Breaking News: વૈભવ સૂર્યવંશી બહાર, સંજુ સેમસન કરશે ઓપનિંગ, ટોસ જીતી ભારતની બોલિંગ

ભારત અને ઈંગ્લેન્ડ વચ્ચે પાંચ મેચની T20 શ્રેણીની અંતિમ મેચમાં ભારતે ટોસ જીતી પહેલા બોલિંગ કરવાનો નિર્ણય લીધો હતો. વૈભવ સૂર્યવંશીને પ્લેઈંગ ઈલેવનમાંથી બહાર કરવામાં આવ્યો છે, જ્યારે સંજુ સેમસનનું ટીમમાં કમબેક થયું છે. ઈંગ્લેન્ડ સામે T20 શ્રેણી હારી ગયેલી ટીમ ઈન્ડિયાએ સાઉથમ્પ્ટનમાં પોતાની પ્રતિષ્ઠા બચાવવા છેલ્લી T20 મેચમાં બે ફેરફાર કર્યા હતા.

IND vs ENG

Smit Chauhan | Updated on: Jul 11, 2026 | 7:50 PM

ઈંગ્લેન્ડ સામે T20 શ્રેણી હારી ગયેલી ટીમ ઈન્ડિયાએ છેલ્લી T20 મેચમાં આશ્ચર્યજનક નિર્ણય લીધો હતો. સાઉથમ્પ્ટનમાં પોતાની પ્રતિષ્ઠા બચાવવા માટે ટીમ ઈન્ડિયાએ પ્લેઈંગ ઈલેવનમાં બે ફેરફાર કર્યા હતા, જેમાંથી સૌથી મહત્વપૂર્ણ ઓપનિંગ પોઝિશનનો હતો. ટીમ ઈંન્ડિયાએ ફરી એકવાર સંજુ સેમસનને તક આપી પરંતુ યુવા ઓપનર વૈભવ સૂર્યવંશીને પ્લેઈંગ ઈલેવનમાંથી બહાર કરી દીધો હતો. વૈભવ ઉપરાંત, ઓલરાઉન્ડર સૂર્યાંશ શેડગે પણ ટીમમાં પાછો ફર્યો હતો.

ટીમ ઈન્ડિયામાં બે ફેરફાર

પાંચ મેચની T20 શ્રેણી પહેલાથી જ હારી ગયા પછી ટીમ ઈન્ડિયા પાસે પોતાનું સન્માન અને T20 રેન્કિંગમાં નંબર વન સ્થાન જાળવી રાખવા માટે અંતિમ મેચ જીતવાનો પડકાર છે. આ આશાને ધ્યાનમાં રાખીને ટીમ ઈન્ડિયાએ પ્લેઈંગ ઈલેવનમાં બે ફેરફાર કર્યા હતા.

Toss #TeamIndia have won the toss and elected to bowl first in Southampton.

Updates ▶️ https://t.co/7mo5osv0MW #ENGvIND pic.twitter.com/qAQj6cvYSA

— BCCI (@BCCI) July 11, 2026

વૈભવ સૂર્યવંશી પ્લેઈંગ ઈલેવનમાંથી બહાર

પરંતુ વૈભવ સૂર્યવંશીની બાદબાકી ફેન્સ માટે ચોંકાવનારી રહી હતી. 15 વર્ષીય વૈભ સૂર્યવંશીએ શ્રેણીની બીજી મેચમાં આંતરરાષ્ટ્રીય ક્રિકેટમાં પ્રવેશ કર્યો હતો અને તેને આખી શ્રેણી રમવાની અપેક્ષા હતી, પરંતુ ત્રણ મેચમાં ખરાબ પ્રદર્શન બાદ તેને બહાર કરી દેવામાં આવ્યો હતો.

Is dropping Vaibhav Sooryavanshi after three games the right call? pic.twitter.com/GUdkcUFYxZ

— Cricbuzz (@cricbuzz) July 11, 2026

સુંદરને ડ્રોપ કરવામાં આવ્યો

સંજુને પ્લેઈંગ ઈલેવનમાં પાછો લાવવાની માંગ કરવામાં આવી હતી, પરંતુ ઈશાન કિશન અથવા તિલક વર્માને ડ્રોપ કરવાને વધુ સારો વિકલ્પ માનવામાં આવ્યો હતો. આ શ્રેણીમાં બંને બેટ્સમેન પણ ખરાબ રીતે નિષ્ફળ રહ્યા છે, છતાં બંને ટીમમાં સામેલ છે. જ્યારે પાછલી મેચમાં બોલિંગમાં નિષ્ફળ રહેલા વોશિંગ્ટન સુંદરને પણ ડ્રોપ કરવામાં આવ્યો હતો, અને તેના સ્થાને સૂર્યાંશ શેડગેને પાછો બોલાવવામાં આવ્યો હતો.

ટીમ ઈન્ડિયાની પ્લેઈંગ ઈલેવન

શ્રેયસ અય્યર (કેપ્ટન), અભિષેક શર્મા, સંજુ સેમસન, ઈશાન કિશન (વિકેટકીપર), તિલક વર્મા (વાઈસ-કેપ્ટન), શિવમ દુબે, સૂર્યાંશ શેડગે, અક્ષર પટેલ, અર્શદીપ સિંહ, પ્રિન્સ યાદવ, પ્રસિદ્ધ કૃષ્ણા.

Presenting #TeamIndia‘s Playing XI for the 5️⃣th and final T20I

Updates ▶️ https://t.co/7mo5osv0MW #ENGvIND pic.twitter.com/uSVKJB5raY

— BCCI (@BCCI) July 11, 2026