CWG 2022 ના મેડલ વિજેતાઓ PM Modi ને મળશે, વડાપ્રધાનના નિવાસ સ્થાને મુલાકાત યોજાશે
ભારતે બર્મિંગહામમાં આયોજિત કોમનવેલ્થ ગેમ્સ (Commonwealth Games 2022) માં કુલ 61 મેડલ જીત્યા હતા અને મેડલ ટેલીમાં ચોથું સ્થાન મેળવ્યું હતું.
બર્મિંગહામમાં તાજેતરમાં યોજાયેલી કોમનવેલ્થ ગેમ્સ (Commonwealth Games 2022) માં ભારતીય ખેલાડીઓએ શાનદાર પ્રદર્શન કર્યું હતું અને કુલ 61 મેડલ જીત્યા હતા. વડાપ્રધાન નરેન્દ્ર મોદી (PM Narendra Modi) શનિવારે સવારે 11 વાગ્યે આ ગેમ્સમાં તમામ મેડલ વિજેતા (Medal Winners) ઓને તેમના નિવાસસ્થાને મળશે. સમાચાર એજન્સી દ્વારા આ અંગે જાણકારી આપી છે.
ઈંગ્લેન્ડમાં જ્યારે આ ગેમ્સ ચાલી રહી હતી ત્યારે પણ વડાપ્રધાન મોદી મેડલ વિજેતા ખેલાડીઓને ટ્વિટર દ્વારા અભિનંદન આપતા હતા અને પ્રોત્સાહિત કરતા હતા. અગાઉ, જ્યારે ભારતીય ટુકડી ટોક્યો ઓલિમ્પિકમાંથી પરત આવી ત્યારે નરેન્દ્ર મોદી મેડલ વિજેતાઓને પણ મળ્યા હતા.
Prime Minister Narendra Modi to host all the medal winners of the #CommonwealthGames2022 at his official residence in Delhi at 11AM tomorrow. pic.twitter.com/yBAb2vm8Sc
— ANI (@ANI) August 12, 2022
રાજનાથ સિંહે ખેલાડીઓની મુલાકાત કરી
બીજી તરફ, સંરક્ષણ પ્રધાન રાજનાથ સિંહ શુક્રવારે કોમનવેલ્થ ગેમ્સમાં ભાગ લેનાર ભારતીય સશસ્ત્ર દળોના ખેલાડીઓને મળ્યા હતા. રક્ષા મંત્રીએ સશસ્ત્ર દળોના ખેલાડીઓના પ્રદર્શનની પ્રશંસા કરી અને તેને શાનદાર ગણાવી. સિંહે ટ્વિટર પર લખ્યું, બર્મિંગહામમાં કોમનવેલ્થ ગેમ્સમાં ભારતનું પ્રતિનિધિત્વ કરી રહેલા સશસ્ત્ર દળોના ખેલાડીઓ સાથે ઉત્તમ વાર્તાલાપ. તેઓએ તેમના શાનદાર પ્રદર્શનથી દરેકને ખુશ કર્યા અને તેમની સિદ્ધિઓથી રાષ્ટ્રને ગૌરવ અપાવ્યું. આ ખેલાડીઓને ભવિષ્ય માટે સફળતા પ્રાપ્ત કરવા માટે શુભેચ્છાઓ.
Had a wonderful interaction with the Armed Forces personnel who represented India at the CWG in Birmingham.
They delighted everyone with their incredible performances and made the nation proud with their achievements. Wishing these athletes success in their future endeavours. pic.twitter.com/JlriFGFpSc
— Rajnath Singh (@rajnathsingh) August 12, 2022
આમ રહ્યુ ભારતનું પ્રદર્શન
ભારતે આ ગેમ્સમાં કુલ 61 મેડલ જીત્યા હતા, જેમાંથી 22 ગોલ્ડ મેડલ જીત્યા હતા. ભારતીય ખેલાડીઓ 16 સિલ્વર મેડલ અને 23 બ્રોન્ઝ મેડલ જીતવામાં સફળ રહ્યા હતા. આ વખતે ભારતે ઘણી રમતોમાં ઈતિહાસ રચ્યો હતો. એથ્લેટિક્સમાં ભારતને ઘણી સફળતા મળી હતી. તેજસ્વિન શંકર, મુરલી શ્રીશંકર જેવા ખેલાડીઓએ પ્રથમ વખત મેડલ જીતીને ઈતિહાસ રચ્યો હતો. આ રમતોમાં મહિલા ક્રિકેટને પ્રથમ વખત તક મળી છે. હરમનપ્રીત કૌરની કેપ્ટનશીપવાળી ભારતીય ટીમે સિલ્વર મેડલ મેળવ્યો હતો. ફાઈનલમાં તેને ઓસ્ટ્રેલિયાએ હરાવ્યું હતું.
