IPL 2024: કોલકાતા vs રાજસ્થાન અને ગુજરાત vs દિલ્હીની મેચનું શેડ્યૂલ બદલાયું, જાણો હવે ક્યારે યોજાશે મેચ?
ઈન્ડિયન પ્રીમિયર લીગ 2024 નો ક્રેઝ હવે વિશ્વ ક્રિકેટમાં દેખાઈ રહ્યો છે અને તે દરમિયાન આ ટૂર્નામેન્ટને લઈને એક મોટું અપડેટ સામે આવ્યું છે. IPL 2024ની બે મેચોના શેડ્યૂલમાં ફેરફાર કરવામાં આવ્યો છે. ચાલો તમને જણાવીએ કે શેડ્યૂલમાં ફેરફારથી કઈ 4 ટીમો પ્રભાવિત થશે.
ઈન્ડિયન પ્રીમિયર લીગ 2024ના શેડ્યૂલમાં મોટો ફેરફાર કરવામાં આવ્યો છે. ટૂર્નામેન્ટની બે મેચની તારીખોમાં ફેરફાર કરવામાં આવ્યો છે. કોલકાતા પોલીસના પત્રને કારણે આ નિર્ણય લેવામાં આવ્યો છે.
કોલકાતા નાઈટ રાઈડર્સ અને રાજસ્થાન રોયલ્સ વચ્ચેની ટક્કર 17 એપ્રિલે થવાની હતી. પરંતુ રામ નવમીના કારણે હવે આ મેચ એક દિવસ પહેલા 16 એપ્રિલે યોજાશે.
ગુજરાત ટાઈટન્સ અને દિલ્હી કેપિટલ્સ વચ્ચેની મેચ પણ 16મી એપ્રિલે રમાશે નહીં. આ મેચ હવે 17 એપ્રિલે રમાશે.
તમને જણાવી દઈએ કે કોલકાતા પોલીસે હાલમાં જ BCCI અને બંગાળ ક્રિકેટ એસોસિએશનને પત્ર લખીને ઈડન ગાર્ડન્સ મેદાન પર યોજાનારી મેચના સમયપત્રકમાં ફેરફાર કરવાની માંગ કરી હતી. કોલકાતા પોલીસે કહ્યું હતું કે રામ નવમી દરમિયાન સુરક્ષા આપવાના કારણે તેઓ મેચમાં સુરક્ષા આપી શકશે નહીં. જે બાદ BCCIએ આ નિર્ણય લીધો છે.
આ વર્ષે સામાન્ય ચૂંટણીને કારણે IPL શેડ્યૂલ પર પણ અસર પડી છે. IPL શેડ્યૂલ બે તબક્કામાં શરૂ કરવામાં આવ્યું હતું અને હવે ફરી તેમાં ફેરફાર કરવામાં આવ્યો છે. હવે, ભવિષ્યમાં પણ તેનું સમયપત્રક બદલાય તો નવાઈ નહીં.
Published On - 5:15 pm, Tue, 2 April 24