વડાપ્રધાન નરેન્દ્ર મોદીએ શનિવારે દેશમાં 5જી સેવા શરૂ કરી. આ રીતે મોબાઈલ ફોન પર અલ્ટ્રા હાઈ સ્પીડ ઈન્ટરનેટનો યુગ શરૂ થયો છે. પીએમે અમુક શહેરોમાં 5જી સેવાઓ શરૂ કરી છે. ધીમે ધીમે આ સુવિધાઓ સમગ્ર દેશમાં ઉપલબ્ધ કરાવવામાં આવશે. ચાલો જાણીએ કે 5જી સેવાથી શિક્ષણમાં શું બદલાવ જોવા મળશે. (ANI)
વડા પ્રધાન નરેન્દ્ર મોદીએ 5જી સેવાઓની રજૂઆત પર કહ્યું કે ભારત 2જી, 3જી, 4જી માટે અન્ય દેશો પર નિર્ભર હતું, પરંતુ 5જી સાથે દેશ ઈતિહાસ રચી રહ્યો છે. (PTI)
5જી સેવાની લોન્ચિંગ સાથે જ શિક્ષકોની શીખવવાની અને બાળકો શીખવાની રીતમાં બદલાવ આવશે. 5જી ટેકનોલોજીના માધ્યમ દ્વારા શિક્ષકો હોલોગ્રામનો ઉપયોગ કરી શકશે. હોલોગ્રામ દ્વારા શિક્ષકો ક્લાસરૂમથી દૂર હોવા છતાં પણ બાળકોને ભણાવી શકશે. આની મદદથી એક સાથે અનેક વિદ્યાર્થીઓને ભણાવી શકાય છે. (Imperial College London)
કોવિડ મહામારી અને પછી લોકડાઉને બાળકોને ઓનલાઈન શીખવાડ્યું છે. હવે યુટ્યુબ જેવા પ્લેટફોર્મ બાળકો માટે શીખવા માટેનું બેસ્ટ પ્લેટફોર્મ બની ગયું છે. 5જી દ્વારા વિદ્યાર્થીઓ કોઈપણ બફરિંગ વિના વીડિયો જોઈ શકશે. ઓનલાઈન ક્લાસ દરમિયાન વિદ્યાર્થીઓ કોઈપણ ઈન્ટરનેટ સમસ્યા વગર ક્લાસમાં જોડાય શકશે. (PTI)
પાંચમી પેઢીની ટેકનોલોજી વિદ્યાર્થીઓની સમજને વધારવામાં મદદ કરે છે. 5જી દ્વારા વિદ્યાર્થીઓ ક્લાસની બહાર રહીને પણ અભ્યાસ કરી શકશે. જો તે એવી જગ્યાએ હોય જ્યાં ઈન્ટરનેટની સમસ્યા હોય, તો ત્યાં રહીને પણ તે વધુ ઝડપે જાણકારી મેળવી શકે છે. વિદ્યાર્થીઓને ગમે ત્યાંથી અભ્યાસ કરવાનો વિકલ્પ મળશે. (Pexels)
શીખવું એ એક અનુભવ છે, તેથી તે બધા બાળકો પર થોંપી શકાય નહીં. પરંતુ વર્તમાન એજ્યુકેશન સિસ્ટમમાં, દરેક વ્યક્તિએ સમાન ઝડપે શીખવું પડશે. પરંતુ 5જી દ્વારા વિદ્યાર્થીઓને વ્યક્તિગત શિક્ષણનો મોકો મળશે. વર્ચ્યુઅલ ટીચિંગ આસિસ્ટન્ટ દ્વારા, દરેક વિદ્યાર્થી માટે જરૂરી વિષયો તેમને શીખવી શકાય છે. (Pexels)
5જી દ્વારા વિદ્યાર્થીઓ તેમના અભ્યાસ દરમિયાન વર્ચ્યુઅલ ટેક્નોલોજી દ્વારા ઝૂમ ઇન કરીને, પિંચ કરીને અથવા તો ટેપ કરીને કોઈપણ વિષયને સમજી શકશે. 5જી દ્વારા વિદ્યાર્થીઓ કોઈપણ ફિજિકલ ઓબ્જેક્ટને સરળતાથી અનુભવી શકશે. તમે તેને સ્પર્શ કરી શકશો અને તેની સાથે વાત કરી શકશો. વિદ્યાર્થીઓ મ્યુઝિયમમાં ગયા વિના 5જી દ્વારા ત્યાં જઈ શકશે. (Social Media)