Breaking News: અભિષેક શર્માએ વરુણ ચક્રવર્તીની લગાવી ક્લાસ, એક જ ઓવરમાં ફટકાર્યા આટલા બધા રન

અભિષેક શર્માનું ફોર્મ છેલ્લા કેટલાક સમયથી ખરાબ હતું, પરંતુ IPL 2026 ની છઠ્ઠી મેચમાં તેણે પોતાનું ફોર્મ બતાવ્યું. શર્માએ ઈડન ગાર્ડન્સ ખાતે માત્ર 21 બોલમાં 48 રન બનાવીને પોતાનું કૌશલ્ય બતાવ્યું. ધમાકેદાર ઇનિંગ સાથે અભિષેક શર્માએ કોલકાતા નાઈટ રાઈડર્સના શ્રેષ્ઠ બોલર વરુણ ચક્રવર્તીને ધોઈ નાખ્યો. તેણે એક જ ઓવરમાં 25 રન બનાવ્યા.

અભિષેક શર્મા vs વરુણ ચક્રવર્તી

પાંચમી ઓવરમાં KKRએ વરુણ ચક્રવર્તીને મેદાનમાં ઉતાર્યો, જેને સનરાઇઝર્સ હૈદરાબાદની ઓપનિંગ ભાગીદારી તોડવાની જવાબદારી સોંપવામાં આવી હતી, પરંતુ થયું આનાથી ઉલટું. અભિષેક શર્માએ પહેલા બોલે લોંગ-ઓન બાઉન્ડ્રી પર છગ્ગો ફટકાર્યો. બીજા બોલ પર કોઈ રન ના આવ્યો.  ત્યારબાદ તેણે ત્રીજા બોલે છગ્ગો ફટકાર્યો, ચોથા બોલે ચોગ્ગો ફટકાર્યો. તેણે પાંચમા અને છઠ્ઠા બોલે સતત બે ચોગ્ગા ફટકાર્યા. આમ, તેણે વરુણ ચક્રવર્તીની ઓવરમાં 25 રન બનાવ્યા. જોકે, તે અડધી સદી ચૂકી ગયો, મુઝારાબાનીની ઓવરમાં મોટો છગ્ગો મારવાનો પ્રયાસ કરતી વખતે આઉટ થઈ ગયો.

વરુણ ચક્રવર્તીના દિવસ ખરાબ ચાલી રહ્યા છે

T20 વર્લ્ડ કપ પછી વરુણ ચક્રવર્તીનું ફોર્મ ખરાબ રહ્યું છે. તે લગભગ દરેક મેચમાં રન આપી રહ્યો છે. ઈંગ્લેન્ડ સામેની T20 વર્લ્ડ કપ સેમિફાઇનલમાં વરુણે ચાર ઓવરમાં 64 રન આપ્યા હતા. ન્યુઝીલેન્ડ સામેની ફાઈનલમાં તેણે ત્રણ ઓવરમાં 39 રન આપ્યા હતા. IPL 2026માં વરુણે મુંબઈ સામે ચાર ઓવરમાં 48 રન આપ્યા હતા.

ટ્રેવિસ હેડ સાથે અભિષેકની મજબૂત ભાગીદારી

ટ્રેવિસ હેડ અને અભિષેક શર્માએ એક શાનદાર ભાગીદારી બનાવી. તેમણે પાવરપ્લેમાં સનરાઇઝર્સ હૈદરાબાદને 84 રન સુધી પહોંચાડ્યું, જે IPL 2026 માં કોઈપણ ટીમ દ્વારા બનાવેલ સૌથી વધુ સ્કોર છે. આ સનરાઇઝર્સ હૈદરાબાદનો પ્રથમ બેટિંગ કરતી વખતે ત્રીજો સૌથી વધુ પાવરપ્લે સ્કોર પણ છે. જોકે, અભિષેક શર્માની જેમ, ટ્રેવિસ હેડ પણ અડધી સદી સુધી પહોંચવામાં નિષ્ફળ ગયો, તે 21 બોલમાં 46 રન બનવી આઉટ થયો હતો.

Breaking News: 2011નો વર્લ્ડ કપ જીતનાર ટીમ ઈન્ડિયાના 15 ખેલાડીઓ 15 વર્ષ બાદ આજે ક્યાં છે?