Breaking News: IPL 2026 ફાઈનલમાં RCBએ ટોસ જીતી બોલિંગ પસંદ કરી, ગુજરાત પહેલા કરશે બેટિંગ, જાણો બંને ટીમની પ્લેઈંગ 11

IPL 2026 માં આજે સિઝનના ફાઈનલ મુકાબલામાં રોયલ ચેલેન્જર્સ બેંગલુરુ અને ગુજરાત ટાઈટન્સ વચ્ચે મુકાબલો યોજાઈ રહ્યો છે. મેચ પહેલા બંને ટીમના કેપ્ટનો વચ્ચે ટોસ થયો હતો, જેમાં RCBએ ટોસ જીતી બોલિંગ પસંદ કરી, એટલે કે GT આજની મેચમાં પહેલા બેટિંગ કરશે. GT અને RCB બંને ટીમ ફાઈનલ જીતી બીજીવાર ટ્રોફી જીતવા પ્રયાસ કરશે.

રજત પાટીદારે ટોસ જીતી બોલિંગ પસંદ કરી

રોયલ ચેલેન્જર્સ બેંગલુરુના કેપ્ટન રજત પાટીદારે ટોસ જીતીને પહેલા બોલિંગ કરવાનો નિર્ણય લીધો. રજત પાટીદારે કહ્યું કે અમે પહેલા બોલિંગ કરીશું. વિકેટ સારી લાગી રહી છે. બહુ બદલાશે એવું નથી લાગતું. ગયા વર્ષની ઘણી યાદો છે. આ મેચ જીતવા માટે અમે શ્રેષ્ઠ પ્રયાસો કરીશું. વર્તમાનમાં રહેવું મહત્વપૂર્ણ છે. આ સ્ટેડિયમમાં રમવાનું હંમેશા ગમે છે. અમે આજની મેચમાં ટીમમાં કોઈ ફેરફાર નથી કર્યો.

શુભમન ગિલે શું કહ્યું?

ટોસ હાર્યા બાદ ગુજરાત ટાઈટન્સના કેપ્ટન શુભમન ગિલે કહ્યું કે અમે પહેલા બેટિંગ કરવાનું જ વિચારી રહ્યા હતા. અહીં અમે સિઝનની ત્રીજી ત્રીજી મેચ રમી રહ્યા છીએ. વિશ્વના સૌથી મોટા સ્ટેડિયમમાં ફાઈનલ રમવાનો ઉત્સાહ છે. અમે આજની ફાઈનલમાં ટીમમાં એક ફેરફાર કર્યો છે. સાઈ કિશોરની જગ્યાએ અરશદ ખાન આજની મેચમાં રમશે.

ગુજરાત ટાઈટન્સ પ્લેઈંગ ઈલેવન

સાઈ સુદર્શન, શુભમન ગિલ (કેપ્ટન), જોસ બટલર (વિકેટકિપર), વોશિંગ્ટન સુંદર, રાહુલ તેવટિયા, નિશાંત સિંધુ, જેસન હોલ્ડર, રાશિદ ખાન, કાગીસો રબાડા, અરશદ ખાન, મોહમ્મદ સિરાજ.

ઈમ્પેક્ટ સબ્સ: પ્રસિદ્ધ કૃષ્ણા, ગ્લેન ફિલિપ્સ, અનુજ રાવત, કુમાર કુશાગ્ર, સાઈ કિશોર.

રોયલ ચેલેન્જર્સ બેંગલુરુ પ્લેઈંગ ઈલેવન

વિરાટ કોહલી, દેવદત્ત પડિકલ, રજત પાટીદાર (કેપ્ટન), જીતેશ શર્મા (વિકેટકિપર), ટિમ ડેવિડ, કૃણાલ પંડ્યા, રોમારીયો શેફર્ડ, ભુવનેશ્વર કુમાર, જેકબ ડફી, જોશ હેઝલવુડ, રસિક સલામ દાર.

ઈમ્પેક્ટ સબ્સ: વેંકટેશ અય્યર, કનિષ્ક ચોહાણ, સ્વપ્નિલ સિંહ, અભિનંદન સિંઘ, જોર્ડન કોક્સ.

Breaking News: “यत्र प्रतिभा अवसरा प्राप्नोतिहि”… IPL ટ્રોફી પર લખેલા આ સંસ્કૃત શ્લોકનો અર્થ શું છે?