10 રુપિયાના ભાવનો શેર 800 પાર પહોંચ્યો, હજારોના લાખોમાં અને લાખોના કરોડો રુપિયા થયા, જુઓ તસવીરો
છેલ્લા કેટલાક મહિનામાં રોકાણકારોએ શેરબજારમાં સોલાર એનર્જીના શેરો પર નજર રાખી છે. સોલાર એનર્જી સેક્ટરના ઘણા એવા સ્ટોક્સ છે. જેમાં રોકાણકારોને મલ્ટિબેગર રિટર્ન મળી રહ્યું છે. વેબસોલ એનર્જી સિસ્ટમ લિ.માં રોકાણકારોને મલ્ટિબેગર રિટર્ન પણ મળ્યું છે.
વેબસોલ એનર્જી સિસ્ટમના શેરમાં પણ ઝડપથી વધારો થયો છે. માત્ર છેલ્લા એક વર્ષમાં આ શેરે તેના રોકાણકારોને 662 ટકા વળતર આપ્યું છે. આ મલ્ટિબેગર રિટર્ન આપ્યુ હોવા છતાં આ સ્ટોક અટકી રહ્યો નથી. છેલ્લા 8 ટ્રેડિંગ સેશનમાં આ સ્ટોક સતત અપર સર્કિટ લાગી રહી છે. છેલ્લા કેટલાક દિવસોમાં આ શેરમાં 46 ટકાનો વધારો જોવા મળ્યો છે. વેબસોલ એનર્જી સિસ્ટમ લિમિટેડના શેરની 16 ઓગસ્ટ અને શુક્રવારની ક્લોઝીંગ કિંમત 836 રુપિયા હતી.
વેબસોલ એનર્જી સિસ્ટમ લિમિટેડ ભારતમાં ફોટોવોલ્ટેઇક સ્ફટિકીય સૌર સેલ અને સંબંધિત મોડ્યુલોના ઉત્પાદનના વ્યવસાયમાં છે. કંપની સોલાર સેલ અને પીવી મોડ્યુલના ઉત્પાદનમાં નિષ્ણાત છે, જેનો ઉપયોગ ભારતમાં અને આંતરરાષ્ટ્રીય સ્તરે કોમર્શિયલ અને ઔદ્યોગિક સોલાર પાવર પેનલમાં થાય છે.
કંપનીની વર્તમાન માર્કેટ કેપિટલાઇઝેશન રૂ. 3594.50 કરોડ છે. શેરે છેલ્લા એક વર્ષમાં 650 ટકાથી વધુનું ઉત્તમ મલ્ટિબેગર વળતર આપ્યું છે.
કંપનીના ત્રિમાસિક પરિણામો અનુસાર, Q1 FY25 માં, વેબસોલ એનર્જી સિસ્ટમ્સ લિમિટેડે રૂ. 112 કરોડની આવક નોંધાવી હતી, જે પાછલા વર્ષની સરખામણીમાં 61,900 ટકાની વૃદ્ધિ દર્શાવે છે. Q1 FY25 માટે ઓપરેટિંગ નફો રૂ 44 કરોડ હતો, જ્યારે ઓપરેટિંગ પ્રોફિટ માર્જિન લગભગ 39 ટકા હતો.
વેબસોલ એનર્જી સિસ્ટમ લિમિટેડના શેરહોલ્ડિંગ પેટર્ન મુજબ પ્રમોટર્સ કંપનીમાં 27.71 ટકા હિસ્સો ધરાવે છે, જ્યારે સામાન્ય રોકાણકારો 72.28 ટકા હિસ્સો ધરાવે છે. કંપનીમાં FIIનો હિસ્સો 0.01 ટકા છે.
નોંધ: અહીં આપેલી માહિતી માત્ર જાણકારીના હેતુથી આપવામાં આવી છે, અત્રે એ ઉલ્લેખ કરવો જરૂરી છે કે બજારમાં રોકાણ બજારના જોખમોને આધીન છે. આથી રોકાણકાર કરતા પહેલા હંમેશા નિષ્ણાતની સલાહ લો.Tv9 ગુજરાતી ક્યારેય કોઈને રોકાણ સંબંધીત સલાહ આપતું નથી.