Traffic Police Rights : શું ટ્રાફિક પોલીસ કોઈની ધરપકડ કરી શકે ? જાણો શું કહે છે કાયદો

Traffic Police Rights : શું ટ્રાફિક પોલીસ કોઈની ધરપકડ કરી શકે ? જાણો શું કહે છે કાયદો
File photo

ઘણા લોકોના મનમાં પ્રશ્ન હોય છે કે શું ટ્રાફિક પોલીસ કોઈ વ્યક્તિની ધરપકડ પણ કરી શકે છે અથવા જો તે કોઈ નિયમનું પાલન ન કરે તો તેની પણ ધરપકડ થઈ શકે છે. તો આવો જાણીએ સત્ય શું છે ?

TV9 GUJARATI

| Edited By: Charmi Katira

Nov 01, 2021 | 1:14 PM

તમે જાણો છો કે જ્યારે કોઈ વ્યક્તિ ટ્રાફિકના નિયમોનું (Traffic Rules) પાલન કરતું નથી. તો ટ્રાફિક પોલીસ (Traffic Police) તેમને દંડ કરી શકે છે અથવા ઘણા કિસ્સાઓમાં પોલીસ વાહન જપ્ત પણ કરે છે. પરંતુ, લોકો માને છે કે માત્ર ટ્રાફિક પોલીસ જ ચલણ આપી શકે છે અને તેમને કોઈની ધરપકડ કરવાનો અધિકાર નથી. જ્યારે ઘણા લોકો માને છે કે ટ્રાફિક પોલીસ કોઈની ધરપકડ કરી શકે છે. તો આવો જાણીએ સત્ય શું છે ?

આ સિવાય અમે તમને જણાવીએ છીએ કે ધરપકડ અંગે ટ્રાફિક પોલીસના અધિકારો શું છે. જો પોલીસ પાસે ધરપકડ કરવાની સત્તા હોય તો તે કયા સંજોગોમાં વ્યક્તિની ધરપકડ કરી શકે? તો જાણો વર્દીધારી પોલીસકર્મીને કયા અધિકારો આપવામાં આવ્યા છે.

શું ટ્રાફિક પોલીસ ધરપકડ કરી શકે? મોટર વ્હીકલ એક્ટ મુજબ, પોલીસકર્મી અમુક કલમો હેઠળ ગુના માટે નાગરિકોની ધરપકડ કરી શકે છે. આ સાથે પોલીસને કોઈપણ વોરંટ વગર ધરપકડ કરવાનો અધિકાર આપવામાં આવ્યો છે. મોટર વ્હીકલ એક્ટમાં લખવામાં આવ્યું છે કે જો કોઈ વ્યક્તિએ પોલીસની હાજરીમાં કલમ 184, 185 197 હેઠળ શિક્ષાપાત્ર કૃત્ય કર્યું હોય તો યુનિફોર્મમાં આવેલ પોલીસકર્મી કોઈપણની ધરપકડ કરી શકે છે.

જો કે, જો કોઈની કલમ 185 હેઠળ સજાપાત્ર ગુના માટે ધરપકડ કરવામાં આવી હોય તો તો કલમ 203 અને કલમ 204 માં ઉલ્લેખિત તબીબી તપાસ ધરપકડના બે કલાકની અંદર કરવી જોઈએ નહીં તો આરોપી વ્યક્તિને છોડવો પડશે.

પોલીસ વોરંટ વગર ક્યારે અને ક્યારે ધરપકડ કરી શકે? યુનિફોર્મમાં આવેલ કોઈપણ પોલીસ અધિકારી આ પરિસ્થિતિઓમાં વોરંટ વિના ધરપકડ કરી શકે છે.

1. કોઈપણ વ્યક્તિ કે જેણે આ કાયદાની જોગવાઈઓ હેઠળ પોતાનું નામ અને ઠેકાણું જાહેર કરવાનો ઇનકાર કર્યો છે અથવા પોલીસ માને છે કે તે ખોટો છે, તેની ધરપકડ થઈ શકે છે.

2. કોઈપણ વ્યક્તિ કે જે આ કાયદા હેઠળના ગુનામાં હોય છે અને પોલીસને લાગે છે કે તે ફરાર થઈ જશે અથવા સમન્સની સેવા ટાળશે તો તેની ધરપકડ થઈ શકે છે.

3. ખતરનાક રીતે ડ્રાઇવિંગ (કલમ 184), ડ્રગ્સના પ્રભાવ હેઠળ ડ્રાઇવિંગ (કલમ 185), માલિકની સંમતિ અથવા કાયદેસર સત્તા (કલમ 197) વિના ડ્રાઇવિંગ, તેનું નામ અને સરનામું જાહેર કરવાનો ઇનકાર કરવા પર ફરાર થવાની આશંકા પર ધરપકડ કરી શકાય છે.

આ પણ વાંચો : Accident : ભૂતપૂર્વ મિસ કેરળ અને રનર અપ યુવતીનું રોડ અકસ્માતમાં મોત, બાઇક સવારને બચાવવા જતા કાર પલટી

આ પણ વાંચો : શ્વેતા તિવારીની લાડલી પલકથી પ્રભાવિત થયો ભાઈજાન, વીડિયો શેર કરીને લખી નાખ્યુ એવું કે વિશ્વાસ પણ નહીં આવે

Follow us on

Related Stories

Most Read Stories

Click on your DTH Provider to Add TV9 Gujarati