Breaking News : બાંગ્લાદેશ T20 વર્લ્ડ કપમાં નહીં રમે, આ ટીમ તેમનું સ્થાન લેશે

બાંગ્લાદેશ T20 વર્લ્ડ કપમાંથી બહાર થઈ ગયું છે. બાંગ્લાદેશે ICCના આદેશોનું અપમાન કર્યું છે, જેના પરિણામે તેઓ ટુર્નામેન્ટમાં ભાગ લઈ શકશે નહીં. હવે બાંગ્લાદેશના સ્થાને આ ટીમ તેનું સ્થાન લેશે,

Nirupa Duva | Updated on: Jan 22, 2026 | 4:54 PM

T20 World Cup : બાંગ્લાદેશ T20 વર્લ્ડ કપમાંથી બહાર થઈ ગયું છે. ICCએ બાંગ્લાદેશને નિર્ણય લેવા માટે 24 કલાકનો સમય આપ્યો હતો. ગુરુવારે ઢાકામાં BCB અને બાંગ્લાદેશ સરકાર વચ્ચે બેઠક યોજાઈ હતી, જેમાં નિર્ણય લેવામાં આવ્યો હતો કે બાંગ્લાદેશ ક્રિકેટ ટીમ T20 વર્લ્ડ કપ માટે ભારતમાં નહીં રમે. ICC હવે બાંગ્લાદેશને બદલે સ્કોટલેન્ડને T20 વર્લ્ડ કપમાં સ્થાન આપશે.

બાંગ્લાદેશ T20 વર્લ્ડ કપમાં નહીં રમે

બાંગ્લાદેશ T20 વર્લ્ડ કપમાં નહીં રમે કારણ કે, ICC એ મેચ બદલવાની માંગણી ફગાવી દીધી હતી.બાંગ્લાદેશ T20 વર્લ્ડ કપમાં નહીં રમે કારણ કે, ICC એ મેચ બદલવાની માંગણી ફગાવી દીધી હતી. તમને જણાવી દઈએ કે, 2026નો T20 વર્લ્ડ કપ 7 ફેબ્રુઆરીથી ભારત અને શ્રીલંકામાં રમાશે. T20 વર્લ્ડ કપના બહિષ્કાર બાદ, બાંગ્લાદેશ ક્રિકેટ બોર્ડે હવે એક મોટું નિવેદન બહાર પાડ્યું છે.

એક ટીમને તક મળશે

2026ના T20 વર્લ્ડ કપમાં કુલ 20 ટીમો ભાગ લેશે. બાંગ્લાદેશને ગ્રુપ Cમાં રાખવામાં આવ્યું હતું, જેમાં ઇટાલી, વેસ્ટ ઈન્ડિઝ, નેપાળ અને ઈંગ્લેન્ડનો પણ સમાવેશ થાય છે. બાંગ્લાદેશના વર્લ્ડ કપમાંથી ખસી ગયા બાદ, હવે એક નવી ટીમને તક મળી છે.. સ્કોટલેન્ડ એક નવી ટીમ તરીકે પ્રવેશ કરશે, કારણ કે તેઓ T20I રેન્કિંગમાં 14મા ક્રમે છે.

લડાઈ ચાલુ રહેશે : BCB

બાંગ્લાદેશ ક્રિકેટ બોર્ડના પ્રમુખે વધુમાં જણાવ્યું હતું કે તેઓ લડાઈ ચાલુ રાખશે. તેમણે ICC બેઠકમાં લેવાયેલા નિર્ણયો પર પણ સવાલ ઉઠાવ્યા હતા. તેમણે આરોપ લગાવ્યો હતો કે, ICC બેઠકમાં ખોટા નિર્ણયો લેવામાં આવ્યા હતા. BCB પ્રમુખના મતે, ICC બેઠકમાં ફક્ત BCCIના મંતવ્યો પર જ વિચાર કરવામાં આવ્યો હતો.

‘ભારત બાંગ્લાદેશી ખેલાડીઓ માટે અસુરક્ષિત ‘

બાંગ્લાદેશ ક્રિકેટ બોર્ડે ફરી એકવાર ભારતને અસુરક્ષિત જાહેર કર્યું છે. એક બાંગ્લાદેશી અધિકારીએ જણાવ્યું હતું કે, ભારતમાં આખી બાંગ્લાદેશ ટીમ જોખમમાં છે. તેમણે કહ્યું, “અમે વર્લ્ડ કપમાં રમવા માંગીએ છીએ, પરંતુ સુરક્ષા અમારા ખેલાડીઓ માટે એક મુદ્દો રહે છે. સુરક્ષાના મુદ્દા પર ICC જે ઇચ્છે તે કહી શકે છે, પરંતુ અમારા એક ખેલાડીને તેમની ટુર્નામેન્ટમાંથી હાંકી કાઢવામાં આવ્યો છે. ભારત વર્લ્ડ કપનું આયોજન કરી રહ્યું છે. જો તેઓએ મુસ્તફિઝુરને સુરક્ષા પૂરી પાડી ન હોય, તો તેઓ અમારી ટીમને સુરક્ષા કેવી રીતે પૂરી પાડી શકે? અમે અમારા ખેલાડીઓને જોખમમાં મૂકી શકીએ નહીં.”