ખેડૂતો માટે આવી શકે છે મોટી ખુશખબર, PM કિસાન સન્માન યોજનાની રકમ વધશે ! બજેટ ભાષણ પર સૌની નજર
મોદી સરકારના ત્રીજા કાર્યકાળનું સંપૂર્ણ બજેટ આગામી દિવસોમાં રજૂ કરવામાં આવશે. PM કિસાન સન્માન નિધિની રકમમાં કોઈ વધારો થાય છે કે કેમ તેના પર ખેડૂતોની નજર રહેશે.
આગામી દિવસોમાં કેન્દ્રીય નાણામંત્રી નિર્મલા સીતારમણ મોદી સરકારના ત્રીજા કાર્યકાળનું પ્રથમ પૂર્ણ બજેટ રજૂ કરશે. તમામની નજર આ બજેટ પર હશે. આ સત્રમાં મોદી સરકાર ખેડૂતોને મોટી ભેટ આપી શકે છે. અહેવાલો અનુસાર, પીએમ કિસાન સન્માન નિધિની રકમ વધારી શકાય છે. તમને જણાવી દઈએ કે, નાણામંત્રી નિર્મલા સીતારમણ સતત વિવિધ ક્ષેત્રો સાથે જોડાયેલા લોકોને મળી રહ્યા છે.
ઘણા અહેવાલોમાં એવો દાવો કરવામાં આવ્યો છે કે સરકાર પીએમ કિસાન સન્માન નિધિને 6000 રૂપિયાથી વધારીને 8000 રૂપિયા કરી શકે છે. હાલમાં કેન્દ્ર સરકાર દ્વારા ખેડૂતોને 2,000 રૂપિયાના 3 હપ્તા આપવામાં આવે છે. કેન્દ્ર સરકારની આ યોજનાનો લાભ 11 કરોડથી વધુ ખેડૂતોને મળે છે.
આ સ્કીમ કેટલી મહત્વની છે તેનો અંદાજ એ વાત પરથી લગાવી શકાય છે કે ત્રીજી વખત શપથ લીધા બાદ નરેન્દ્ર મોદીએ સૌથી પહેલા આ ફાઇલ પર સહી કરી હતી. આ વખતે પીએમ મોદીએ બનારસથી પીએમ કિસાન સન્માન નિધિનું વિમોચન કર્યું છે. આ વખતે મોદી સરકારે 20,000 કરોડ રૂપિયા સીધા પાત્ર ખેડૂતોના ખાતામાં મોકલ્યા હતા.
કેન્દ્રની નરેન્દ્ર મોદી સરકારે તેના પ્રથમ કાર્યકાળના છેલ્લા મહિનામાં તેની શરૂઆત કરી હતી. PM એ 24 ફેબ્રુઆરી 2019 ના રોજ તેને લોન્ચ કર્યું. ત્યારથી, આ યોજના દ્વારા કરોડો ખેડૂતોના ખાતામાં 3 લાખ કરોડ રૂપિયાથી વધુ ટ્રાન્સફર કરવામાં આવ્યા છે.
વચગાળાના બજેટમાં સરકારે ચાલુ નાણાકીય વર્ષ માટે કૃષિ મંત્રાલયના બજેટમાં વધારો કર્યો હતો. કેન્દ્ર સરકારે 1.27 લાખ કરોડ રૂપિયાનું બજેટ નક્કી કર્યું હતું. જે ગત નાણાકીય વર્ષ કરતાં વધુ છે.
Published On - 5:51 pm, Sat, 6 July 24