Common wealth Gamesની મેજબાની ઓસ્ટ્રેલિયાના વિક્ટોરિયાને મળી, પહેલીવાર આ ગેમ્સ શહેરમાં નહીં પરંતુ રાજ્યમાં યોજાશે
કોમનવેલ્થ ગેમ્સ(Commonwealth Games) દર ચાર વર્ષે યોજાય છે. આ વર્ષે આ ગેમ્સ યુકેના બર્મિંગહામમાં 28 જુલાઈથી 8 ઓગસ્ટ દરમિયાન યોજાવાની છે.
2026 Commonwealth Games : 2026 માં, કોમનવેલ્થ ગેમ્સ (Commonwealth Games) ઓસ્ટ્રેલિયાના વિક્ટોરિયા રાજ્યમાં યોજાશે. આ અંતર્ગત ટુર્નામેન્ટ જીલોંગ, બેન્ડિગો, બાલારાત અને ગિપ્સલેન્ડમાં રમાશે. ઓપનિંગ સેરેમની મેલબોર્ન ક્રિકેટ ગ્રાઉન્ડ (Melbourne Cricket Ground) ખાતે યોજાશે. તેની સત્તાવાર જાહેરાત 12 એપ્રિલે કરવામાં આવી હતી. વિક્ટોરિયા રાજ્ય(Victoria State) ના પ્રીમિયર ડેનિયલ એન્ડ્રુઝે આની પુષ્ટિ કરી હતી. 2026ની કોમનવેલ્થ ગેમ્સ એકદમ અનોખી હશે. અત્યાર સુધી માત્ર એક જ શહેરને હોસ્ટિંગ મળી રહ્યું છે. પરંતુ 2026 માટે સમગ્ર રાજ્યને મેજબાની આપવામાં આવી હતી અને તે અંતર્ગત તેનું આયોજન પાંચ શહેરોમાં કરવામાં આવશે. પરંતુ મેલબોર્ન જેવા મોટા શહેરમાં માત્ર ઉદઘાટન સમારોહ જ થશે. બાકીની રમતગમતની સ્પર્ધાઓ અન્ય ચાર શહેરોમાં યોજાશે.
કોમનવેલ્થ ગેમ્સ ફેડરેશન, કોમનવેલ્થ ગેમ્સ ઓસ્ટ્રેલિયા અને વિક્ટોરિયા સ્ટેટ વચ્ચે ફેબ્રુઆરી 2022માં આ સંબંધમાં વાટાઘાટો વાતચીત શરૂ થઈ હતી. 2026માં કોમનવેલ્થ ગેમ્સ માર્ચ મહિનામાં યોજાશે.
2026ની કોમનવેલ્થ ગેમ્સમાં ટી20 ક્રિકેટ સહિત 16 રમતોને પ્રારંભિક યાદીમાં સામેલ કરવામાં આવી છે. જો કે, અંતિમ કાર્યક્રમ આ વર્ષના અંતમાં બહાર પાડવામાં આવશે. ક્રિકેટ, સ્વિમિંગ અને ડાઇવિંગની સાથે એથ્લેટિક્સ, બેડમિન્ટન, બોક્સિંગ, બીચ વોલીબોલ, સાયકલિંગ, જિમ્નેસ્ટિક્સ, હોકી, લૉન બોલ, નેટબોલ, રગ્બી, સ્ક્વોશ, ટેબલ ટેનિસ, ટ્રાયથ્લોન અને વેઇટ લિફ્ટિંગનો સમાવેશ કરવામાં આવ્યો છે. શૂટિંગનું નામ આ યાદીમાં નથી.
કોમનવેલ્થ ગેમ્સના આયોજકો માટે વિક્ટોરિયાને યજમાન બનાવવું એ મોટી રાહતની વાત છે કારણ કે કોઈ દેશ યજમાન તરીકે આગળ આવી રહ્યો નથી. છેલ્લા બે-ત્રણ વખતથી આ ગેમ્સ ઓસ્ટ્રેલિયા અને બ્રિટન વચ્ચે ચાલી રહી છે. 2018 કોમનવેલ્થ ગેમ્સ ઓસ્ટ્રેલિયાના ગોલ્ડ કોસ્ટમાં યોજાઈ હતી. અગાઉ 2014માં ગ્લાસગો (સ્કોટલેન્ડ)એ યજમાની કરી હતી. 2010માં દિલ્હી (ભારત) અને 2006માં મેલબોર્ન (ઓસ્ટ્રેલિયા) યજમાન હતા.
આ વખતે કોમનવેલ્થ ગેમ્સ બર્મિંગહામમાં છે
કોમનવેલ્થ ગેમ્સ દર ચાર વર્ષે યોજાય છે. આ વર્ષે પણ આ ગેમ્સનું આયોજન કરવામાં આવનાર છે. 2022 કોમનવેલ્થ ગેમ્સ 28 જુલાઈથી 8 ઓગસ્ટ દરમિયાન બર્મિંગહામ, યુકેમાં યોજાવાની છે. બ્રિટન હેઠળના દેશો આ રમતોમાં ભાગ લે છે. બ્રિટન ઉપરાંત ઓસ્ટ્રેલિયા, ભારત, કેનેડા તેના મોટા દેશો છે. ભારતે કોમનવેલ્થ ગેમ્સનું પણ આયોજન કર્યું છે. છેલ્લે 2010માં દિલ્હીમાં તેનું આયોજન કરવામાં આવ્યું હતું.
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-
આ પણ વાંચો : CSKને મોટો ફટકો , દીપક ચહરની ઈજા ચેન્નાઈ સુપર કિંગ્સને ઘણી મોંઘી પડી, IPL 2022 રમવા સામે પ્રશ્નાર્થ