
શેરબજારમાં ટાટા ગ્રુપની કંપનીઓ હંમેશા રોકાણકારોનો ભરોસો જીતવામાં મોખરે રહી છે. આ વખતે ટાટા ગ્રુપની રિટેલ ક્ષેત્રની દિગ્ગજ કંપની Trent Ltd એ પોતાના શેરધારકો માટે ખુશખબર આપ્યા છે. કંપનીના બોર્ડ ઓફ ડિરેક્ટર્સે બોનસ શેર આપવાની જાહેરાત કરી છે, જેનાથી નાના રોકાણકારોમાં ભારે ઉત્સાહ જોવા મળી રહ્યો છે.
કંપનીએ 1:2 ના રેશિયોમાં બોનસ શેર આપવાનું નક્કી કર્યું છે. આનો અર્થ એ થયો કે જે રોકાણકારો પાસે કંપનીના 2 શેર હશે, તેમને વધારાનો 1 શેર મફત આપવામાં આવશે. જોકે, આ માટે શેરધારકોની મંજૂરી મેળવવી અનિવાર્ય રહેશે.
બોનસ શેરનો લાભ કોને મળશે તે નક્કી કરવા માટે કંપનીએ 29 મે 2026 (શુક્રવાર) ને ‘રેકોર્ડ ડેટ’ તરીકે જાહેર કરી છે. આ તારીખ સુધી જે રોકાણકારોના ડિમેટ ખાતામાં કંપનીના શેર હશે, તેઓ જ આ ફ્રી બોનસ શેર મેળવવા માટે પાત્ર ગણાશે.
જાહેરાત વચ્ચે સોમવારે શેરબજારમાં ટ્રેન્ટ લિમિટેડના શેરમાં નજીવો ઘટાડો જોવા મળ્યો હતો. શેર 0.96% ઘટીને રૂ. 4,256 પર બંધ થયો હતો. શેરબજારના નિષ્ણાતો માને છે કે આ ઘટાડો કામચલાઉ નફાબૂખારી હોઈ શકે છે. કંપનીનું માર્કેટ કેપ આશરે રૂ. 1.52 લાખ કરોડ છે, જે તેની મજબૂત સ્થિતિ દર્શાવે છે.
ટાટા ગ્રુપની આ જાહેરાત બાદ લાંબા ગાળાના રોકાણકારો માટે આ એક સોનેરી તક સાબિત થઈ શકે તેમ છે. જો તમે પણ ટાટાના આ સ્ટોકમાં રસ ધરાવતા હોવ, તો 29 મેની રેકોર્ડ ડેટ ખાસ ધ્યાનમાં રાખવા જેવી છે.