તમે પર્સનલ લોન લેવાનું વિચારો છો? તો જાણો ફ્લેટ ઈન્ટરેસ્ટ રેટ પર લોન લેવી કે રિડ્યુસિંગ રેટ પર લેવી
લોકોને ક્યારે અચાનક રૂપિયાની જરૂરિયાત આવી જાય તેની કોઈને ખબર નથી. આ સ્થિતિમાં માટે બેસ્ટ ઓપ્શન પર્સનલ લોન છે. આ લોન અસુરક્ષિત હોવાથી બેંક તેના પર વધારે વ્યાજ વસૂલે છે. તમને જણાવી દઈએ કે ઘણી બેંક પર્સનલ લોન પર 24 ટકા સુધીનું વાર્ષિક વ્યાજ પણ વસૂલે છે.
લોકોને ક્યારે અચાનક રૂપિયાની જરૂરિયાત આવી જાય તેની કોઈને ખબર નથી. આ સ્થિતિમાં માટે બેસ્ટ ઓપ્શન પર્સનલ લોન છે. આ લોન અસુરક્ષિત હોવાથી બેંક તેના પર વધારે વ્યાજ વસૂલે છે. બેંક આ લોન ઝડપથી આપતી હોય છે. તમને જણાવી દઈએ કે ઘણી બેંક પર્સનલ લોન પર 24 ટકા સુધીનું વાર્ષિક વ્યાજ પણ વસૂલે છે.
આ જોતા સવાલ એ થાય કે પર્સનલ લોન લેતી વખતે ફ્લેટ રેટ વિકલ્પ પસંદ કરવો કે રિડ્યુસિંગ રેટ પર લેવી. ચાલો જાણીએ કે આ બંનેમાંથી કયો સોદો ફાયદાકારક છે. બેન્કિંગ નિષ્ણાતોના મતે લોન ફ્લેટ રેટને બદલે રિડ્યુસિંગ રેટ પર લેવી જોઈએ.
રિડ્યુસિંગ રેટ પર પર્સનલ લોન લેવાથી તમારે ઓછું વ્યાજ ચૂકવવું પડશે. એક ઉદાહરણ દ્વારા આ સમજીએ. જો તમે બેંકમાંથી 3 વર્ષ માટે 12 ટકાના ફ્લેટ રેટ પર 5 લાખ રૂપિયાની પર્સનલ લોન લઈ રહ્યા છો, તો તમારે અંદાજે 1,80,000 રૂપિયાનું વ્યાજ ચૂકવવું પડશે. એટલે કે તમારો માસિક EMI 18,889 રૂપિયા રહેશે.
જો તમે 12 ટકાના રિડ્યુસિંગ રેટ પર 5 લાખ રૂપિયાની લોન લો છો, તો તમારે વ્યાજ તરીકે 97,858 રૂપિયા આપવા પડશે. આ રીતે તમારા 82,142 રૂપિયાની બચત થશે. રિડ્યુસિંગ રેટ પર હોમ લોન લેવાથી તમારો EMI દર મહિને 16,607 રૂપિયા આવશે.
જો તમારો ક્રેડિટ સ્કોર 750 અથવા તેનાથી વધારે હશે તો જુદી-જુદી બેંક તમને સસ્તા દરે પર્સનલ લોન આપશે. આ ઉપરાંત લોન લેવા માટે સેલેરી એકાઉન્ટનો ઉપયોગ કરો. બેંક પગારદાર લોકોને ઓછા વ્યાજ પર પર્સનલ લોન આપે છે. આ ઉપરાંત લોન પરના વ્યાજની તુલના કરો અને જે બેંક ઓછા વ્યાજ પર લોન આપે છે તે બેંકમાંથી લોન લેવી જોઈએ.