Breaking News : MS ધોનીની IPL 2026માં વાપસીની તારીખ નક્કી ! જાણો કઈ ટીમ સામે રમશે પહેલી મેચ
ચેન્નાઈ સુપર કિંગ્સના ફેન્સ માટે સારા સમાચાર સામે આવ્યા છે. ટીમનો આઈકોન અને ભૂતપૂર્વ કેપ્ટન મહેન્દ્ર સિંહ ધોની ટૂંક સમયમાં મેદાનમાં પાછો ફરશે. જોકે ધોની કઈ મેચમાં કમબેક કરશે, તે હજુ સ્પષ્ટ નથી. પણ શું તે દિલ્હી સામે અગામી મેચમાં રમશે? આ મોટો પ્રશ્ન છે.
IPL 2026 ની શરૂઆતથી જ ચેન્નાઈ સુપર કિંગ્સ (CSK) સંઘર્ષ કરી રહી છે. ટીમના આઈકોન અને ભૂતપૂર્વ કેપ્ટન મહેન્દ્ર સિંહ ધોની પગની પીઠની ઈજાથી પરેશાન છે, જેના કારણે તે મેદાનમાં ઉતરી શક્યો નથી. ટુર્નામેન્ટ શરૂ થાય તે પહેલા ફ્રેન્ચાઈઝીએ જાહેરાત કરી હતી કે ધોની રિહેબિલિટેશનમાંથી પસાર થઈ રહ્યો છે અને પહેલા બે અઠવાડિયા માટે ઉપલબ્ધ રહેશે નહીં. હવે, તેની ફિટનેસ અંગે એક નવું અપડેટ સામે આવ્યું છે.
એમએસ ધોની ક્યારે કરશે કમબેક?
મીડિયા રિપોર્ટ્સ અનુસાર, ધોની 11 એપ્રિલ, 2026 ના રોજ એમએ ચિદમ્બરમ સ્ટેડિયમ (ચેપૌક) ખાતે દિલ્હી કેપિટલ્સ સામેની ઘરેલુ મેચમાં પણ નહીં રમે. તે 14 એપ્રિલના રોજ કોલકાતા નાઈટ રાઈડર્સ (KKR) સામેની મેચમાં મેદાનમાં પાછો ફરશે. ધોની મેચ માટે ફિટ હશે અને 14 એપ્રિલના રોજ રમાનારી રમત માટે ટીમમાં જોડાશે. જોકે, ચેન્નાઈ સુપર કિંગ્સ (CSK) એ હજુ સુધી ધોનીની વાપસી અંગે કોઈ નિવેદન જાહેર કર્યું નથી.
FITNESS UPDATE OF MS DHONI (RevSportz)
– MS Dhoni is close to full recovery
– He underwent a fitness test few days ago
– He will undergo another one in a day or two
– If things go to plan, MS will be available ahead of KKR game on April 14 pic.twitter.com/qpTE7OPyAb— ` (@Rutufied) April 10, 2026
ધોની ઈજા અને ફિટનેસની સમસ્યાથી પરેશાન
બીજી તરફ, ધોનીની ગેરહાજરી CSK માટે મોટું નુકસાન સાબિત થઈ રહી છે, કારણ કે ટીમ સતત ત્રણ મેચ હારી ગઈ છે અને સિઝનની તેની પહેલી જીતની રાહ જોઈ રહી છે. પોતાની ઈજાને કારણે, ધોની ચેન્નાઈમાં રહીને પોતાની રિકવરી પર ધ્યાન કેન્દ્રિત કરી રહ્યો છે અને ટીમના સપોર્ટ સ્ટાફની દેખરેખ હેઠળ રિહેબિલિટેશનમાંથી પસાર થઈ રહ્યો છે. તેણે થોડા દિવસો પહેલા નેટમાં બેટિંગ સેશન પણ કર્યું હતું, પરંતુ હજુ પણ તે મેચ ફિટનેસથી ઘણો દૂર છે.
ડેવાલ્ડ બ્રેવિસના 11 એપ્રિલે કરશે વાપસી
વધુમાં, દક્ષિણ આફ્રિકાના યુવા બેટ્સમેન ડેવાલ્ડ બ્રેવિસની ઈજા સાથે CSK ને વધુ એક આંચકો લાગ્યો. સાઈડ સ્ટ્રેનના કારણે બ્રેવિસ પ્રથમ ત્રણ મેચમાંથી બહાર રહ્યો. જોકે, તેની રિકવરી સારી રીતે થઈ રહી છે અને તે આગામી મેચ માટે ઉપલબ્ધ થઈ શકે છે. બ્રેવિસે તાજેતરમાં પોસ્ટ કરી જણાવ્યું હતું કે તે 11 એપ્રિલે મેદાન પર પાછો ફરશે.
