Breaking News: મેચના અંતિમ બોલ પહેલા મિલરની એક ભૂલ દિલ્હી માટે કિલર સાબિત થઈ, ગુજરાતે માત્ર 1 રનથી જીતી મેચ

IPL 2026 ની 14મી મેચમાં, ગુજરાત ટાઇટન્સે અરુણ જેટલી સ્ટેડિયમ ખાતે દિલ્હી કેપિટલ્સને ફક્ત 1 રનથી હરાવ્યું. પહેલા બેટિંગ કરતા, ગુજરાત ટાઇટન્સને 20 ઓવરમાં 4 વિકેટે 210 રન બનાવ્યા. 211 રનનો લક્ષ્યાંક સામે દિલ્હી કેપિટલ્સ 20 ઓવરમાં 8 વિકેટે 209 રન જ બનાવી શક્યું. મેચ છેલ્લા બોલ સુધી ચાલી, જ્યાં ડેવિડ મિલરની એક ભૂલ મોંઘી સાબિત થઈ.

ગુજરાતની વિસ્ફોટક બેટિંગ

ટોસ હાર્યા બાદ પ્રથમ બેટિંગ કરતા ગુજરાતે આક્રમક શરૂઆત કરી. કેપ્ટન શુભમન ગિલે 70 રન બનાવ્યા. જોસ બટલરે પણ 27 બોલમાં 52 રનની ઝડપી ઇનિંગ રમી. ચોથા નંબરે બેટિંગ કરતા વોશિંગ્ટન સુંદરે પણ 30 બોલમાં 55 રનનું યોગદાન આપ્યું. આ ઇનિંગ્સને કારણે ગુજરાત 210 રન સુધી પહોંચવામાં સફળ રહ્યું. દિલ્હી તરફથી મુકેશ કુમારે બે વિકેટ લીધી, જ્યારે લુંગી એન્ગીડી અને કુલદીપ યાદવે એક-એક વિકેટ લીધી.

છેલ્લા 2 બોલ પર મેચ પલટાઈ ગઈ

211 રનના જવાબમાં, દિલ્હી કેપિટલ્સના કેએલ રાહુલે 52 બોલમાં 11 ચોગ્ગા અને 4 છગ્ગા સાથે 92 રનની શાનદાર ઇનિંગ રમી. પથુમ નિસાન્કાએ પણ 24 બોલમાં 41 રન બનાવ્યા. આ ઇનિંગ દરમિયાન ડેવિડ મિલર ઇજાને કારણે નિવૃત્ત થયો, પરંતુ તે પાછો ફર્યો અને મેચને ખૂબ નજીક લાવી દીધી. તેણે 20 બોલમાં 41 રનની વિસ્ફોટક ઇનિંગ રમી. જોકે, દિલ્હી જીતથી માત્ર1 રન દૂર રહી ગયું.

પાંચમા બોલ પર એક રન ના લીધો

દિલ્હીને છેલ્લા બે બોલમાં બે રનની જરૂર હતી. પરંતુ ડેવિડ મિલરે 20મી ઓવરના પાંચમા બોલ પર એક રન લેવાનો ઇનકાર કર્યો, જે ટીમ માટે મોંઘો સાબિત થયો. તે સારા ફોર્મમાં હતો, તેથી તેણે સ્ટ્રાઈક રાખી અને છેલ્લા બોલ પર બે રન બનાવવાનો પ્રયાસ કર્યો, પરંતુ મેચનો છેલ્લો બોલ ડોટ ગયો, જેના કારણે ગુજરાત એક રનથી મેચ જીતી ગયું. આ સિઝનમાં ગુજરાતની પહેલી જીત હતી, જ્યારે દિલ્હીનો પહેલો પરાજય હતો.

Breaking News: 4 ટીમ અને 69 મેચ બાદ IPLમાં પહેલી ફિફ્ટી, આ ખેલાડીની 9 વર્ષ લાંબી રાહનો આવ્યો અંત