મિશન યુપી: શાહે કહ્યું યોગી સૌથી સફળ મુખ્યમંત્રી, યુપી હુલ્લડગ્રસ્ત રાજ્યથી બન્યુ ‘રામ રાજ્ય’

કેન્દ્રિય ગૃહ પ્રધાન અમિત શાહે(amit shah) લખનૌમાં ફોરેન્સિક સાયન્સ સંસ્થાના શિલાન્યાસ કાર્યક્રમમાં પોતાના સંબોધનમાં જણાવ્યું હતું કે, ભાજપે ચાર વર્ષના કાર્યકાળ દરમિયાન રાજ્યમાં કાયદાનું શાસન સ્થાપિત કર્યું છે. રાજ્યને વિકાસના માર્ગ પર લાવવા માટે કામ કરવામાં આવ્યું છે.

2017 માં રાજ્યમાં ભાજપની સરકાર સત્તા પર આવી તે પહેલા લોકો પશ્ચિમ યુપીથી સ્થળાંતર કરી રહ્યા હતા. રાજ્ય હુલ્લડગ્રસ્ત હતું, પરંતુ ચાર વર્ષના શાસન પછી, ઉત્તર પ્રદેશમાં કાયદો અને વ્યવસ્થાનું શાસન સ્થાપિત થયું છે. ગૃહમંત્રી અમિત શાહે (amit shah) કહ્યું કે અમે વચન આપ્યું હતું કે જ્યારે અમારી સરકાર આવશે ત્યારે અમે કાયદાનું શાસન સ્થાપિત કરીશું. રાજ્ય સરકારે આ દિશામાં સફળતા મેળવી છે.

વિપક્ષના નેતાઓ પર નિશાન સાધતા ગૃહ પ્રધાન અમિત શાહે કહ્યું કે યુપીમાં ચૂંટણી આવતા જ નેતાઓ ઘરની બહાર આવે છે અને વકતૃત્વ કરે છે. આ નેતાઓ કોરોના દરમિયાન મુશ્કેલીઓ સામે લડી રહેલા લોકોને મદદ કરતા નથી. તેઓ ખેડૂતોની મુશ્કેલીઓમાં કામ કરતા નથી, પરંતુ ચૂંટણી આવતા જ તેઓ વકતૃત્વમાં સામેલ થઈ જાય છે. ભાજપે ઉત્તર પ્રદેશમાં કાયદાનું શાસન સ્થાપિત કર્યું છે.રાજ્યને વિકાસના માર્ગે લઇ જવાનું કામ કરવામાં આવ્યું છે. હું તેમને કહેવા માંગુ છું કે વિપક્ષના નેતાઓએ ફરી એકવાર 2022 માં કારમી હાર માટે મન બનાવવું જોઈએ. ભાજપ ફરી અહીં બહુમતી સાથે સરકાર બનાવવા જઈ રહી છે.

તેમણે કહ્યું કે મને પહેલાનું યુપી બહુ સારી રીતે યાદ છે. અહીં મહિલાઓ અસુરક્ષિત હતી. દિવસે પણ ગોળીઓ ચલાવવામાં આવતી હતી. રાજ્યમાં માફિયાઓનું શાસન હતું. આજે 2021 માં હું યુપીમાં ઉભો છું, હું ગર્વથી કહું છું કે યોગી આદિત્યનાથે ઉત્તર પ્રદેશને આગળ લઈ જવાનું કામ કર્યું. સરકારની યોજનાઓને યોગ્ય રીતે લાગુ કરવામાં આવી છે. યોગી સરકારે 44 યોજનાઓને યોગ્ય રીતે અમલ કરવામાં સફળતા મેળવી છે, જેના કારણે રાજ્યની ઓળખ વિકાસશીલ રાજ્યની બની ગઈ છે.

તેમણે કહ્યું કે ભાજપની સરકાર બન્યા બાદ યુપીમાં માફિયા રાજનો અંત આવ્યો છે. રાજ્યમાં જાતિવાદનો અંત આવ્યો છે. રાજ્યના ગરીબ અને નબળા લોકોને સરકારી યોજનાઓનો લાભ મળી રહ્યો છે. ભાજપ ફરી એકવાર યુપીમાં વિકાસના ધોરણે જોરદાર બહુમતી સાથે સરકાર બનાવશે.

મુખ્યમંત્રી યોગી આદિત્યનાથની(yogi adityanath) પ્રશંસા કરતા તેમણે કહ્યું કે યોગી આદિત્યનાથે(yogi adityanath) રાજ્યની છબી બદલવાનું કામ કર્યું છે. હવે ગરીબોને અહીં સરકારી યોજનાઓનો લાભ મળે છે. યોગી સરકાર રાજ્યના લોકોની સુખાકારી માટે કામ કરે છે, કોઈ એક જાતિ કે પરિવાર માટે નહીં.

મુખ્યમંત્રી યોગીએ કહી આ વાતો

કાર્યક્રમનું ઉદ્ઘાટન કરતા ઉત્તરપ્રદેશના મુખ્યમંત્રીએ લોકોને સંબોધિત કરતા કહ્યું કે ઉત્તરપ્રદેશ ઈન્સ્ટીટ્યુટ ઓફ ફોરેન્સિક સાયન્સનો શિલાન્યાસ ગૃહમંત્રીના હસ્તે કરવામાં આવી રહ્યો છે.

યુપીમાં કાયદો અને વ્યવસ્થાની સ્થિતિ પર બોલતા સીએમ યોગીએ કહ્યું કે, 2017 પહેલા ઉત્તર પ્રદેશને રમખાણોનું રાજ્ય માનવામાં આવતું હતું, તે માફિયાઓ દ્વારા કબજે કરવામાં આવ્યું હતું. ઉત્તરપ્રદેશમાં ચાર વર્ષમાં જે પરિવર્તન આવ્યું છે તે ગૃહમંત્રીના કારણે છે. ઉત્તરપ્રદેશમાં જે પરિવર્તન આવ્યું છે તે કોઈથી છુપાયેલું નથી.

સીએમ યોગીએ યુપી પોલીસ વિશે કહ્યું કે, ઉત્તરપ્રદેશ પોલીસ હવે નવેસરથી કામ કરતી જોવા મળી રહી છે. આ દરમિયાન ઉત્તર પ્રદેશમાં વ્યાવસાયિક માફિયાઓ અને ગુંડાઓ પાસેથી 1584 કરોડ રૂપિયાની સંપત્તિ જપ્ત કરવામાં આવી હતી. આજે માફિયાઓમાં ભયનું વાતાવરણ છે. આજે ઉત્તર પ્રદેશની અંદર મહિલાઓ સુરક્ષિત છે, તમામ નાગરિકો સુરક્ષિત છે.