ખંભાળિયામાં ઉદ્યોગપતિના દીકરાના લગ્ન રિસેપ્શનમાં ગીતા રબારીના ડાયરામાં કોરોનાના નિયમોનો ભંગ, સાંસદ પૂનમ માડમ પણ હતા હાજર
ખંભાળિયાના ઉદ્યોગપતિના દિકરાના લગ્નના રિસેપ્શનમાં ગીતા રબારીના ડાયરામાં લોકોના ટોળા ઉમટ્યા તો સાંસદ પુનમ માડમ માસ્ક વગર જોવા મળ્યાં હતા. ખંભાળિયાના મોવાણ ગામના ઉદ્યોગપતિના દિકરાના રિસેપ્શનમાં 1 ડિસેમ્બરની રાત્રે ગીતા રબારીનો કાર્યક્રમ યોજાયો હતો. આ કાર્યક્રમ નીહાળવા માટે મોટી સંખ્યામાં લોકોની ભીડ એકઠી થઈ હતી. ગોજીયા પરિવારના દિકરાના લગ્નના રિસેપ્શનમાં જામનગરના સાંસદ પુનમ માડમ પણ […]
ખંભાળિયાના ઉદ્યોગપતિના દિકરાના લગ્નના રિસેપ્શનમાં ગીતા રબારીના ડાયરામાં લોકોના ટોળા ઉમટ્યા તો સાંસદ પુનમ માડમ માસ્ક વગર જોવા મળ્યાં હતા. ખંભાળિયાના મોવાણ ગામના ઉદ્યોગપતિના દિકરાના રિસેપ્શનમાં 1 ડિસેમ્બરની રાત્રે ગીતા રબારીનો કાર્યક્રમ યોજાયો હતો. આ કાર્યક્રમ નીહાળવા માટે મોટી સંખ્યામાં લોકોની ભીડ એકઠી થઈ હતી. ગોજીયા પરિવારના દિકરાના લગ્નના રિસેપ્શનમાં જામનગરના સાંસદ પુનમ માડમ પણ હાજર રહ્યા હતા. હાલ કોરોનાની મહામારી ચાલી રહી છે ત્યારે સાંસદ જ ખુદ માસ્ક વગર જોવા મળ્યા હતા. માસ્ક મામલે નારાજ હાઈકોર્ટે માસ્ક વિના જોવા મળતા લોકોને કોરોના સેન્ટરમાં કોમ્યુનિટી સારવાર માટે મુકવા સરકારને નિયમ બનાવવા કહ્યું છે. આમ છતાં આપણા નેતાઓમાં કોઈ જાતની ગંભીરતા નથી. તંત્રને નજર સમક્ષ આવા કાર્યક્રમો થઈ રહ્યાં હોવા છતાં તંત્ર મૂક પ્રેકક્ષ બનીને તમાશો જોઈ રહ્યું છે. દરરોજ દિવસ ઉગે અને નેતાઓ માસ્ક વિના કે ભીડ કરતા જોવા મળે છે. તો બીજી બાજુ પ્રજાને આકરા દંડ ફટકારવામાં આવી રહ્યાં છે.
આ પરિવારે ભાણવડ તાલુકાના સણખલા ગામમાં સોમવારે હેલીકોપ્ટરમાં જાન લઈને ગયો હતો. આ પંથકમાં સૌ પ્રથમ વખત હેલિકોપ્ટરમાં જાનનું આગમન થતા બહોળી સંખ્યામાં ગ્રામજનો પણ જોવા ઉમટી પડ્યા હતા. ખંભાળિયા તાલુકાના મોવાણ ગામના ગોજિયા પરિવારે હેલીકોપ્ટર મારફતે ભાણવડના સણખલા ગામે જાન પહોંચાડી હતી. વરરાજા હેલિકોપ્ટરમાં બેસી સણખલા ગામે પહોંચ્યા હતા. શાહી ઠાઠ સાથે કોરોના મહામારીમાં ભવ્ય લગ્ન થતા હજારોની સંખ્યામાં મહેમાન ઉમટી પડ્યા હતા. જેમાં કોરોનાની ગાઈડલાઈનનો સરેઆમ ઉલાળ્યો થતો જોવા મળ્યો હતો.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો
Latest News Updates
