ઉમેદવારી પત્ર ખેંચવાના અંતિમ દિવસે પેટાચૂંટણીનું ચિત્ર સ્પષ્ટ, 8 બેઠક પર કુલ 81 ઉમેદવારો મેદાનમાં

ગુજરાત વિધાનસભાની પેટાચૂંટણીની 8 બેઠક પર ઉમેદવારી પત્ર પરત ખેંચવાના અંતિમ દિવસે ચૂંટણી ચિત્ર સ્પષ્ટ થયું છે. પેટાચૂંટણીની 8 બેઠક પર કુલ 81 ઉમેદવાર મેદાનમાં છે. જેમાં લીંબડી બેઠક પર સૌથી વધારે 14 ઉમેદવાર વચ્ચે જંગ લડાઈ રહ્યો છે. લીંબડી બેઠક પર મુખ્ય જંગ ભલે ભાજપ-કૉંગ્રેસ વચ્ચે લડાતો હોય. પરંતુ 12 અપક્ષ ઉમેદવારોએ બંને મુખ્ય પક્ષોની ચિંતા વધારી છે. મોરબી અને ગઢડા બેઠક પર 12-12 ઉમેદવાર લડી રહ્યાં છે. તો કપરાડા બેઠક પર સૌથી ઓછા 4 ઉમેદવાર જ મેદાને છે. પેટાચૂંટણીની 8 બેઠક પર કુલ મળીને 55 અપક્ષ ઉમેદવારોએ ચૂંટણી જંગમાં ઝંપલાવ્યું છે.