બુધવારે સવારે માર્કેટ ખુલતા જ આ એક શેર મચાવશે ધૂમ! રક્ષા મંત્રાલયના એક હસ્તાક્ષરે રોકાણકારોમાં જગાડ્યો ભારે ઉત્સાહ

સંરક્ષણ મંત્રાલયે સોમવારે ₹5,083 કરોડના રક્ષણાત્મક સોદા પર હસ્તાક્ષર કર્યા છે. ડિફેન્સ સેક્રેટરી રાજેશ કુમાર સિંહની હાજરીમાં 6 એડવાન્સ લાઇટ હેલિકોપ્ટર (ALH) MK-III અને સરફેસ ટુ એર વર્ટિકલ લોન્ચ – શ્ટિલ (Shtil) મિસાઇલ ખરીદવાનો નિર્ણય લેવામાં આવ્યો છે. આ સોદો એવા સમયે થયો છે જ્યારે મધ્ય-પૂર્વમાં યુદ્ધની સ્થિતિ ગંભીર છે.

HAL ને મળ્યો ₹2,901 કરોડનો ઓર્ડર

6 એડવાન્સ લાઇટ હેલિકોપ્ટર (ALH) MK-III ની ખરીદી હિન્દુસ્તાન એરોનોટિક્સ લિમિટેડ (HAL) પાસેથી કરવામાં આવશે.

• ડીલની કિંમત: ₹2,901 કરોડ.
• લાભ: આ હેલિકોપ્ટર ઇન્ડિયન કોસ્ટ ગાર્ડ માટે હશે, જેમાં એન્જિનિયરિંગ સપોર્ટ પેકેજ અને લોજિસ્ટિક સપોર્ટ પણ સામેલ છે.
• વિશેષતા: આ હેલિકોપ્ટરમાં બે એન્જિન હોય છે અને તે અત્યંત આધુનિક છે, જે દરિયાકાંઠાની સુરક્ષામાં વધારો કરશે.

બુધવારે HAL ના શેર ફોકસમાં રહેશે

સોમવારે HAL નો શેર BSE પર 0.96% ની તેજી સાથે ₹3951.75 ના સ્તર પર બંધ થયો હતો. આટલા મોટા વર્ક ઓર્ડર બાદ હવે બુધવારે માર્કેટ ખુલતાની સાથે જ કંપનીના શેર પર રોકાણકારોની ખાસ નજર રહેશે. નોંધનીય છે કે છેલ્લા એક વર્ષમાં HAL ના શેરમાં 28% ની તેજી જોવા મળી છે.

રશિયા પાસેથી મિસાઇલની ખરીદી

સંરક્ષણ મંત્રાલયે શ્ટિલ (Shtil) મિસાઇલ માટે રશિયન ફેડરેશનના JSC Rosoboronexport સાથે ₹2,182 કરોડનો સોદો કર્યો છે. આ મિસાઇલ સિસ્ટમ ભારતની આકાશી સુરક્ષાને વધુ મજબૂત અને અભેદ્ય બનાવશે.

આત્મનિર્ભર ભારતને વેગ

સંરક્ષણ મંત્રાલયે જણાવ્યું હતું કે આ એડવાન્સ હેલિકોપ્ટરના આગમનથી ઇન્ડિયન કોસ્ટ ગાર્ડની ક્ષમતાઓમાં અનેકગણો વધારો થશે. સરકાર આ ડીલ દ્વારા ‘આત્મનિર્ભર ભારત’ મિશનને વધુ પ્રોત્સાહન આપી રહી છે.

ડિસ્ક્લેમર: આ સમાચાર માત્ર માહિતી માટે છે અને રોકાણની સલાહ નથી. શેરબજારમાં રોકાણ જોખમોને આધીન છે, તેથી કોઈપણ રોકાણ કરતા પહેલા એક્સપર્ટની સલાહ જરૂર લો.