Breaking News: રાજસ્થાન રોયલ્સ મેચ રમ્યા વિના જ IPL 2026 માંથી બહાર ફેંકાઈ જશે ! જાણો શું છે એલિમિનેટરનો નિયમ
IPL 2026 Eliminator SRH vs RR: IPL 2026 એલિમિનેટર મેચ સનરાઈઝર્સ હૈદરાબાદ (SRH) અને રાજસ્થાન રોયલ્સ (RR) વચ્ચે રમાશે. હારનારી ટીમ બહાર થઈ જશે. જયારે જીતનારી ટીમ ક્વોલિફાયર 2 માં પહોંચશે. પણ જો એલિમિનેટર મેચ રદ થશે તો રાજસ્થાન બહાર ફેંકાઈ જશે. એલિમિનેટર મેચ રદ થવા અંગે શું IPL નો નિયમ. ચાલો જાણીએ.
IPL 2026 હવે તેના રોમાંચક તબક્કામાં પહોંચી ગયું છે. સનરાઈઝર્સ હૈદરાબાદ (SRH) અને રાજસ્થાન રોયલ્સ (RR) વચ્ચે એલિમિનેટર મેચ 27 મેના રોજ મુલ્લાનપુરના મહારાજા યાદવિન્દ્ર સિંહ ઈન્ટરનેશનલ સ્ટેડિયમમાં રમાશે. સાંજે 7:30 વાગ્યે શરૂ થનારી આ મેચ બંને ટીમો માટે કરો યા મરો મેચ છે. વિજેતા ટીમ ફાઈનલમાં પહોંચવાના પોતાના સ્વપ્નને જીવંત રાખવા માટે સીધી ક્વોલિફાયર 2 માં આગળ વધશે, જ્યારે હારનારી ટીમની IPL 2026 માં સફર ત્યાં જ સમાપ્ત થશે.
એલિમિનેટર મેચ માટે IPLનો નિયમ
ક્રિકેટ ચાહકો આ મહત્વપૂર્ણ મેચમાં જોરદાર ટક્કરની અપેક્ષા રાખી રહ્યા છે. જોકે, વરસાદ અને ખરાબ હવામાન ઘણીવાર મજા બગાડી શકે છે. સૌથી મોટો પ્રશ્ન એ છે કે: જો આ એલિમિનેટર મેચ ભારે વરસાદ અથવા અન્ય કોઈ કારણોસર રદ કરવામાં આવે તો શું થશે? આ પ્રશ્નનો જવાબ સત્તાવાર IPL નિયમોમાં સ્પષ્ટપણે લખાયેલો છે, જેના કારણે એક ટીમ મેચ રમ્યા વિના જ બહાર ફેંકાઈ જશે.
એલિમિનેટર મેચ માટે રિઝર્વ ડે નથી
જો એલિમિનેટર મેચ સંપૂર્ણપણે ધોવાઈ જાય અને એક પણ બોલ ફેંકવામાં ન આવે, તો કોઈ રિઝર્વ ડે રાખવામાં આવ્યો નથી. આવા કિસ્સામાં, મેચ રદ ગણવામાં આવશે. IPL રમવાની પરિસ્થિતિઓ અનુસાર, લીગ સ્ટેજ પોઈન્ટ ટેબલમાં સારી સ્થિતિ ધરાવતી ટીમને ફાયદો થશે.
મેચ રદ થાય તો રાજસ્થાન બહાર
સનરાઈઝર્સ હૈદરાબાદ લીગ સ્ટેજમાં ત્રીજા સ્થાને રહીને પ્લેઓફ માટે ક્વોલિફાય થયું, જ્યારે રાજસ્થાન રોયલ્સ ચોથા સ્થાને રહ્યું. તેથી, જો મેચ રદ થાય છે, તો સનરાઈઝર્સ હૈદરાબાદ સીધા ક્વોલિફાયર 2 માં આગળ વધશે, અને રાજસ્થાન રોયલ્સ ટુર્નામેન્ટમાંથી બહાર થઈ જશે.
ઓછામાં ઓછી કેટલી ઓવર રમવી જરૂરી?
એલિમિનેટર મેચમાં પરિણામ નક્કી કરવા માટે ઓછામાં ઓછી 5 ઓવર રમવી આવશ્યક છે. મોટી મેચોમાં અમ્પાયરોનું પ્રાથમિક લક્ષ્ય મેચનું પરિણામ નક્કી કરવાનું હોય છે. જો બંને ટીમો ઓછામાં ઓછી 5 ઓવર રમે છે, તો અમ્પાયરો વિજેતા નક્કી કરવા માટે ડકવર્થ-લુઈસ પદ્ધતિનો ઉપયોગ કરશે. જો કે, જો કોઈપણ ટીમ 5 ઓવરથી ઓછી ઓવર રમે છે, તો મેચ રદ ગણવામાં આવશે.
કઈ ટીમનો હાથ ઉપર છે?
IPLમાં સનરાઈઝર્સ હૈદરાબાદ અને રાજસ્થાન રોયલ્સ 23 વખત એકબીજા સામે ટકરાયા છે. જેમાં SRH એ 14 મેચ જીતી છે, જ્યારે RR ફક્ત 9 મેચ જીતી શક્યું છે. આ સિઝનમાં બંને ટીમો વચ્ચે આ ત્રીજો મુલાબલો હશે અને સનરાઈઝર્સ હૈદરાબાદ અગાઉની બંને મેચ જીતી ચૂક્યું છે. તેથી, આ મેચમાં સનરાઈઝર્સ હૈદરાબાદનો હાથ ઉપર રહેશે. જોકે, રાજસ્થાન રોયલ્સ હળવાશથી ન લઈ શકાય.
