Viral Video : જમ્મુ કશ્મીરના અન્ય એક ક્રિકેટરે IPL માં પ્રવેશ કર્યો છે. 21 વર્ષીય ઉમરાન મલિકે સોમવારે સનરાઇઝર્સ હૈદરાબાદ તરફથી પ્રથમ મેચ રમી હતી. મલિકે ડેબ્યૂ મેચમાં બધાને પ્રભાવિત કર્યા હતા. તેણે સતત 140 કિલોમીટર પ્રતિ કલાકની ઝડપે બોલિંગ કરી હતી. તેના ત્રણ બોલની ઝડપ 150 કિમી પ્રતિ કલાકથી વધુ હતી.
મલિકને ટીમ દ્વારા સરપ્રાઈઝ આપવામાં આવી હતી
ડેબ્યૂ મેચ પહેલા મલિકને હોટલના રૂમમાં ટીમ દ્વારા સરપ્રાઈઝ આપવામાં આવી હતી. જેમાં પરિવારનો સંદેશો સાંભળીને મલિક ભાવુક થઈ ગયો હતો, જેનો વીડિયો હાલ સોશિયલ મીડિયા (Social Media) પર ખુબ વાયરલ થઈ રહ્યો છે.
મલિકનું ડેબ્યુ કેવું હતું ?
ઉમરાન મલિકે પોતાની ડેબ્યૂ મેચમાં બધાને પ્રભાવિત કર્યા હતા. તેણે ચાર ઓવરના સ્પેલમાં KKR બેટ્સમેનોને પરેશાન કર્યા હતા. તેનો સૌથી ઝડપી બોલ 151.03 કિલોમીટર પ્રતિ કલાકની ઝડપે ફેંકવામાં આવ્યો હતો. આ સિઝનમાં સૌથી ઝડપી બોલિંગ કરનાર 10 બોલરોમાં તે એક માત્ર ભારતીય છે. તેણે કોલકાતા નાઇટ રાઇડર્સ (Kolkata Night Riders) સામે તેની ચાર ઓવરમાં 27 રન આપ્યા હતા.
જુઓ વીડિયો
Surprising our young debutant with wishes from 🏠 just before our game yesterday ❤️#MondayMotivation #Debutant #YoungSpeedgun #UmranMalik pic.twitter.com/1mzoiW6kLm
— Rashid Khan (@rashidkhan_19) October 4, 2021
વીડિયો સોશિયલ મીડિયા પર વાયરલ
તમને જણાવી દઈએ કે, આ વીડિયો સોશિયલ મીડિયા પ્લેટફોર્મ ટ્વિટર પર ક્રિકેટર Rashid Khan દ્વારા પોસ્ટ કરવામાં આવ્યો છે. સાથે તેણે કેપ્શનમાં લખ્યુ કે, IPLમાં ડેબ્યુ કરનાર મલિકને એક સરપ્રાઈઝ (Surprise) આપવામાં આવી હતી. આ વીડિયો હાલ ઈન્ટરનેટ પર ખુબ વાયરલ થઈ રહ્યો છે. યુઝર્સ આ વીડિયો શેર કરી રહ્યા છે અને તેના પર વિવિધ પ્રકારની પ્રતિક્રિયા આપતા જોવા મળી રહ્યા છે.
આ પણ વાંચો : સિંહનો શોખ શેખને ભારે પડી ગયો ! સિંહના બચ્ચાએ શેખના કર્યા હાલ-બેહાલ, Video જોઈને સૌ કોઈ આશ્વર્યમાં