Asia Cup 2025 : એશિયા કપમાં કેવી હશે ભારતની બેટિંગ લાઈન-અપ ? ટોપ ઓર્ડરમાં આ ખેલાડીઓનું સ્થાન નિશ્ચિત

એશિયા કપ 9 સપ્ટેમ્બરથી શરૂ થવા જઈ રહ્યો છે. આ 21 દિવસ લાંબી ટુર્નામેન્ટ માટે ભારતીય ટીમની હજુ સુધી જાહેરાત કરવામાં આવી નથી. પરંતુ, એવું માનવામાં આવે છે કે 19 કે 20 ઓગસ્ટના રોજ, અજિત અગરકરની આગેવાની હેઠળની પસંદગી સમિતિ આ મામલે અંતિમ નિર્ણય લેશે. હવે જ્યારે ટીમની જાહેરાત કરવામાં આવશે, ત્યારે કયા ખેલાડીઓને તેમાં સ્થાન મળશે? ભારતનો બેટિંગ ક્રમ કેવો હશે? ટોપ ઓર્ડરમાં કોણ હશે? આ બધા પ્રશ્નો છે જેના જવાબો પર નજર રહેશે.

આ ખેલાડીઓ ટોપ ઓર્ડરમાં રમી શકે

સૂત્રોના જણાવ્યા અનુસાર, પસંદગીકારો બહુ ફેરફાર કરવાના મૂડમાં નહીં હોય. કારણ કે ટોચના 5 ખેલાડીમાં સમાવિષ્ટ અભિષેક શર્મા, સંજુ સેમસન, સૂર્યકુમાર યાદવ, તિલક વર્મા અને હાર્દિક પંડ્યા પહેલાથી જ ખૂબ જ મજબૂત ખેલાડીઓ છે. અભિષેક શર્મા હાલમાં ICC રેન્કિંગમાં વિશ્વનો નંબર વન T20 બેટ્સમેન છે. સંજુ સેમસને બેટિંગ અને કીપિંગમાં શાનદાર પ્રદર્શન કર્યું હતું.

ગિલને અવગણી શકાય નહીં

ટીમમાં શુભમન ગિલનો સમાવેશ કરવા પર પણ વિચારણા ચાલી રહી છે. IPL અને તાજેતરની સીરિઝમાં ગિલના ફોર્મને ધ્યાનમાં રાખીને તેને અવગણી શકાય નહીં. પસંદગીકારો સામે સૌથી મોટો માથાનો દુખાવો એ છે કે ભારતના ટોચના ક્રમમાં ઘણા સારા ખેલાડીઓ છે. તેમની હાજરીમાં યશસ્વી જયસ્વાલ અને સાઈ સુદર્શન માટે સ્થાન બનાવવું ખૂબ મુશ્કેલ બનશે.

હાર્દિકનો બેકઅપ બની શકે છે શિવમ

હાર્દિક પંડ્યા ટીમમાં પેસ ઓલરાઉન્ડર તરીક પહેલી પસંદ હશે. શિવમ દુબેને તેના બેકઅપ તરીકે એશિયા કપ ટીમમાં સામેલ કરી શકાય છે. ઓલરાઉન્ડર શિવમ દુબેએ ઈંગ્લેન્ડ સામેની છેલ્લી શ્રેણીમાં સારી વાપસી કરી હતી. જો સૂર્યકુમાર યાદવ ફિટ રહે છે, તો તે એશિયા કપમાં કેપ્ટન રહેશે તે નિશ્ચિત છે.

વાઈસ-કેપ્ટનના મુદ્દા પર સસ્પેન્સ

પરંતુ, અક્ષર પટેલ અને શુભમન ગિલ વચ્ચે વાઈસ-કેપ્ટનના મુદ્દા પર સસ્પેન્સ છે. જો શુભમન ગિલને એશિયા કપ ટીમમાં પસંદ કરવામાં આવે છે, તો તેને વાઈસ-કેપ્ટન મળતું જોવા મળી શકે છે. બાય ધ વે, ઈંગ્લેન્ડ સામે ઘરઆંગણે રમાયેલી છેલ્લી T20 શ્રેણીમાં, આ જવાબદારી અક્ષર પટેલે નિભાવી હતી.

આ પણ વાંચો: ICC rule book EP 16 : મેચ જીતે કોણ, હારે કોણ ? Cricketના આ નિયમથી થાય છે આખું ચિત્ર સ્પષ્ટ

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો