થાન રોયલ્સે વૈભવ સૂર્યવંશીનો આ વીડિયો સોશિયલ મીડિયા પર શેર કર્યો છે, જેમાં તે ચાહકો સાથે એક મજેદાર મજાક કરતો જોવા મળી રહ્યો છે, જે હવે સોશિયલ મીડિયા પર વાયરલ થઈ રહ્યો છે. હકીકતમાં, બે યુવા ચાહકો એક એરપોર્ટ પર વૈભવ પાસે ફોટો પડાવવા માટે આવ્યા હતા. વૈભવે મજાકમાં કહ્યું, “ભાઈ, હું પૈસા લઉં છું. હું તમને સાચું કહું છું, હું એક ફોટો માટે 100 રૂપિયા વસૂલ કરીશ.” આ સાંભળીને ચાહકો થોડા આશ્ચર્યચકિત થયા અને ઝડપથી 200 રૂપિયા લઈને પાછા ફર્યા.

રાજસ્થાન રોયલ્સે વીડિયો શેર કર્યો

ચાહકોએ તેને પૈસા આપતાની સાથે જ વૈભવ હસ્યો અને કહ્યું કે આ તો માત્ર મજાક હતી. ત્યારબાદ તેણે ખુશીથી બંને બાળકો સાથે ફોટો પડાવ્યો. રાજસ્થાન રોયલ્સે તેમના સોશિયલ મીડિયા એકાઉન્ટ પર આ વીડિયો શેર કર્યો અને કેપ્શન આપ્યું, “બચ્ચા પાર્ટી હંમેશા એક ડગલું આગળ રહે છે.”

IPL 2026માં વૈભવ સૂર્યવંશીનું પ્રદર્શન

વૈભવ સૂર્યવંશી IPL 2026 માં શાનદાર ફોર્મમાં છે. તેણે અત્યાર સુધીમાં આઠ મેચમાં 357 રન બનાવ્યા છે, જેની સરેરાશ 44.63 છે અને તેનો સ્ટ્રાઇક રેટ 234.87 છે. આ સમયગાળા દરમિયાન તેણે 31 ચોગ્ગા અને 32 છગ્ગા ફટકાર્યા છે. તાજેતરમાં, સનરાઇઝર્સ હૈદરાબાદ સામેની મેચમાં, વૈભવે માત્ર 36 બોલમાં તેની બીજી IPL સદી ફટકારી, જે IPL ઇતિહાસમાં ત્રીજી સૌથી ઝડપી સદી પણ છે. તે આગામી 28 એપ્રિલે પંજાબ કિંગ્સ સામેની મેચમાં રમતો જોવા મળશે.

Breaking News: વૈભવ સૂર્યવંશીના મિત્રએ તેની સાચી ઉંમર કરી જાહેર, જન્મ ક્યારે થયો તે જણાવ્યું, જુઓ વીડિયો