Viral Video: અનુષ્કા શર્મા એ વિરાટ કોહલીને કર્યો સ્લેજ, સ્ટાર ક્રિકેટરે આપ્યુ આવું રિએક્શન

Bengaluru : વિરાટ-અનુષ્કા એ ભારતના સૌથી લોકપ્રિય કપલમાંથી એક છે. ડેટિંગ સમયથી લઈને લગ્ન સુધી અને હવે આઈપીએલ 2023માં પણ વિરાટ-અનુષ્કા વચ્ચે ઘણા ક્યૂટ મૂમેન્ટ જોવા મળ્યા છે. સારા અને ખરાબ બંને સમયમાં વિરાટ અને અનુષ્કા એકબીજાને સાથ આપતા જોવા મળ્યા છે. આઈપીએલ 2023ની સિઝન વચ્ચે વિરાટ-અનુષ્કા બેંગ્લોરની એક ઈવેન્ટમાં ભાગ લેવા પહોંચ્યા હતા. હાલમાં વિરાટ કોહલી અને અનુષ્કા શર્માનો એ જ ઈવેન્ટનો વીડિયો સોશિયલ મીડિયા પર ભારે વાયરલ થઈ રહ્યો છે.

આ ઈવેન્ટ દરમિયાન વિરાટ કોહલી અને અનુષ્કા શર્મા મજાકના મૂડમાં જોવા મળ્યા હતા. આ દરમિયાન તેઓ એકબીજાનું મજાક ઉડાવતા પણ જોવા મળ્યા હતા. આ ઈવેન્ટમાં અનુષ્કાને વિરાટની સ્લેજિંગ કરવાનો ટાસ્ક આપવામાં આવ્યો હતો. તેણે ખુબ સારી રીતે આ ટાસ્ક પૂરો કર્યો હતો. જેને કારણે આ વીડિયો સોશિયલ મીડિયા પર વાયરલ થઈ રહ્યો છે.

આ પણ વાંચો : IPL 2023 : ક્રિકેટ રસિયાઓ સાવધાન ! તમારા હાથમાં રાખી શકશો IPL મેચની માત્ર આટલી જ ટિકિટ

આ રહ્યો અનુષ્કા-વિરાટનો મજેદાર વીડિયો

વીડિયોમાં જોઈ શકાય છે કે અનુષ્કા કિપિંગ કરવાની એક્ટિંગ કરે છે જ્યારે વિરાટ કોહલી બેટિંગ કરવાની એક્ટિંગ કરે છે. અનુષ્કા શર્મા વિરાટ કોહલીને સ્લેજ કરતા કહે છે કે , ચાલો ચાલો… વિરાટ આજે 24 એપ્રિલ છે, આજે તો રન બનાવો. આટલુ સાંભળતા જ વિરાટ કોહલી સહિત સૌ કોઈ હસી હસીને લોટપોટ થઈ જાય છે. અનુષ્કા તે જ સમયે વિરાટ કોહલીને પાછળથી ગળે લગાવતી જોવા મળે છે.

અનુષ્કાની સ્લેજિંગનો ઉપયોગ કરતા વિરાટ કોહલી કહે છે કે, તારી ટીમે જૂન-જૂલાઈમાં જેટલા રન નહીં બનાવ્યા હશે, એટલા તો મેં મેચ રમ્યા છે. વિરાટ કોહલી અને અનુષ્કા શર્માના આ કયૂટ મૂમેન્ટનો વીડિયો સોશિયલ મીડિયા પર ભારે વાયરલ થઈ રહ્યો છે.

આ પણ વાંચો : IPL 2023 Breaking News : શુભમન ગિલ એ ફટકારી ત્રીજી સેન્ચુરી, મુંબઈ ઈન્ડિયન્સ સામે ફરીથી ચમક્યો, જુઓ Video

વિરાટ કોહલીની ટીમ રોયલ ચેલેન્જર્સ બેંગ્લોરની ટીમ આઈપીએલની 16મી ટ્રોફી જીતવાની રેસમાંથી બહાર થઈ ગઈ છે. પણ આઈપીએલ 2023માં વિરાટ કોહલી શાનદાર ફોર્મમાં જોવા મળ્યો હતો. તે બેંગ્લોર માટે સતત 2 સેન્ચુરી ફટકારીને આઈપીએલ ઈતિહાસમાં સૌથી વધારે સેન્ચુરી ફટકારનાર ખેલાડી પણ બન્યો છે.

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો